Josué 19:18 - Dios Iwene

¹⁸ Isacar niji comunidadma, Jezrel comunidadbi, Quesulot comunidadbi, Sunen comunidadbi,

Josué 19:18 Iomraidhean Croise

2 Samuel 2:9

ja̧danö jobetjö jo̧banö ujuninobe, Galaad niji jojodöbi, Guesuri niji jojodöbi, Jezrel niji comunidad jojodöbi, Efrain niji jojodöbi, Benjamin niji jojodöbi, okobe deinö ju'wedö israel jojodöbi la'aka tjuluwo̧ baibanö.

1 Reyes 1:3

Yötja̧liökwe, ösödinobe Davidma, jo̧kwajabetjö̧ israel niji ba̧kwemeachibanö ömöayuju bajibakwujunö tjisakwinobe, möayuju jwiinö otiwujunö tjöbadekwajobö. Jejenö isakwajadö, Sunem comunidad jojosuju Abisag mikwujunö tjöbadekwajinobe, ja̧danö badekwajadö, la'aka luwo̧ David ö̧jobekwö öbibö tjichejebinobe.

1 Reyes 2:17

Jö̧ja̧lökwe, —Betsabe, ötjöma chabe'domine ömöayujubinuju Sunem jojosuju Abisagnö chilekwo bajibanö chemobö jö̧ta̧la, jo̧kwajabetjö̧ kwitji̧ Salomonnö akebobö jö̧ta̧la, chilekwo bajibanö weakobetjö̧. Chedemi ökwöda la'aka luwo̧ Salomonnö akebitjö̧ma, isabenö akebaja̧danö weakwo̧. Jau, ökwöda Salomon ojo'do kwö̧jobetjö̧, –Wetökö, –jö̧ba̧lö atadökena, akebakwa̧ji̧? —jö̧ba̧lö aebinobe.

1 Reyes 2:21

Atadioko, —Sunem jojosuju Abisagnö weköbo, kwöpöe Adonias ilekwo bajibanö, —jö̧ba̧lö ajebinobe.

1 Reyes 21:1

Bakwo̧ Jesrel comunidad jojo, Nabot mikwo̧ma, uba batjo ujuna̧linobe Jezrel comunidadtjö. Ja̧danö, ja̧yu ö'öbönö Samaria la'aka luwo̧ Acabma, iteda eju comunidad ujuna̧linobe.

2 Reyes 4:12

Ja̧danö, Eliseoma iteda ömöayo̧ Giezi mikwo̧nö weinobe, —Sunem jojosujunö jwököbo, ja̧danö jobujunö yöka̧lo, –Jojosuju, isabenö otiwanö dösölö̧jinö pjakatajabe ökwödönö. Jobekwö otiwanö pjakati̧tjö̧, balekwa mikwa dakwö pjadatakwa̧da ökwönö? Inesö la'aka luwo̧nö, ju'wi jaye adebobö kwösödi̧ji̧? Ölakwabikwawadö tjuluwo̧nö, ju'wi jaye adebobö kwösödiji̧?, –jö̧ba̧lö abebö kwa̧ja̧kwo, —jö̧ba̧lö. Weökwe, Giezima Sunem jojosujunö jwöinobe, ja̧danö öba a'o jichibiökwe, Eliseo weaja̧danö abebö a̧ja̧kwinobe. Abebö a̧ja̧kwoko, —Jobekwö pjakataduwobö jwiobe, ötjöma ida̧ökö wene jwiinö chömöledö tjö̧'da̧de otiwanö ju̧ju̧sa, —jö̧ba̧lö jatadinobe.

2 Reyes 4:8

Ja̧danö, ju'wi möle Eliseo jelobe kwebachö i̧'yenama, Sunem comunidadbe ichibinobe. Ja̧danö, jobe ichibioko, jobe ju̧ju̧ nöinö juna̧lujuma, Eliseonö ja̧debinobe, jejutjö ukwobö. Ja̧danö, jemi ikenama, jelobekwö kwebachö, Sunem comunidadbenö öbaledenama, ba̧kwelöjatebö jejube tebachö ukwiainobe.

2 Reyes 8:29

Jo̧bekwö Siria luwo̧ Hazaelkwö ölakwabikwawonö, Ramot de Galaad comundiadtjö Siria jojodö inia tjöinö ja̧tjökwe, Israel la'aka luwo̧ Joramma Jezreel comunidadbe ȩwa̧jinobe, jobetjö inia tjö̧i̧tjö̧ ö̧bibajobö. Ja̧danö, Jezreel comunidadtjö, Joram inia tjöbö ö̧jiökwe, Juda la'aka luwo̧ Ocoziasma Jezreel comunidadbe i̧'yinobe, la'aka luwo̧ Joramnö edobö.

2 Reyes 9:15

Ja̧danö, Hazael ömöayedö Joramkwö ölakwabikwawö, inia tjöinö kwatjinobe Joramnö, jo̧kwajabetjö̧ inia tjöinö ja̧tjökwe, la'aka luwo̧ Joramma jobetjö ȩwa̧jinobe, Jezreel comunidadbe, inia tjöi̧tjö ö̧bibajobö. Jo̧kwajabetjö̧, Dios yöawi̧ yöbawo̧ o̧te toebaja̧ ikenama, Jehuma ju'wedö ölakwabikwawa luwedönö yöa̧linobe: —Babe kwi̧sȩbaduwaja̧danö, isabenö la'aka luwo̧ batibobö kwösödaduwitjö̧ma, baikwö wetaduwakwö: Teada̧lönö kwö̧jaduwo, bakwo̧bi bemi comunidadtjö labebö, Jezreel comunidadbe yöbawö i̧'yapji, —jö̧ba̧lö.

2 Reyes 9:30

Joramnö kwabö lobajo̧, tupakwö i̧'yinobe Jezreel comunidadbe, ja̧danö, Joram ojo'do Jezabelma ichaja̧ wene ja̧ja̧kwinobe. A̧ja̧kwaju, otikwö ja̧bö, jöba dujawinobe, ja̧danö jöwö'ye jotikwinobe. Ikenama, Jehu ichibakwa̧ teada̧lö, ventanasa'dotjö jeda̧linobe.

Josué 15:56

Jezrel comunidadbi, Jocdeán comunidadbi, Zanoa comunidadbi,

Josué 17:16

Atadawö̧, Efrainsaso jojodöbi, Manasessaso jojodöbi tjatadinobe, —Mösa'iju jȩmi nijinö dö̧ba̧jekwachököjayonö, ba̧ba̧lawobe ju̧kwadö cananeo jojodönö dujuluwoböma juluwöködösa. Jobadöma kolukiyanö ölakwabikwawadö, 'dii̧ jawatjö otikwa kolukiyanö, jo̧kwajabetjö̧ jobadö Betsan comunidad ju̧kwadönöbi, jemi ö'öbö pjei̧ comunidadtenia ju̧kwadönöbi, Jesreel wabekonö ju̧kwadönöbi dujuluwobö juluwöködösa, —jö̧ba̧lö tjatadinobe.

Josué 19:17

Ja̧danö, ö'wejemu jawa baibanö yemidanö inawiya jabö tjedenama, Isacarsaso jojodö tjitebo baibanö 'da̧batö wetjobö badekwachinobe. Ja̧danö, Dios chiyocha jö̧ba̧lö yöbawö ujunina badekwachinö, Isacar i̧tji̧mu tupadanö jojodö bakwasokwena tjitebo baibanö 'da̧batö wetjinobe, baikwö:

Josué 19:19

Jafarayin comunidadbi, Sijon comunidadbi, Anajarat comunidadbi,

1 Samuel 28:4

Ja̧danö, ja̧ baledaja̧ okobe, filisteo jojodöma ko̧ko̧kwö tjichinobe, ja̧danö Sunem comunidadtjö tjabemi tjujuninobe. Ja̧danö, Saulma okobe deinö israel jojodötjö ölakwabikwawa jojodönö ko̧ko̧dö, filisteo tjö̧jemi badeibö Gilboatjö tjabemi tjujuninobe.