Josué 19:10 - Dios Iwene

¹⁰ Ja̧danö, wapötakwanö baibanö yemidanö inawiya jabö tjedenama, Zabulon jojodö tjitebo baibanö 'da̧batö wetjobö badekwachinobe. Ja̧danö, Dios chiyocha jö̧ba̧lö yöbawö ujunina badekwachinö, Zabulon i̧tji̧mu tupadanö jojodö bakwasokwena tjitebo baibanö 'da̧batö wetjinobe, baikwö: Zabulon niji a̧likwöchobe bakwachobema, Sarid comunidadtjö jamatobe.

Josué 19:10 Iomraidhean Croise

Génesis 35:23

Ilekwo Leatjö i̧tji̧mu̧ma, bidö: Abönö pöe Reuben, ikena luwo̧ Simeón, ikena luwo̧ Leví, ikena luwo̧ Judá, ikena luwo̧ Isacar, ikena luwo̧ Zebulun.

Génesis 49:13

Ikenama Jacobma yöbawijetö itji̧ Zabulónnö: —Zabulón, ökwötjö tupadanö jojodöma ojwe ö'öbö kwö̧jaduwakwedöja, Sidón niji ichibanö. Jemi tjolanöma isowibiya owiawi ichö lamatakwemi— yöbawijetö Jacob Zabulónnö.

Josué 18:11

Josue inawiya jabö edenama, ajayinö Benjaminsaso jojodönö weobö badekwachinobe. Ja̧danö, ju'wibi laebinobe, benjaminsaso jojodö tjitebo nijima, juda nijitjöbi, Jose itjimu tupadanösaso tjitebo nijitjöbi 'da̧de nijima tjiteboakobe, jö̧ba̧lö.

Josué 18:6

Tupakwö weinobe Josuema, niji tedakwedönöma: —Nijima jelemutjö dötölata tjitebokwena baibanö kwi̧wȩyudaduwo, ja̧danö ösöjanö jweinö kwi̧wȩyudaduwo, ja̧ niji okwa ji̧ma, wajuwanö laebobö. Ikenama, ja̧ wȩyudajadö, baikwö chöba a'okwö kwichejebaduwo. Ikenama, ötjöma Duluwo̧ Isabenö Jo̧ Dios öba a'otjö inawiya jabö chedocha, Diosda bakwasokwena jojodö tjitebokwena baibanö tjemakwa̧ niji i̧sȩbakobetjö̧.

Josué 19:11

Ja̧danö Saridtjö, jawo̧ meajobekwö bajalenö dötewobe bakwachobema, Marala comunidadbe ichibanö, ja̧danö jobetjö Dabeset comunidadbe ichibanö, ja̧danö tupakwö bajalenö Jocnean comunidad badeibösödö ojwebe ichibanö.

Josué 19:9

Ja̧ Simeon niji Juda niji ö'wejenö ji̧ labebö loawama, baikwö laebobe. Judasaso jojodönö ajayinö 'da̧batö wetjina nijima, yelösöda jalinemi judasaso jojodöda jobe tjö̧joböma, jo̧kwajabetjö̧ ja̧ niji ja'ö Simeon niji baibanö 'da̧batö wetjinobe. Jo̧kwajabetjö̧ simeonsaso nijima, judasaso niji ö'wejenö ji̧nobe.