Josué 18:3 - Dios Iwene

³ Ina tjitebo niji jwitjiökwe, Josuema israel jojodö jobe ko̧ko̧kwadönö yöawinobe, baikwö: —Chömöledö, ökwödöma lekwe mölȩ teada̧ladöja, Dios iyina niji emökönö. Duluwo, da'dödö tjösödinökwe Isabenö Jo̧ Diosma isabenö otiwanö iyinobe ökwödönö, kwiteboduwi baibanö kwemaduwoböma, kwiteada̧lobö jwiobe chömöledö.

Josué 18:3 Iomraidhean Croise

Proverbios 10:4

Ja̧danö, ju'wibi yötawa: 'Du̧wekwadöma jwibadöda tjö̧jakwedö. Jo̧bekwö tjö̧jökakwedö ba̧kwȩlö̧jatebö dösökwadöma. Ba̧kwȩlö̧jatebö dösökwadöma dösölö̧jinö tjotidobetjö̧ juna̧la̧dö tjö̧jakwedö.

Proverbios 13:4

Ja̧danö, ju'wibi yötawa 'du̧wekwo̧nöbi dösökwö otido̧nöbi wanedöma: 'Du̧wekwo̧ma ju'wi jawabi ju'wi jawa emobö ösödijayonö emökakwo̧. Jobekwö ö̧jokobe dösölö̧jinö otido̧ma. Jo̧bama dösölö̧jinö otidobetjö̧ ösödi̧ jawa nöinö emakwo̧.

Proverbios 15:19

Ju'wibi yötawa, du̧ju̧tajanö wanedö, 'du̧wekwo̧nöbi, Dios wei̧ a̧ja̧kwo̧nöbi: Ja̧danö, 'du̧wekwo̧ma otidobö ji̧jayonö, dakwö chotidakwa̧jö nöa, jö̧ba̧lö, chotidökena, jö̧ba̧lö otidokobe. Jo̧ba 'du̧wekwo̧ma sȩa'wonö kwebachö, ba̧ja̧ ö̧'i̧ya tjöeba̧lökwedanö wanekwacho̧, dakwö kwetachakwa̧jö sȩa, jö̧ba̧lö. Okobe jwiinö, chotidoböma waiya jö̧ba̧lö omukwatobetjö̧ otidokobe. Jo̧kwaijayonö, Dios wei̧ a̧ja̧kwo̧ma dösölö̧jino otidobetjö̧ jweamanö, suli̧ tjöeba̧lakwawa jwii̧ mananö jweinöda kweachobedanö wanekwacho̧.

Mateo 20:6

Ikenama, yi̧benakwö las cinco jenanö yemidanö kwakwawa emawejube labebö i̧'yinobe, ja̧danö ju'wedö otidöködönö edinobe. Jobadönö edö, abebö a̧ja̧kwinobe: ¿Tajawedö möle baledibanö otidökönö kwö̧jaduwobedaja̧?, jö̧ba̧lö.

Juan 6:27

A̧ja̧kwaduwitjö, wanedö yötawi̧ma: Ökwödöma 'dö̧ibaji̧ kwakwawada kwukwaduwobö omukwatö kwö̧jaduwobe. Jo̧kwaijayonö yötawaduwakwö. 'Dö̧ibajökö jawa kwakwawa kwujuna̧laduwobö omukwatö kwö̧jaduwo. Ja̧ 'dö̧ibajökö kwakwawama ba̧kwȩlö̧jatebö ja̧kwawa iyi̧ kwakwawa. Ja̧ kwakwawa iyo̧ma ötjöda, jojo baibanö jeminökweda. Jau, ötjödasa ba̧kwȩlö̧jatebö ja̧kwawa iyo̧ma, Chabe'do Dios jejenö chiyobö ösödö ötjönö weinobetjö̧— yöawinobe Jesúsma jobadönöma.

Josué 1:6

Jo̧kwajabetjö̧, kwujuluwachibanö yebabökönö kwö̧jo Josue, isabenö bidö israel jojodönö öbibö, tja'dödönö yöbawö chujunina niji tjemobö pjakatakobetjö̧.

Josué 13:1

Ja̧danö, Josue jwiinö pöe ö̧jena, Isabenö Jo̧ma Josuenö yöa̧linobe, baikwö: —Josue, ökwöma ida̧ökö jwiinö pöeja, ja̧danö ina nöinö niji̧ ji̧bobe, ökwödö israel jojodö kwemaduwoböma.

Josué 18:2

Ja̧danö, israel jojodötjö ju'wedö ida̧ökö tjitebo tjujuna̧lijayonö, ina jelemutjö dosolataja jojodöma ina tjitebo niji jwibadö tjö̧jinobe, ina 'da̧batö wetjokobetjö̧.

Josué 18:4

Jo̧kwajabetjö̧ baikwö wetaduwakwö chömöledö: Ökwödö ina kwiteboduwi jwibadöma, ömadönö 'da̧batö kwujunaduwo, niji kwebachö tjedobö. Bakwasokwena, ömadö wamedukwanö omudawö kwujunaduwo, ju'wedö tjiminö kwebachö tjedakwedönö. Ikenama jobadöma okobe jwiinö canaan niji edö kwetjachakobe, ja̧danö kwebachajadö, niji tjedaja̧ wȩyudö tjödobö ja̧kobe, –Bejenö 'da̧batö junö, ditebokwena dujuna̧lobö jo̧be, –jö̧ba̧lö.

Jueces 18:9

Abebö tja̧ja̧kwawö̧, yötjawinobe kwebachö ȩwa̧jadöma, —Ichaduwi, jobadönö mebibö di̧'yo, tjitebo niji ökwödöda ditebo niji baibakobetjö̧. Tjitebo niji dedajabetija, ja̧danö isabenö jwiinö otiwi̧ niji. Kwiteada̧laduwa chömöledö, juluwanö jobe di̧'yaduwo. Teada̧lökönö, juluwanö jobe di̧'yobö jo̧be, tjitebo niji tebachö, ditebo baibanö demakobetjö̧.