Josué 18:25 - Dios Iwene

²⁵ Ja̧danö ju'wi comunidadbi benjamin niji comunidad ji̧nobe, bi̧ya: Gabaon comunidadbi, Rama comunidadbi, Berot comunidadbi,

Josué 18:25 Iomraidhean Croise

2 Samuel 2:12

Ju'wi möle Abnerma uluwo̧ Isboset ömöayedö ölakwabikwawa jojodönö öbibö, Majanayin comunidadtjö labebö, Gabaon comunidadbe i̧'yinobe.

2 Samuel 4:2

Isboset ömöayedötjö du̧ju̧taja ölakwabikwawa jojodö tjuluwedö tjö̧jinobe, Rimon mikwo̧ i̧tji̧muma, Bana mikwo̧bi, Recab mikwo̧bi. Tjabe'do Rimonma Benjamin niji comunidad Berot jojo. Ja̧ Berot jojo jö̧ba̧lö laebi̧ma, israel jojobö̧kö̧ jö̧ba̧löma wanekwachokobe, ja̧ möle Berot comunidadma, Benjaminsaso jojodö tjö̧jemi comunidad.

1 Reyes 15:17

Ju'wi möle Israel la'aka luwo̧ Basama Juda niji mebibö, Rama comunidad ujuluwinobe, ja̧danö juluwajo̧, Rama comunidad tjöbebö otidinobe, iteda ömöayedö ölakwabikwawa jojodö jobe ja̧nö tjötjeba̧lakobetjö̧. Jobe Ramatjö tjötjeba̧lobö jö̧a̧linobe, jojodö Juda la'aka luwo̧ Asa itebobe tetjachapji jö̧ba̧lö, ja̧danö Asa itebonö ju̧kwadö jobetjö latjebapji jö̧ba̧lö, jobe tjötjeba̧lobö weinobe.

1 Reyes 9:2

Isabenö Jo̧ma yemidanö öwawachö yöawinobe Salomonnö i̧'wi̧dinö, ajayinö Gabaontjö jo̧banö öwawachö yöawinadanö.

1 Crónicas 8:29

Benjaminsaso jojo Jeiel mikwo̧ma, Gabaon comunidad otidina, ja̧danö Gabaon comunidadnö ö̧jinobe. Jeiel ilekwoma, Maaca mikwuju,

Isaías 10:29

Micmastjö labebajo̧, mösa'iju 'da̧ba̧lanö öbaledinobe, ja̧danö baledajo̧, ömöayedökwö Geba comunidadtjö tjabekwinobe. Jobekwö ichibiawö̧, Rama comunidad jojodöma tjö̧bawö tju̧ju̧kwinobe, ja̧danö la'aka luwo Saulmine itebo comunidad Gabaa jojodöma dötjibajinobe.

Isaías 28:21

Diosma isabenö a̧la̧ibö ölakwabikwawakwo̧, damötjö Perazim mösa'otjö ölakwabikwawinadanö, ja̧danö Gabaon wabekotjö ölakwabikwawinadanö ölakwabikwawakwo̧. Iteda otidobö jö̧a̧li̧ jawa otidakwo̧, jojodö tajijö jö̧ba̧lö wajwitji̧ jawa otidakwo̧. Jau, iteda omukwatö ujunina, jojodö wajwitji̧ jawa otidakobetjö̧, jobekwö a̧la̧ibö ölakwabikwawakwo̧ Isabenö Jo̧ma, —jö̧ba̧lö laebobe Dios yöawi̧ma.

Mateo 27:57

Yi̧benakwö, bakwo̧ José mikwo̧ma Pilato ö̧jobekwö i̧'yinobe. Jo̧ba Joséma Arimatea jojo, ja̧danö nöinö balada juna̧lo̧, ja̧danö ju'wibi Jesús öba̧ja̧di̧ waisacho̧ ö̧jinobe.

Josué 10:2

Jejenö a̧ja̧kwö, Adonisedecma jwiinö yeaibinobe. Gabaon comunidadma, jalobe comunidad ji̧nobe, Hai comunidadtjö bajalekwönönö jalobe ji̧nobe, ja̧danö okobe deinö Gabaon comunidad ömadöma, ölakwabikwawa juluwadö tjö̧jinobe. Gabaon comunidadma ju'wi inesö la'aka luwedö tjö̧jemi comunidadbiya juluwi̧danö juluwemi ji̧nobe, jo̧kwajabetjö̧ Gabaon comunidad jojodö israel jojodökwö dösölö̧jinö tjö̧jakwa̧ yöbawö tjujunaja̧ wene a̧ja̧kwö, ajayitjö bajalekwönönö yeaibinobe Adonisedecma.

Josué 15:34

Zanoa comunidadbi, Enganín comunidadbi, Tapúaj comunidadbi, Enam comunidadbi,

Josué 18:24

Quefar Amoni comunidadbi, Ofni comunidadbi, Gueba comunidadbi. Ja̧ a̧linösamutjö dötölataja comunidadbi, ö'öbö pjei̧ comunidadteniabi, benjamin niji comunidad ji̧nobe.

Josué 18:26

Mizpa comunidadbi, Cafira comunidadbi, Moza comunidadbi,

Josué 19:29

Ja̧danö jobetjö Rama comunidad jo̧bekwö bajalenö dötewobe bakwachobema, 'diinö tjöekwobe Tiro comunidad ö'öböbe ichibanö. Ja̧danö jobetjö Josa comunidad jo̧bekwö dötewobe Aser niji bakwachobema, bajalianö jwaibalawabe ichibanö. Ja̧danö ju'wi Aser niji comunidadma, Majaleb comunidadbi, Aczib comunidadbi,

Josué 21:17

Ja̧danö, Benjaminsaso jojodöma tjitea nijitjöbi tjiyinobe, Gabaon comunidadbi, Gueba comunidadbi,

Josué 7:17

Ikenama juda jojodötjö, bakwasokwena tjichibobö weinobe, ja̧danö Zerasaso jojodönö i̧sȩbinobe, Sulabenö ja̧binama Zerasaso jojo, jö̧ba̧lö. Jo̧kwajabetjö̧ Zerasaso jojodötjö tja'dökwena ömöledö tjichibobö weinobe, ja̧danö Zabdi mikwo̧ itji̧mu tupadanö jojodönö i̧sȩbinobe, Sulabenö ja̧binama Zabdi itji̧mu tjupadanö jojodötjö bakwo̧, jö̧ba̧lö.

Josué 9:17

Jejenö waisachibö, israel jojodöma juluwanö tjitebobe tji̧'yinobe, ja̧danö wapötakwa möle kwebachajadö, gabaonitas jojodö tjitebobe tjichibinobe. Jobadö gabaonitas jojodö tjitebo comunidadbiyama, Gabaon comunidadbi, Cafira comunidadbi, Berot comunidadbi, Quiriat Yearin comunidadbi.

Josué 9:3

Jo̧kwaijayonö, jobadö jejenö israel jojodökwö tjölakwabikwawobö omukwatö tjö̧jonö, gabaonitas jojodöma wainö ja̧tjobö tjomukwatinobe. Jobadöma Josue Jericonö ju̧kwadönöbi, Hainö ju̧kwadönöbi söbebö loina wene a̧ja̧kwö,

Jueces 19:12

Jo̧kwaijayonö yöa̧lökwe uluwo̧ atadinobe, —Jobadöma israel jojodöböködö, ja̧danö dömöledö israel jojodöböködö tjitebo tedachökakwedösa, jobe daboböma. Tupakwö di̧'yaduwo, Guibea comunidadbe dichibanö, —jö̧ba̧lö.

Jueces 19:13

Ja̧danö, yöba̧lajo̧, ju'wibi yöa̧linobe, —Guibea comunidadbi, Rama comunidadbi israel jojodö tjuju̧kwemi comunidad, ja̧danö ödöokobe. Tupakwö di̧'yaduwo, Guibeabeö̧kö̧, Ramabeö̧kö̧ dichibobö, jobe dabakobetjö̧, —jö̧ba̧lö.

1 Samuel 1:1

Bakwo̧ Elcana mikwo̧ ö̧jinobe, israel jojodötjö Efraínsaso jojodö tjitebonö, mösa'iju jena comunidad Ramánö. Jo̧ba Elcanama Jeroham mikwo̧ itji̧, ja̧danö Jerohamma Eliú mikwo̧ itji̧, ja̧danö Eliúma Tohu mikwo̧ itji̧, ja̧danö Tohuma Zuf mikwo̧ itji̧. Ju'wibi, efrateo jö̧ba̧lö ötjabawö̧tjö bi̧na jo̧ba Elcana mikwo̧ma.

1 Samuel 1:19

Jemi ikena möle, Elcanabi ömöledöbi yȩayi ala̧ibö yemidanö Isabenö Jo̧ öba a'otjö bȩbachibö tjösödinobe, ja̧danö ösödajadö, tjitebo Ramabe tjȩwa̧jinobe. Ja̧danö, Elcanama ilekwo Anakwö ö̧jinobe, ja̧danö Isabenö Jo̧ma Ana ajebina omukwatö metu'wo jö̧jobö weinobe,