Josué 18:24 - Dios Iwene

²⁴ Quefar Amoni comunidadbi, Ofni comunidadbi, Gueba comunidadbi. Ja̧ a̧linösamutjö dötölataja comunidadbi, ö'öbö pjei̧ comunidadteniabi, benjamin niji comunidad ji̧nobe.

Josué 18:24 Iomraidhean Croise

2 Samuel 5:25

Weökwe, Isabenö Jo̧ weaja̧danö ja̧inobe Davidma, ja̧danö Gabaontjö, Guezerbe ichibenanö kabatö ba̧jȩkwadö filisteo jojodönö kwabawö loinobe.

1 Reyes 15:22

Basa jejenö ȩwa̧jiökwe, Asama weinobe okobe deinö Juda jojodönö, bakwobi ö̧ji̧bökönö, okobe deinö Rama comunidadbe tji̧'yobö, Rama comunidad tjöbebö tjotidina jawa inawiyabi, towi okwi'ijubi 'döbebö tje'ewobö. Ja̧danö, ja̧ 'döbebö tje'ewaja̧ jawanö, Benjaminsaso comunidad Guebabi, Mizpa comunidadbi 'diinö tjöbebö tjotidinobe.

2 Reyes 23:8

Ju'wibi okobe deinö Diostjö jojodötjö ö'weje pjabatadönö, Juda niji comunidadtenia ju̧kwadönö öibinobe Jerusalen comunidadbe. Ja̧danö Juda niji ba̧kwemeachibanö möemitenia iyawemi, ajayinö ö'weje pjabatadö tjiyinemibiya, Geba comunidadtjö, Berseba comunidadbe ichibanö suli̧ öwaedinobe Josiasma, jobetjö yemidanö tjiyökakobetjö̧. Ja̧danö Jerusalen comunidad la'aka luwo̧ Josue mikwo̧ otidina möemi, comunidad apjudetjö wajwitjobekwöchobe ji̧ iyawemima, söbebö loinobe Josiasma.

Isaías 10:29

Micmastjö labebajo̧, mösa'iju 'da̧ba̧lanö öbaledinobe, ja̧danö baledajo̧, ömöayedökwö Geba comunidadtjö tjabekwinobe. Jobekwö ichibiawö̧, Rama comunidad jojodöma tjö̧bawö tju̧ju̧kwinobe, ja̧danö la'aka luwo Saulmine itebo comunidad Gabaa jojodöma dötjibajinobe.

Josué 18:23

Avin comunidadbi, Para comunidadbi, Ofra comunidadbi,

Josué 18:25

Ja̧danö ju'wi comunidadbi benjamin niji comunidad ji̧nobe, bi̧ya: Gabaon comunidadbi, Rama comunidadbi, Berot comunidadbi,

Josué 21:17

Ja̧danö, Benjaminsaso jojodöma tjitea nijitjöbi tjiyinobe, Gabaon comunidadbi, Gueba comunidadbi,

1 Samuel 13:3

Jobe Guibeatjö, filisteo jojodö ölakabikwawa jojodö tjö̧jemi ji̧nobe, ja̧danö Jonatanma ömöayedö ölakwabikwawa jojodökwö jobadö filisteo jojodönö ölakwabikwawö ujuluwinobe, ja̧danö filisteo jojodöma ja̧ baledaja̧ wene tja̧ja̧kwinobe. Jejenö balediökwe, Saulma weinobe, israel niji ba̧kwemeachibanö yöbawadönö asabikwawi̧ jawa trompeta asabikwawö, jojodönö yötjawobö, —Ökwödö Hebreo jojodöma, filisteo jojodönö ölakwabikwawö kwichaduwo, —jö̧ba̧lö.