Josué 18:14 - Dios Iwene

¹⁴ Ja̧danö, jobetjö, a̧li̧kwö bajalenö dötewobe benjamin niji bakwachobema juda niji comunidad Quiriat Baal, ju'wi imi Quiriat Yearin comunidadbe ichibanö. Jobekwö laebobe benjamin niji jawo̧ meajobekwö bakwachobe wȩyukwöjama.

Josué 18:14 Iomraidhean Croise

2 Samuel 6:2

Ja̧danö, ko̧ko̧dajo̧, jobadönö öbibö i̧'yinobe Balia de Juda ötjabobe, jobetjö isapjo Dios iteapjo tjemobö. Jo̧ba Diosma, Isabenö Jo̧, Okobe Jwiinö Juluwo̧ Dios, ja̧danö inesö iteakanö ö̧bȩmima, inesö juluwadö angeledö querubines ötjabawö̧ tjöwame Bo̧. Ja̧danö ja̧pjoma, Inesö Isabenö Jo̧ imida laebapjo.

Josué 15:60

Ja̧danö Quiriat Baal ju'wi imi Quiriat Yearín comunidadbi, Rabá comunidadbi, ö'öbö pjei̧ comunidadteniabi. Okobe jwiinö ja̧ mösa'iju jȩmi comunidadteniama, juda niji comunidadtenia baibinobe.

Josué 15:9

Ja̧danö ja'o wa̧pekwa'otjö, ojwese'do Neftoaj mikwe'dobe ichibanö dötewobe, ja̧danö jobetjö Efron mösa'o jȩmi comunidadbiya ichibanö dötewobe bakwachobema. Ja̧danö jobetjö̧ Bala comunidadbe, ju'wi imi Quiriat Yearin comunidadbe ichibanö dötewobe bakwachobema.

Josué 18:13

Ja̧danö jobetjö tjitebo bakwachobema a̧likwö dötewobe, Luz comunidad, ju'wi imi Betel comunidad ö'öbö mösa'obe ichibanö. Ja̧danö jobetjö tjitebo bakwachobema a̧li̧kwö dötewobe, Atarot Adar comunidadbe ichibanö. Ja̧ comunidadma, mösa'o la'aka Bet Joron comunidadtjö a̧likwösa'o mösa'onö jo̧be.

Josué 18:15

Ja̧danö benjamin niji a̧li̧kwöchobe bakwachobe wȩyukwöjama, baikwö laebobe. Quiriat Yearin ö'öbötjö, jawo̧ laebobekwö bajalenö dötewobe, ojwese'do Neftoaj mikwe'dobe ichibanö.

Josué 9:17

Jejenö waisachibö, israel jojodöma juluwanö tjitebobe tji̧'yinobe, ja̧danö wapötakwa möle kwebachajadö, gabaonitas jojodö tjitebobe tjichibinobe. Jobadö gabaonitas jojodö tjitebo comunidadbiyama, Gabaon comunidadbi, Cafira comunidadbi, Berot comunidadbi, Quiriat Yearin comunidadbi.

1 Samuel 13:18

jeleso jawo̧ meajobekwö Betsoronbe 'ya̧kwawamabenö tji̧'yinobe, ja̧danö jeleso ja̧wo̧ ichobekwö israel niji bakwachobe, Zeboim wabeko ötjabobe, jojodö deobekwö 'ya̧kwawamabenö tji̧'yinobe.