Josué 17:15 - Dios Iwene

¹⁵ Atjebökwe, Josuema jobadönö atadinobe, —Jau, isabenö ba̧jȩkwadöja, ja̧danö kwiteboduwi Efrain niji mösa'iju jȩmi niji jalokobetjö̧, tebobe kwi̧'yaduwo, jobe jubö lobö, kwiteboduwi baibanö kwotidaduwobö. Jau, kwiteboduwi jalokobetjö̧, ferezeo jojodöbi, refaita jojodöbi tjitebobe 'ya̧nö, tebo juköbaduwo, jobe kwöjaduwobö, —jö̧ba̧lö atadinobe Josuema.

Josué 17:15 Iomraidhean Croise

Génesis 13:7

Ja̧danö, Abram a̧jwi̧munö te'ada̧ladökwö Lot a̧jwi̧munö te'ada̧ladökwö wene juna̧lakwawijadötö. Ja̧ mölema ju'wedöbi jobema ju̧kwijadötö, cananeo jojodöbi ferezeo jojodöbi.

Génesis 14:5

Ja̧danö, la'aka luwo̧ Quedolaomer, ju'wedö wamedukwa la'aka luwedökwö, ja̧danö tjömöayedö guardia jojodökwö jobe Sidim niji ba̧ba̧lena tji̧'yakwa̧ abönöma ju'wedönö, ju'wedönöbi ölakwabikwawö tjujuluwotö jö̧ba̧lö 'yi̧jadötö. Ba̧jekwadönö juluwijadötö, bidö: refaitas jojodönö, Astarot-Karnaimnö ju̧kwadönöma, ja̧danö, zuzitas jojodönö, Hamnö ju̧kwadönöma, ja̧danö, emita jojodönö, Save-quiriataimnö ju̧kwadönöma. Jobadönö ölakwabikwawö juluwijadötö.

Génesis 15:20

Ja̧danö hititas jojodöbi, ferezeos jojodöbi, refaítas jojodöbi tjitebokwena bemi nijima.

2 Samuel 18:6

Jejenö israel jojodö Absalon ömöayedökwö tjölakwabikwawobö latjebinobe, ja̧danö Efrain niji tebo okwatjö tjölakwabikwawinobe.

2 Samuel 5:18

Ja̧danö, filisteo jojodö tjichenama, wabeko Refayin ötjabobe ichibö, wabeko ba̧kwemeachibanö tjölakwabikwawobö tjabakwemi tjotidinobe.

2 Samuel 5:22

Jemi ikenama, ja'yubenö lekwajabetjö, filisteo jojodöma yemidanö Davidnö tjujuluwobö tjichinobe, ja̧danö yemidanö wabeko Refayin ötjabeko ba̧kwemeachibanö tjölakwabikwawobö tjö̧jinobe.

Éxodo 33:2

Ja̧danö, ötjö wetökwe ángelma kwabönöduwinö i̧'yakwo̧. Ja̧danö, kwi̧'yaduwobema a'dewö lotocha ju'wedönö, jobe ju̧kwadönöma, cananeo jojodönö, amorreo jojodönö, heteo jojodönö, ferezeo jojodönö, heveo jojodönö, jebuseo jojodönö.

Lucas 12:48

Jo̧kwaijayonö ömöayedötjö uluwo̧ wei̧ wajwibö uluwo̧ öpöjödi̧danö ja̧bo̧nöma labinö kwakwaökena uluwo̧ma. Wajwibö sulabenö ja̧obetjö̧, uluwo̧ma labinö kwakwaökena, ja'yubeda kwakwaena, wajwibö sulabenö ja̧ajabe jö̧ba̧lö— yöawinobe Jesúsma. Wanedö yöbawajo̧, Jesúsma labebö lobö yöawinobe baikwö: —Chöba̧ja̧di̧ waisachadötjö nöinö chöba̧ja̧dawö̧ma, nöinö tjotidobö weakobe Diosma, bidöma isabenö otiwanö otikwa waisadö jö̧ba̧lö. Ja̧danö ju'wibi yötawaduwakwö, bidöma otiwanö tjotidakwedö jö̧ba̧lö nöinö tjotidobö Dios 'da̧batö ujunawö̧ma, ju'wedötjö bajalekwönönö nöinö tjotidobö jo̧be— jö̧ba̧lö yöawinobe.

Josué 17:14

Ja̧danö, Jose Itji̧mu tupadanö jojodö Efrain jojodöbi, Manases jojodöbi Josuenö yötja̧linobe, —Duluwo̧ Josue, Ökwödöma isabenö bajȩkwadösa, Duluwo̧ Isabenö Jo̧ otiwanö ökwödönö pjaatinobetjö̧, ba̧jȩkwadösa ökwödöma. Jo̧kwaijayonö, dö̧ba̧jekwijayonö, bakwemi ja'yuwemida kwiyajabe. Ajayi kwiyaja̧tjö bajalekwönönö kwiyobö adebakwö, kwiyina nijinö otiwanö dö̧ba̧jekwachokobetjö̧, —jö̧ba̧lö atjebinobe.

Josué 17:16

Atadawö̧, Efrainsaso jojodöbi, Manasessaso jojodöbi tjatadinobe, —Mösa'iju jȩmi nijinö dö̧ba̧jekwachököjayonö, ba̧ba̧lawobe ju̧kwadö cananeo jojodönö dujuluwoböma juluwöködösa. Jobadöma kolukiyanö ölakwabikwawadö, 'dii̧ jawatjö otikwa kolukiyanö, jo̧kwajabetjö̧ jobadö Betsan comunidad ju̧kwadönöbi, jemi ö'öbö pjei̧ comunidadtenia ju̧kwadönöbi, Jesreel wabekonö ju̧kwadönöbi dujuluwobö juluwöködösa, —jö̧ba̧lö tjatadinobe.

Jueces 17:1

Efrainsaso nijinö mösa'iju jȩmi bakwo̧ Micaias mikwo̧ ö̧jinobe.