Josué 15:39 - Dios Iwene

³⁹ Laquis comunidadbi, Boscat comunidadbi, Eglón comunidadbi,

Josué 15:39 Iomraidhean Croise

2 Reyes 14:19

Amasias ö'wö baibina wene baikwö laebobe: Amasias ömöayedö Jerusalennö ju̧kwadötjö ju'wedö jo̧banö kwabö lotjobö omukwatö tjujuninobe, ja̧danö jo̧banö kwabö lotjakwa̧ öwaisachibajo̧, Laquis comunidadbe döibajinobe Amasiasma. Jo̧kwaijayonö, ju'wedönö wetjinobe, Amasiasnö lubö, Laquis comunidadbe tji̧'yobö, ja̧danö Laquis comunidadtjö Amasiasnö kwabö lotjinobe.

2 Reyes 18:14

Jobekwö ölakwabikwawö ichiökwe, Juda la'aka luwo̧ Ezequiasma yöa̧li̧ weinobe Laquis comunidadnö jo̧ Asiria la'aka luwo̧nö, —Chuluwo̧, weköbi̧ katatibobö jö̧ta̧linama, sulabenö chomukwatijatö. Babema chomukwati̧ balewachö, weköbi̧ cha̧ja̧kwakwo̧sa, jo̧kwajabetjö̧ ötjökwö kwölakwabikwawi̧ kakatibobö atebakwö. Ja̧danö, sulabenö ja̧tina mikwa baibanö ökwönö chimidobö weköbi̧ma, weköbi̧danö isabenö ja̧takwo̧sa, —jö̧ba̧lö yöa̧li̧ weinobe Ezequiasma. Yöa̧liökwe, Asiria la'aka luwo̧ma weinobe Juda la'aka luwo̧ Ezequiasnö, plata jawa nueve mil kilo jenanö imidobö, ja̧danö oro jawa nuevecientos kilo jenanö imidobö.

2 Reyes 18:17

Jo̧kwaijayonö, jobekwö iyajayonö, yayonö Asiria la'aka luwo̧ma iteda ömöayedönö, ölakwabikwawadötjö la'aka luwo̧nöbi, eju teada̧ladötjö la'aka luwo̧nöbi, yöawi̧ la'aka yöbawo̧nöbi weinobe, ba̧jȩkwadö ölakwabikwawadönö öbibö, Jerusalenbe 'yanö Ezequiaskwö yötja̧lakwawobö. Ja̧danö, Jerusalenbe ichibajadö, kamisi dichawemibe 'ya̧kwawama mananö tjöjamatinobe, möakwö ojwese'dotjö i̧sa̧la sotjinemi bajale ö'öbö.

2 Reyes 19:8

Asiria la'aka luwo̧ yöawi̧ yöbawo̧ma a̧ja̧kwinobe, —Chuluwo̧ Asiria la'aka luwo̧ma Laquis comunidadtjö labebajo̧, Libna comunidad jojodökwö ölakwabikwawobetö, —jö̧ba̧lö. Ja̧danö, a̧ja̧kwajo̧, Jerusalentjö labebö, uluwo̧ Asiria la'aka luwo̧ ö̧jobekwö i̧'yinobe, Libna comunidadbe.

2 Reyes 22:1

Juda la'aka luwo̧ baibenama, jelemutjö wapötakwa o̧biya ujuna̧linobe Josiasma, ja̧danö la'aka luwo̧ babibajo̧, treinta y un o̧biya baledibanö Jerusalen comunidadnö ja̧nö webö ö̧jinobe. Josias ojo'doma, Jedida mikwuju, Boscat comunidad jojo Adaia mikwo̧ itjiju.

Josué 10:3

Jo̧kwajabetjö̧, Jerusalen comunidad la'aka luwo̧ Adonisedecma yöbawadönö weinobe ju'wedö amorreo la'aka luwedönö yötjawobö, Hebron comunidad la'aka luwo̧ Hoham mikwo̧nöbi, Jarmut comunidad la'aka luwo̧ Piream mikwo̧nöbi, Laquis comunidad la'aka luwo̧ Jafia mikwo̧nöbi, Eglon comunidad la'aka luwo̧ Debir mikwo̧nöbi yötjawobö, baikwö:

Josué 10:34

Ikenama, Laquistjö labebö, tupakwö Eglon comunidadbe i̧'yinobe Josuema, israel ölakwabikwawa jojodökwö. Eglonbe ichibajadö, tjösawö tjölakwabikwawinobe,

Josué 15:38

Dileán comunidadbi, Mizpa comunidadbi, Joctel comunidadbi,

Josué 15:40

Cabón comunidadbi, Lajmás comunidadbi, Quitlís comunidadbi,