Josué 15:19 - Dios Iwene

¹⁹ Abebö a̧ja̧kwoko, —Chabe'do, otiwanö pjabatö kwiyobö chösöda, ida̧ökö Neguev ötjabobe niji kwiyajabe, jo̧kwaijayonö kököobe ja̧ nijima. Jo̧kwajabetjö̧ ju'wibi ojwese'do jȩmi nijibi kwiyobö atebakwö, —jö̧ba̧lö ajebinobe Acsama. Ja̧danö, jejenö ajebökwe, Calebma ajebaja̧danö iyinobe, jobetjö u'dakwö jawase'dobi, a̧likwö jawase'dobi iyinobe, itjiju Acsanö.

Josué 15:19 Iomraidhean Croise

Génesis 12:9

Ikenama ju'wi möle Abramma öibajawö̧kwö jobetjö labebö abiabö 'yi̧jetö a̧li̧kwö, Neguev niji ichibenanö kabatö.

Génesis 33:11

Jo̧kwaobetjö̧ chiyi̧ma kwemobö chösöda Diosma ötjönö lȩlö̧jinö edö pjaatajabetjö̧, nöinö juna̧lo̧ batibanö— jö̧ba̧lijetö Jacobma Esaúnöma. Jejenö dösölö̧jinö jö̧a̧lökwe emijetö Jacob iyajawö̧nöma.

2 Corintios 9:5

Jejenö omukwatö, dö̧ja̧wo̧dönö di̧'yakwa̧ abönö wetobö chomukwata chömöledö, chichibakwa̧ abönö, kwiyaduwakwa̧ jö̧ka̧linaduwa 'da̧batö kwujunaduwobö. Jau chömöledö, ökwödöda yökawinaduwobe diyobö dösöda jö̧ba̧lö, ¿jö̧tö? Jo̧kwajabetjö̧, chichibakwa̧ abönö ida̧ökö 'da̧batö kwujunaduwobö otiwena, ökwödötjö webö 'dötebobedanö ichejekwapji jö̧ba̧lö.

Deuteronomio 33:7

—Ja̧danö Judasaso jojodönö yöta̧la baikwö: Chuluwo̧ Isabenö Jo̧, Judasaso jojodö ökwönö pjakatobö jwötjenama, kwa̧ja̧kwobö atebakwö, ja̧danö yemidanö ju'wedö tjömöledö israel jojodökwö batjibinö pjakatobö atebakwö. Ja̧danö tjöpöjojodökwö tjölakwabikwawenama, jobadönö pjakatobö atebakwö, jobadönö pjabatö ökwöbi kwölakwabikwawobö atebakwö.

Josué 15:18

Ja̧danö Acsa Otonielnö jemenama, jilekwenö yöja̧linobe, —Chabe'do Calebnö niji adebo, —jö̧ba̧lö. Ja̧danö, jabe'do ö̧jobekwö 'ya̧ju, jajwi bulo oma'atjö mejibenama, jabe'do Calebma abebö a̧ja̧kwinobe, —Chitiju, taji kwösöda? —jö̧ba̧lö.

Josué 15:20

Dios chiyocha jö̧a̧lina badekwachinö, juda bakwasokwena jojodö tjitebo baibanö 'da̧batö wetjinobe, ja̧danö ja̧ niji comunidadtenia imibiya wȩyukwöjama, baikwö laebobe:

1 Samuel 25:27

Jau chuluwo̧, ötjöma bi̧ya ökwönö chiyobö chichejebajabe, ökwöbi kwömöayedöbi kwujuna̧laduwobö, jo̧kwajabetjö̧ chiyi̧ kwemaduwobö atebakwö.