Josué 15:17 - Dios Iwene

¹⁷ Jejenö yöa̧liökwe, Caleb öjawo̧ Kenaz mikwo̧ itji̧ Otoniel mikwo̧ma, ja̧ comunidad mebibö ujuluwinobe, ja̧danö jejenö ujuluwiökwe, Calebma itjiju Acsa mikwujunö weinobe, Otoniel ilekwo bajibanö.

Josué 15:17 Iomraidhean Croise

1 Crónicas 27:15

Ikena jawo̧ o̧batjö bajaleapo jawo̧ la'aka luwo̧ma, Netofa comunidad jojo Otoniel itji̧ tupadanö jojo Heled mikwo̧. Ja̧ jawo̧ jo̧ba ömöayedö veinticuatro milbedö teada̧lö tjö̧jinobe. Jobekwö laebobe jawo̧kwena ölakwabikwawa jojodötjö luwedö tjimibiya wȩyukwa'yema.

1 Crónicas 4:13

Cenaz mikwo̧ itji̧muma bidö: Otoniel mikwo̧bi, Seraias mikwo̧bi. Ja̧danö Otoniel itji̧muma bidö: Hatat mikwo̧bi, Meonotai mikwo̧bi. Ja̧danö Meonotaima, Ofra mikwo̧ abe'doinobe.

Josué 14:6

Josue jamatö israel jojodö tjitebo baibanö iyina jawa, baikwö laebobe. Ju'wi möle, Guilgal comunidadtjö, Caleb mikwo̧ma ju'wedö ömöledö judasaso jojodökwö ichibinobe Josue öba a'o, niji atjebobö. Jo̧ba Calebma Jefone mikwo̧ itji̧, ja̧danö quenizita jö̧ba̧lö ötjabökwe. Josue öba a'o ichibö, Calebma Josuenö aebinobe baikwö: —Josue, ökwöma kwöwaisa damötjö Isabenö Jo̧ Dios ötjönöbi, ökwönöbi yöa̧lina, iteda ömöayo̧ Moisesnö yöa̧lina jawama. Jau Josue, ina Cades Barneanö dö̧jayi, Diosma ökwödönö otiwanö yöawinobe.

Josué 15:16

Ja̧danö, jobe ju̧kwadönö ölakwabikwawenama, Caleb yöa̧linobe, —Bakwo̧ Quiriat Sefer jojodönö mebibö, ujuluwitjö̧ma, juluwajo̧nö chitjiju Acsa mikwujunö wetocha, ilekwo bajibanö, —jö̧ba̧lö.

Jueces 1:13

Jejenö yöa̧lökwe, Caleb öjawo̧ Quenaz mikwo̧ itji̧ Otoniel mikwo̧ma, Quiriat Sefer comunidad mebibö ujuluwinobe, ja̧danö jejenö ujuluwiökwe, Calebma itjiju Acsanö weinobe, Otoniel ilekwo bajibanö.

Jueces 3:11

Ikenama, Otoniel ina 'yaa̧layi, israel jojodöma wene jwiinö tjö̧jinobe, cuarenta o̧bia baledibanö, Otoniel ö'wö baibenanö kabatö.

Jueces 3:9

Ikenama, usula emawö, Isabenö Jo̧nö tjubudekwenama, Isabenö Jo̧ma jobadönö pjaatinobe. Jobadönö pjaatakwo̧nö kabebö ujuninobe, la'aka tjuluwo̧ ja̧nö, jobadönö jwebebö pjaatobö. Caleb öjawo̧ Quenaz itji̧ Otoniel mikwo̧nö kabebö ujuninobe, israel jojodönö pjaatakwo̧ baibanö, ja̧danö Otonielma jobadönö pjaatinobe, Cusan Risatayin ujulutjö tjö̧jibobö.