Josué 11:6 - Dios Iwene

^6-7 Jejenö tjo̧ko̧kwiökwe, Josuema israel ölakwabikwawa jojodönö öbibö i̧'yinobe Merom ojwese'dobe. Ja̧danö, tjichibakwa̧ abönö, Isabenö Jo̧ma Josuenö yöawinobe, —Idö ko̧ko̧kwadönö yekabobö jwiobe Josue, isabenö jobadönö kwujuluwobö chiyakobetjö̧. Jau Josue, isabenö israel jojodö jobadönö kwabö lotjobö chiyocha, itekwayi, babedajayena baibakwa̧ abönö, ida̧ökö okobe deinö jobadönö kwabö loköbaduwakwedöja. Ikenama, jejenö jobadönö juluwajadö, tja̧jwi̧mu ka̧bayudö tji̧se'bo ja'önö 'wikebaduwo, kabayudöma otiwanö ö'öbakwawöködö batjibanö, ja̧danö kolukiyama juwö loköbaduwo, —jö̧ba̧lö yöa̧linobe Isabenö Jo̧ma Josuenö. Ikenama Josuema ömöayedö ölakwabikwawa jojodökwö ichibö meibinobe Meromtjö ko̧ko̧kwajadönö. Tjichibaja̧ wajwitjonö, juluwanö metjibinobe,

Josué 11:6 Iomraidhean Croise

2 Samuel 8:4

Ölakwabikwawö, ömöayedötjö kabayudönö wajadönö mil sietecientobedönö do̧atinobe, ja̧danö ju'wedö ölakwabikwawa jojodönö veinte milbedönö do̧atinobe. Juluwajo̧, tja̧jwi̧mu ka̧bayudö tji̧se'bo ja'önö 'witjebinobe, otiwanö ö'öbakwawöködö batjibanö, tjajwimutjö sule cien kolukiya töbadönöda 'witjebinokobe.

2 Reyes 6:16

Yöa̧lökwe, —Yebabökönui chömöayo̧, tjö̧ba̧jekwijayonö, ökwödökwö ju̧kwadö ölakwabikwawadöma, jobadö tjö̧ba̧jȩkwi̧tjö bajalekwönönö ba̧jȩkwadö pjabatö tju̧ju̧kwobe, —jö̧ba̧lö atadinobe.

Proverbios 20:7

Ja̧danö, ju'wibi yötawa: Ba̧kwo̧ Dios wei̧ a̧ja̧kwo̧ma otiwanö omukwatö jo̧. Isabenö, jo̧ba i̧tji̧mu̧ma tjo̧'wo̧ ösöwanö ju̧kwadö tjabe'doma Dios wei̧ a̧ja̧kwö otiwanö omukwatö ö̧jobetjö̧.

Isaías 30:16

Ja̧danö Dios kwö̧jibaduwobö wei̧ öpöjödö, yöka̧linaduwobe, —Ja̧maökö. Ökwödöma kabayudönö wa̧nö, döpöjojodö tjöba a'otjö dödibakwedösa, dö̧jibobö, —jö̧ba̧lö. Ja̧danö, isabenö dökibaduwakwedöja chömöledö. Yöka̧laduwajabe, —Kabayudö juluwanö ö'öbakwawadö tjoma'anö wanö, otiwanö dö̧jibakwedösa, —jö̧balö, jo̧kwaijayonö baikwö yötawaduwakwö, ökwödönö lubadöbi juluwanö lutjakwedö, ökwödönö tjichibenanö baibanö.

Isaías 31:1

Ayö, isabenö usula tjemawakwedö, Egipto niji jojodö pjatjatakwa̧ tjo̧'wo wana̧ladöma. Jobadöma Egipto nijibe 'ya̧dö, —Isabenö otiwanö pjatjatakwedö Egipto jojodöma, —jö̧ba̧lö. Ja̧danö ju'wibi kabayudönö tjo̧'wo wana̧lö tjö̧jobe, —Egipto jojodöma nöinö ölakwabikwawa jawa kolukiya tjujuna̧lobetjö̧, ja̧danö jobadötjö kabayudönö wa̧nö ölakwabikwawadöma juluwadötjobetjö̧, dö̧jibinö pjatjatakwedö, —jö̧ba̧lö tjomukwatobe. Isabenö tjo̧'wo tjöwana̧lo jö̧tja̧lökwema, Israel jojodö tjösödökwe Sulabe Jwibo̧ Diosda. Abebö tja̧ja̧kwo jö̧tja̧lökwema, Isabenö Jo̧ Diosda, jo̧kwaijayonö jo̧banö omukwatökönö, wajwibö Egipto jojodönöda tjo̧'wo wana̧ladö, sulabenö.

Deuteronomio 7:16

—Chömöledö, kwiteboduwibe kwichibaduwenama, kwuluwo̧duwi Isabenö Jo̧ Diosma iyakobe, jobe ju̧kwadönö kwujululuwadobö, ja̧danö jejenö kwujuluwaduwobö iyenama, jwiinö jobadönö söbebö loköbaduwobö ja̧kobe. Jau chömöledö, lelö̧jinöma edökönaduwi jobadönö, ja̧danö tjösödawö̧nö ösödökönaduwi, 'daliwadanö kwö̧libaduwapji jö̧ba̧lö, —jö̧ba̧lö yöawinobe Moisesma.

Josué 10:8

Ja̧danö, Isabenö Jo̧ma Josuenö yöawinobe, —Josue, jobadö amorreo jojodö ölakwabikwawa jojodönö yekaboko. Jau Josue, isabenö jobadönö kwujuluwobö chiyajabe, jo̧kwajabetjö jobadötjö bakwo̧bi kwöba a'o ö̧joböma jwiakobe, isabenö okobe deinö jobadönö kwujuluwakobe, —jö̧ba̧lö.

Josué 11:5

Jejenö ko̧ko̧kwö, okobe deinö jobadöma tjabakwemi Merom ojwese'dotjö tjujuninobe, jobetjö labebö, israel jojodönö tjölakwabikwawakobetjö̧.

Josué 11:9

Ikenama, jobadönö juluwajo̧, Isabenö Jo̧ weinadanö ja̧inobe Josuema, tja̧jwi̧mubajadö kabayudö tji̧se'bo ja'önö 'witjebobö weinobe, otiwanö ö'öbakwawöködö batjibanö, ja̧danö kolukiyama juwö lotjobö weinobe.

Josué 3:5

Ja̧danö Josuema jojodönö weinobe, —Isabenö Jo̧ öba a'o tjichibakwedö tjidichawi̧danö, wame jawa kwusuladuwi babe dichawö loköbaduwo, itekwayi möle Isabenö Jo̧ma kwö'da̧deduwitjö kwöbajaleduwi jalaka baibanö iteda ujulu i̧sȩbakobetjö̧, —jö̧ba̧lö weinobe.

Jueces 7:9

Ja̧danö, i̧ya̧da yö̧te, Isabenö Jo̧ma Gedeonnö yöawinobe, —Tjo̧wi, madianitas jojodö tjabobe mekibobö badekwachajabe, isabenö jobadönö kwujuluwobö chiyajobetjö̧.

1 Samuel 11:9

Ja̧danö, Jabestjö ichö yöbawajadönö wetjinobe, ȩwa̧jö Jabes jojodönö yötjawobö, —Itekwai ina tiyuwayi, möle ja'ö baibakwa̧ abönö, kwöjibaduwinö ichö pjadatakobe, —jö̧ba̧lö. Yötjawawö̧, Jabes jojodöma tjo̧'wo ösöwachibinobe.