Josué 11:22 - Dios Iwene

²² Jwiinö jobadönö söbebö loinobe, israel nijitjö bakwo̧bi ö̧jibökenanö. Jo̧kwaijayonö israel nijitjö detjijayonö, jobadötjö o̧bukwedöma ina filisteo jojodö tjitebonö tjö̧jinobe, Gaza comunidadtjöbi, Gat comunidadtjöbi, Asdod comunidadtjöbi.

Josué 11:22 Iomraidhean Croise

1 Reyes 2:39

Jemi ikenama, wa̧pötakwa o̧biya baledibaja̧ ikenama, Simi ömöayedötjö du̧ju̧taja dötjibajinobe, jadanö filisteo jojodötjö la'aka luwo̧ Aquis webö ö̧jobe tji̧'yinobe, Gat comunidadbe. Ja̧danö, ju'wedö yötjawinobe Siminö, —Simi, kwömöayedöma Gat comunidadnö tju̧ju̧kwobe, —jö̧ba̧lö.

1 Crónicas 18:1

Jemi ikenama, ja'yubeda lekwajabetjö, Davidma filisteo jojodökwö ölakwabikwawinobe, ja̧danö jwiinö ujuluwinobe filisteo jojodönö. Jwiinö filisteo jojodönö ujuluwinobe Davidma, ja̧danö tjitebo la'aka comunidad Gatbi, ö'öbö pjei̧ comunidadtenibi jobadötjö 'döebinobe.

Isaías 20:1

Asiria jojodötjö inesö la'aka luwo̧ Sargon mikwo̧ma, iteda ömöayedö ölakwabikwawa jojodötjö la'aka luwo̧nö weinobe, ömöayedönö öbibö, filisteo jojodö tjitebo comunidad Asdodbe ölakwabikwawö tji̧'yobö. Weökwe, ölakwabikwawö tji'yinobe, ja̧danö Asdod comunidad jojodönö tjujuluwinobe. Ja̧ baledina o̧bama, Isabenö Jo̧ma iteda yöawi̧ i̧sȩbinobe, tupakwö baledakwa̧ jawama.

Hechos 8:40

Ikenama Felipema jelobe öwawachijetö, Azotobe. Jobetjö Cesareabe ȩwa̧jö, Dios jawa otiwa jawa wene yöbawiabö ȩwa̧jijetö okobe jwiinö jobe comunidadeskwena.

Deuteronomio 2:23

Ja̧danö, aveos jojodöma ajayinö Gaza nijinö tjö̧jinobe, jo̧kwaijayonö filisteo jojodöma Cretatjö ichö, jobadönö söbebö lotjinobe, ja̧danö söbebö lobajadö, aveos jojodö tjiteboinemi nijinö tjö̧jinobe, idöda tjitebo niji baibanö.

Deuteronomio 9:2

Jobe ju̧kwadöma isabenö juluwadö, jobadötjö ju'wedöma kwöwaisaduwawö̧, inesö ödöbaedö anaquitas jojodönö. Jobadönö yötja̧li̧ a̧ja̧kwinadöja chömöledö, –Ayö, jobadö ödöbaedö anaquitas jojodönö ti ujuluwakwajö, –jö̧ba̧lö yötja̧li̧ a̧ja̧kwinadöja.

Josué 10:41

Ja möle Josue ujuluwinemima, baikwö laebobe, a̧li̧kwö niji Cades Barneatjö, Gaza nijibe ichibanö, ja̧danö okobe jwiinö Gosen niji Gabaon comunidadbe ichibanö ujuluwinobe.

Josué 15:14

Ja̧danö, Calebma Hebrontjö anaquita jojodönö a'dewö loinobe, wapösokwa jojodö Anak itji̧mu tupadanö jojodönö, Sesaysaso jojodönöbi, Ajimansaso jojodönöbi, Talmaysaso jojodönöbi.

Josué 15:46

jwaibalawa lo̧bekwö ji̧ pjei̧ comunidadteniabi, Asdod comunidad jo̧bekwö ji̧ pjei̧ comunidadteniabi,

Josué 15:47

Asdod comunidadbi, ö'öbö pjei̧ comunidadteniabi, Gaza comunidadbi, ö'öbö pjei̧ comunidadteniabi. Ja̧danö okobe jwiinö Egipto ö'öbösödö lo̧bekwö ji̧ comunidadteniabi, ju'wi jwaibalawa Mediterreano ötjabawa ö'öbö comunidadteniabi. Okobe jwiinö ja̧ ba̧ba̧lawobe comunidadteniama, juda niji comunidadtenia baibinobe.

Jueces 1:18

Ju'wibi Juda jojodöma Gaza comunidadbi, ö'öbö pjei̧ comunidadteniabi tjujuluwinobe, ja̧danö Ascalon comunidadbi, ö'öbö pjei̧ comunidadteniabi, ja̧danö Ecron comunidadbi, ö'öbö pjei̧ comunidadteniabi.

Jueces 3:3

Damötjö̧ Isabenö Jo̧ma Moisesnötjö̧ israel jojodönö weinobe, canaan niji ju̧kwadökwö pjabacha̧lökönö, jwaikwöda jobadönö söbebö lotjobö, ja̧danö otiwanö weina tja̧ja̧kwojobö tja̧ja̧kwokojobö jö̧ba̧lö öwawakobetjö̧, cananeo jojodö ina tjitebonö tjö̧jobö weinobe, jobadökwö tjölakwabikwawakobetjö̧. Jobadö ina tjitebonö ji̧nadöma bidö: Filisteo jojodötjö bakwamu la'aka luwedöbi, tjitebokwena ju̧kwadöbi, ja̧danö cananeos jojodöbi, Libano niji mösa'iju, Baal Hermon mösa'otjö Lebo Jamatbe ichibanö ju̧kwadö sidonio jojodöbi, heveo jojodöbi.

1 Samuel 17:4

Ja̧danö, jejenö tjö̧jonö, filisteo jojodö tjö̧jelö bakwo̧ Goliat mikwo̧, Gat comunidad jojoma ömöledö tjö̧jelö, tjö̧'da̧detjö laebinobe. Jo̧ba Goliatma, ölakwabikwawa waisina, ja̧danö jwiinö möbo̧, wapötakwa metros bajalekwönönö möbo̧.

1 Samuel 5:1

Filisteo jojodöma Dios iteapjo israel jojodötjö 'dötjebinobe, Ebenezertjö israel jojodönö tjujuluwenama, ja̧danö 'döbebajadö, tjitebo comunidad Asdodbe tje'ewinobe.