Josué 11:1 - Dios Iwene

¹ Jazor comunidad la'aka luwo̧ Jabin mikwo̧ma israel jojodö canaan niji̧ a̧li̧kwö ju̧kwadönö tjujuluwina wene a̧ja̧kwinobe, ja̧danö a̧ja̧kwajo̧, bakobe ju'wedö canaan niji la'aka luwedökwö israel jojodönö ölakwabikwawö tjujuluwobö omukwatinobe. Jejenö omukwatö, yöbawadönö weinobe, Madon comunidad la'aka luwo̧ Jobab mikwo̧nöbi, Simron comunidad la'aka luwo̧nöbi, Acsaf comunidad la'aka luwo̧nöbi,

Josué 11:1 Iomraidhean Croise

2 Samuel 10:15

Ja̧danö, siria niji la'aka luwedöma tjedinobe, —Ayö, israel jojodöma dömöayedö ölakwabikwawa jojodö wedinawö̧nö tjujuluwajabetija, —jö̧ba̧lö. Jo̧kwajabetjö̧, siria niji ba̧kwemeachibanö ju̧kwadö ölakwabikwawa jojodönö tjo̧ko̧kodinobe, israel jojodönö tjujuluwobö.

1 Reyes 4:11

Salomon itjiju Tafat mikwuju jilekwe Ben Abinadab mikwo̧ma, Nafot Dor comunidad la'aka luwo̧ ö̧jinobe.

1 Reyes 9:15

Salomonma ba̧jȩkwadö jojodönö omudawö weinobe, iteda ömöayedö babibö, wei̧ jawa otidö tjö̧jobö. Ja̧danö, jobadö Salomon ömöayedö tjotidina jawama, baikwö laebobe: Salomon weawö̧, Isabenö Jo̧ ejubi, Salomon ejubi, Jerusalentjö Milo jö̧ba̧lö ötjabemibi, Jerusalen comunidad tjöekwemibi. Ja̧danö ju'wibi, pjolö lotjina comunidadbiya Jazor comunidadbi, Meguido comunidadbi, Guezer comunidadbi, yemidanö tjotidobö weinobe.

2 Reyes 15:29

Ja̧danö, Peka israel la'aka luwo̧ öjonö, Asiria la'aka luwo̧ Tiglat-pileser mikwo̧ma israel nijibe ölakwabikwawö ichinobe, ja̧danö ichibajo̧ Ijon comunidadbi, Abel-bet-maaca comunidadbi, Janoa comunidadbi, Cedes comunidadbi, Hazor comunidadbi, Galaad nijibi, Galilea nijibi, okobe jwiinö Neftalisaso nijibi mebibö ujuluwinobe. Ja̧danö, juluwajo̧, jobe ju̧kwinadönö do̧batö, tjitebotjö labebö öibinobe jobadönö, iteda itebo Asiriabe.

Isaías 26:11

Chuluwo̧ Isabenö Jo̧, isabenö kwömamu kabebö jo̧ja, sulabedönö lȩkeboböma. Jo̧kwaijayonö lȩkebakwa̧ edö omukwatöködö sulabedöma. Jo̧kwajabetjö̧ lȩkebobö atebakwö chuluwo̧, jobadönö lȩbebö, inesö kwömöledönö kwösödi̧ kwi̧sebobö atebakwö, tabakwö tjö̧jakobetjö̧. Ökwö kwöpöjojodönö juwö lobo̧ja chuluwo̧, ja̧ lȩkebi̧ jawa ökwölanö jobadönö juwö lȩkebobö atebakwö chuluwo̧.

Isaías 43:2

Jau, wene kwöbaledaduwenama, pjatatakwo̧sa, baikwö wanedö yöta̧la: Ojwiyo da̧kwemi kwöbaledaduwena, ökwödökwö chö̧jakwo̧sa, ja̧danö ojwe da̧kwödö pekibaduwijayonö o̧kibaduwökakwedöja, ötjöda tjöbeba̧lö pjatatobetjö̧. Ja̧danö ökwöla nöinö ubola ö'wejenö kwöbaledaduwijayonö, kwubaduwökakwedöja, ökwöla neawanima suli̧ öwaedökakwawö̧ja.

Josué 10:43

Ja̧danö, jejenö juluwajo̧, Josuema ju'wedö israel jojodökwö Guilgalbe ȩwa̧jinobe, ju'wedö israel jojodö tjuju̧kwobekwö.

Josué 11:10

Ikenama, ja̧ kabatibö, Josuema tjebachajö ölakwabikwawa jojodökwö Jazor comunidadbe i̧'yinobe. Ajayinöma Jazor comunidadma okobe jwiinö ja̧ nijitjö inesö la'aka comunidad ji̧nobe, jo̧kwajabetjö ja̧ comunidad ujuluwobö i̧'yinobe Josuema. Ja̧danö ölakwabikwawö, Jazor la'aka luwo̧nö kwabö lotjinobe, ja̧danö Jazor comunidad jojodönö tjujuluwinobe.

Josué 12:19

Madón comunidad la'aka luwo̧bi, Jazor comunidad la'aka luwo̧nöbi,

Josué 12:20

Simrón Merón comunidad la'aka luwo̧nöbi, Acsaf comunidad la'aka luwo̧nöbi,

Josué 19:36

Adama comunidadbi, Rama comunidadbi, Jazor comunidadbi,

Jueces 4:17

Ja̧danö, jejenö Sisara ömöayedönö lubö kwabawö lotjonö, Sisarama jo̧dawa'ye ö'öakwawinobe, quenita jojo Heber ilekwo Jael mikwuju jejube ichibenanö kabatö. Jael jilekwe Heberma la'aka luwo̧ Jabin ömöledöso̧danö ö̧jinobe, jo̧kwajabetjö̧ jobekwö döibajinobe Sisarama, jobe wene jwiinö ö̧jibobö.

Jueces 4:2

Jejenö sulabenö ja̧tji̧ökwe, Isabenö Jo̧ma jobadönö iyö loinobe, tjöpöjojodö cananeo jojodötjö la'aka luwo̧ Jabin mikwo̧ jobadönö suli̧ waedö ujuluwobö. Jo̧ba Jabinma, Jazor comunidadnö ja̧nö, ömöayedönö weinobe. Ja̧danö, Jabin ömöayedö ölakwabikwawa jojodö tjuluwo̧ma Sisara mikwo̧ ö̧jinobe, ja̧danö Sisarama Jaroset Goyim comunidadnö ö̧jinobe.

Jueces 5:19

Döpöjojodö cananeo jojodötjö la'aka luwedöma, ichö ökwödönö tjujuluwotö jö̧ba̧lö tjölakwabikwawinobe, Meguido ojwese'do o'obö Tanactjö ökwödökwö tjölakwabikwawinobe, jo̧kwaijayonö tjujuluwinokobe, ja̧danö ditea plata jawa tjeminokobe.