Josué 10:40 - Dios Iwene

⁴⁰ Jejenö Josuema okobe jwiinö ja̧ a̧li̧kwöchobe niji ujuluwinobe, mösa'iju jȩmibi, a̧li̧kwöchobe Neguev ötjabobebi, ba̧ba̧lawobebi, mösa'iju ö'öbö nijibi. Ja̧danö jelobetenia ujuluwenama, okobe deinö jojodönö, bakwo̧bi ö̧jibökönö kwabawö lotjobö weinobe Josuema. Israel tjuluwo̧ Isabenö Jo̧ Dios weinadanö, okobe deinö bakwo̧bi ö̧jibökönö kwabawö lotjobö weinobe Josuema.

Josué 10:40 Iomraidhean Croise

1 Reyes 15:29

Ja̧danö, inesö la'aka luwo̧ baibaja̧ ikenama, juluwanö okobe deinö Jeroboan ömöledönö kwabawö loinobe Basama, okobe deinö Jeroboan ömöledötjö ina 'yaba̧ladönö kwabawö loinobe, ji̧bo̧ bakwo̧bi deinö. Ja̧danö, ja̧ jobadönö kwabawö loinama, Dios yöawi̧ yöbawo̧, Silonita jojo Ahias yöawinadanö baledinobe. Jeroboanma jwiinö sulabenö ja̧bö ö̧jinobe, ja̧danö ju'wibi, ömöayedö Israel jojodönö sulabenö ja̧tjobö weinobe, isabenö jwaikwöda Israel jojodö tjösödökwe Isabenö Jo̧ Dios öpöjödi̧ jawa sulabenö ja̧inobe, Isabenö Jo̧ma jwiinö Jeroboannö ödameakwawenanö baibanö. Ja̧danö, jejenö sulabenö ja̧iökwe, Jeroboannö lȩbebö Isabenö Jo̧ma weinobe, okobe deinö Jeroboan ömöledönö Basa kwabawö loobö.

Éxodo 34:12

Ja̧danö, jobe tekachaja̧duwa ikena tjöbeba̧löjinö kwö̧jaduwo jobe ju̧kwadökwö. Jobadönö yöka̧laduwoko, bakobe ösödinö dö̧jobö yöba̧lakwawö dujuno, jö̧ba̧lö. Jejenö yöba̧lakwawö kwujunaduwoko, jobadö tjö̧ji̧ma 'daliwanö kwö̧libaduwi̧danö ötjibapji jö̧ba̧lö, jobadökwö pjakacha̧laduwinö.

Deuteronomio 1:7

Jo̧kwajabetjö̧ belö labebö, tupakwö mösa'iju jȩmi niji amorreo jojodö tjitebobebi, Araba ötjabobe nijibebi, ju'wi mösa'iju jȩmi nijibebi, mösa'o ö'öbö nijibebi, Neguev ötjabobe nijibebi, jwaibalawa ö'öbö nijibebi kwi̧'yaduwo. Jau, jobe cananeos jojodö tjibebobebi, Libano nijibebi, ojwe nöödö Eufrates nijibebi kwi̧'yaduwo, kwiteboduwi baibanö kwemaduwakobetjö̧.

Deuteronomio 2:34

Ja̧ möle okobe jwiinö itebo comunidadtenia dujuluwijatö, ja̧danö juluwajadö, okobe deinö jobe ju̧kwadönö kwabawö lodijatö, ömadönöbi, ya̧dönöbi, tjemunöbi, bakwo̧bi ö̧jibökönö okobe deinö Sijon ömöayedöbinadönö kwabawö lodijatö.

Deuteronomio 7:24

Ja̧danö tjuluwedö inesö la'aka luwedönöbi kwujuluwaduwobö weakobe, jadanö jejenö kwujuluwaduwobö weenama, jobadö luwedönöbi tjömöledönöbi kwabawö loköbaduwo, tji̧tji̧mu tupadanö jojodötjö bakwo̧bi tjö̧jibökönö. Isabenö jobadö kwöpöjojodötjö bakwo̧bi kwöba a'oduwi ö̧joböma jwiakobe, okobe deinö jobadönö kwabawö loköbaduwenanö kabatö.

Josué 10:35

ja̧danö i̧ya̧da möle comunidad tjujuluwinobe, ja̧danö jobe ju̧kwadönö kwabawö lotjinobe. Laquistjö ja̧inadanö, okobe deinö jobe ju̧kwadönö kwabawö lotjobö weinobe Josuema, bakwo̧bi ö̧jibökönö.

Josué 10:37

Hebron comunidadbi, ö'öbö comunidadteniabi tjujuluwinobe. Ja̧danö, juluwajadö, Hebron la'aka luwo̧nöbi, okobe deinö jobe ju̧kwadönöbi, Hebrontjö pjei̧ comunidadtenia ju̧kwadönöbi kwabawö lotjinobe. Eglontjö ja̧inadanö, okobe deinö bakwo̧bi ö̧jibökönö kwabawö lotjobö weinobe Josuema.

Josué 10:39

Ja̧danö, ölakwabikwawö, Debir comunidadbi tjujuluwinobe, Debir la'aka luwo̧nöbi, okobe jwiinö ö'öbö comunidadteniabi tjujuluwinobe israel jojodöma. Ja̧danö, jobebi juluwajadö, okobe deinö jobe ju̧kwadönö kwabawö lotjinobe. Hebrontjö weinadanö, ja̧danö Libnatjö weinadanö, okobe deinö bakwo̧bi ö̧jibökönö, Debir jojodönöbi, la'aka tjuluwo̧nöbi kwabawö lotjobö weinobe Josuema.

Josué 11:16

Jobekwö laebobe Josue canaan niji ujuluwina wenema. Josuema okobe jwiinö canaan niji ujuluwinobe, mösa'iju jȩmi nijibi, a̧li̧kwö Neguev ötjabobe nijibi, okobe jwiinö Gosen ötjabobe nijibi, ba̧ba̧lawobe nijibi, Jordan ö'öbö Araba ötjabobe nijibi. Okobe jwiinö israel niji mösa'iju ujuluwinobe, inesö mö mösa'ijubi, ju'wi mösa'ijubi,

Josué 12:8

Ja̧ nijima mösa'iju jȩmi nijibi, ba̧ba̧lawobebi, Araba ötjabobebi, mösa'iju ö'öbö nijibi, judea nijitjö jojodö deobebi, a̧li̧kwöchobe Neguev ötjabobebi. Ja̧ nijima, ajayinö hitita jojodöbi, amorreo jojodöbi, cananeos jojodöbi, heveos jojodöbi, jebuseos jojodöbi tjitebo ji̧nemima, jo̧kwaijayonö Josuebi ju'wedö israel jojodöbi jobadönö tjujuluwinobe.

Josué 18:21

Ja̧danö, benjamin niji comunidad imibiyama, baikwö laebobe, Jerico comunidadbi, Bet Jogla comunidadbi, Emec comunidadbi, Casis comunidadbi,

Josué 6:17

Ja̧danö, Isabenö Jo̧ Diosnö iyawa baibanö, okobe jwiinö comunidad söbebö loköbaduwobö ja̧kobe, okobe deinö jojodönöbi, tjajwimunöbi, tjiteabi jwiinö söbebö loköbaduwobö ja̧kobe. Okobe deinö bemi comunidad jojodötjö, sule jilekwamuböködökwö 'da̧'da̧bakwawö ju̧ju̧ Rajab mikwujuda, ja̧danö jejunö ju̧kwadöda tjö̧jibakwedö, Rajabma otiwanö dömöledö Jerico tjedobö wedinawö̧nö pjajatinobetjö̧.

Josué 8:2

Ja̧danö, jo̧banö kwujuluwaja̧ ikenama, Jericotjö ja̧köbinaduwada̧nö okobe deinö jojodönöbi, comunidadbi söbebö loköbaduwo, bakwo̧bi ö̧ji̧bökönö. Jo̧kwaijayonö, Hai comunidad kwujuluwaduwenama, tjitea wene jwiinö kwemaduwobö ja̧kobe, tja̧jwimunöbi, ju'wi tjiteabi. Ja̧danö, jobadönö kwujuluwaduwakwa̧ma, baikwö wetakwö, abönö ju'wedönö weköbo, comunidad o̧pe tju̧ju̧kwawobö, comunidad jojodö latjebenama, Hai comunidad jojodö tjomapekwönö metji̧bobö, —jö̧ba̧lö weinobe Isabenö Jo̧ma, Josuenö.

Josué 8:27

Ja̧danö, jojodönö kwabawö lotijayonö, tja̧jwimunö kwabawö lotjinokobe israel jojodöma, idöda tja̧jwi̧mu batjibanö tjeminobe, Isabenö Jo̧ Josuenö tjemobö weaja̧danö.

Josué 9:24

Yöa̧liawö̧, gabaonitas jojodöma tjatadinobe, —Ökwödönö omöna yöda̧linama, baikwö labebö lobö yödawakwö: Da̧ja̧kwijatö kwuluwo̧duwi Isabenö Jo̧ Dios iteda ömöayo̧ Moisesnö weinama, okobe jwiinö ditebo niji ökwödö israel jojodönö iyobö, ja̧danö okobe deinö bemi nijinö ju̧kwadönö kwabawö loobö. Ja̧danö, jejenö weina wene da̧ja̧kwinobetjö̧, jwiinö yedaibijatö, Isabenö ökwödönö kwabö lotjakobe, jobadötjö dö̧jiboböma jwiobe, jö̧ba̧lö. Jo̧kwajabetjö̧, jejenö yedabobetjö̧, ökwödönö omöna yöda̧lijatö, kwabö loköbaduwakwa̧tjö dö̧jibobö.