Josué 10:13 - Dios Iwene

¹³ Ja̧danö, jawo̧ma jobe bakwenanda 'yö̧könö ö̧linobe, ja̧danö yö̧te jawo̧ma kwebachökönö ö̧linobe, israel jojodöma tjöpöjojodönö tjujuluwenanö baibanö. Ja̧ baledina wenema, Jaser iwȩyudina'yenö laebobe, baikwö: —Jawo̧ma mölejȩ ja'ö 'yö̧könö bakwenada ölinobe, juluwanö meajökönö, ja̧danö bakwöta möle jenanö, jobe ö̧linobe jawo̧ma, —jö̧ba̧lö laebobe.

Josué 10:13 Iomraidhean Croise

2 Samuel 1:18

Ja̧danö, David weinobe ja̧ lo̧awa israel jojodötjö judasaso jojodönö tjö̧ba̧jadobö. Ja̧ lo̧awama 'Böpö jawa lo̧awa, jö̧ba̧lö ötjaba'ba, ja̧danö kwiyalu'ye Jaser ötjaba'yenö laebobe ja̧ lo̧awama. Baikwö lo̧awa lo̧inobe Davidma:

2 Reyes 20:10

Atadökwe, —Möle jawo̧ma ba̧kwelöjatebö mebajo̧, jo̧kwajabetjö̧ wayökena ichejekwa, meajo jö̧a̧litjö bajalekwönönö juluwanö meajobö. Jo̧kwaijayonö, ökömakwö kwebachajibö̧kö̧ möle jawo̧ma, jo̧kwajabetjö̧ ökömakwö kweachakwa̧ weobö ateba, isabenö yöawaja̧danö baledakwa̧ i̧sȩbö, —jö̧ba̧lö yöa̧linobe Ezequiasma.

Diosnö ösödo̧ Job mikwo̧ usula emawina jawa 9:7

Ju'wibi jawo̧nö, –Labebökönui, –jö̧ba̧lö weenama, labebö̧kö̧ jawo̧ma, ja̧danö ju'wibi ösödenama si̧li̧'idö tjidejatökönö tjöbeba̧lo̧ Diosma.

Isaías 24:23

Ja̧ möle yö̧te jawo̧ idejati̧ma, salöökakobe, ja̧danö möle jawo̧ idejati̧ma, dejatökönö ötabakwobedanö jakobe. Jau, ja̧ möle Isabenö Jo̧ Okobe Jwiinö Juluwo̧ Diosma Jerusalennö ö̧jakwo̧, Sion mösa'otjö webö ö̧jakwo̧, jadanö iteda ömöledötjö la'aka luwedö tjöba a'o dewinö dejatinö ö̧jakwo̧, jawo̧ idejati̧ma, idejatokobedanö ichejekwinö.

Isaías 38:8

Jemi ikenama Dios yöawaja̧danö jawo̧ma ökömakwo kweachinobe, ja̧danö ba̧ja̧daka edö, domulataja i̧sȩkwi̧ jawa ökömakwö kweachobe edinobe Ezequiasma, veinte minutos jenanö ökömakwö kweachobe i̧sȩkwi̧ma.

Mateo 24:29

Ja̧danö juluwanö ja̧ möle usula tjemawaja̧ ikenama, Jawo̧ yȩatibakobe, ja̧danö yö̧te jawo̧ma idejatökakobe, ja̧danö si̧li̧'i̧döma mölejȩbetjö metjakobe, ja̧danö okobe deinö mölejȩnö la̧jadöma wainö batjibakobe.

Mateo 5:45

Jejenö ja̧köbaduwo, mölejȩbe jo̧ kwabe'doduwi i̧tji̧mu otiwanö ja̧bö tjö̧ji̧danö otiwanö ja̧bö kwö̧jaduwakobetjö̧. Jau chömöledö, kwabe'doduwima, sulabedönöbi, otiwadönöbi pjabatö bakweminö möle jawo̧nö idejatobö webo̧, ¿jö̧tö? Ja̧danö, sulabenö ja̧badönöbi, otiwanö ja̧badönöbi pjabatö, ojwiyo o̧bobö webo̧, ¿jö̧tö? Jau chömöledö, kwabe'doduwima okobe deinö jojodönö pjabato̧.

Lucas 18:7

¿Diosja? Sulabenö otido̧ bajalianö ajebi̧ a̧ja̧kwinatjö̧ma, Diosma ¿iteda ömöledö jo̧banö tjubudekwi̧ a̧ja̧kwökenaji̧? Dios omudawö ujuninawö̧ma yö̧tebi mölebi Diosnö budekwadö, ökwödönö pjabatö döpöjojodönö lȩkebo jö̧ba̧lö, ja̧danö lekwe möle atjebijayonö, Diosma juluwanöma pjaatokobedanö ichejekwa, ¿jö̧tö? ¿Dakwö kwomukwataduwa? ¿Isabenö pjaatökenaji̧? Isabenö pjaatakwo̧ chömöledö. Lekwe pjaatokobedanö ichejekwijayonö isabenö a̧ja̧kwo̧ chömöledö, ja̧danö isabenö pjaatakwo̧. Jau chömöledö, isabenö yötawaduwakwö, ajayinö a̧ja̧kwokobedanö ichejekwijayonö, isabenö juluwanö pjabatö tjöpöjojodönö lȩebakwo̧ chömöledö. Jo̧kwajabetjö̧ kabatibökönö Diosnö budekwö akebaduwo chömöledö, isabenö ökwödönö a̧ja̧kwo̧obetjö̧. Jau chömöledö, isabenö Dios lȩebakwa̧ lȩbebö ötjö jojo baibanö jȩminökwema ichö lȩtebocha. Ja̧ wene ösödö kwite'ada̧laduwobö jo̧be. Chöwaisa chömöledö, böjȩ jojodöma, juluwanö tjime'dawachibobe, jo̧kwajabetjö̧ chichibakwa̧ abönö ba̧jekwadö tjime'dawachibena, döpöjojodönö la'akatjöda lȩebökena jö̧ba̧lö. Jo̧kwaijayonö isabenö kwöpöjojodönö lȩbebö chichocha chömöledö, jo̧kwajabetjö̧ isabenö me'dawachibökönö kwite'ada̧laduwo chömöledö, Diosma isabenö a̧ja̧kwobetjö̧— jö̧ba̧lö yöawinobe Jesúsma.

Hechos 2:20

Ja̧danö, möle ja̧wo̧ma idejatökönö yȩböda yȩakobe. Ja̧danö, yö̧te ja̧wo̧ma kwu̧kwinö duwinö baibakwo̧. Jejenö chi̧sebakobe jojodönöma, tjöwaisachibobö, tjuluwo̧ yemidanö ichakwa̧ma ida̧ökö lekwökena. Ja̧ mölema, tjuluwo̧ ichakwa̧ mölema, jwiinö otiwa möle, jwiinö mikwawi̧ möle.

Josué 10:11

Ja̧danö ju'wibi baledinobe. Israel jojodö tjöba a'otjö dötjibajonö, Bet-horonbe 'ya̧kwawamabenö mösa'otjö yutjutjajonö, Isabenö Jo̧ma mölejebetjö tiyuwaso inawiyadanö pjei̧ öwiyanö ikwawö loinobe jobadönö, ja̧tjö ba̧jekwadö debö tji̧'yenanö. Isabenö ba̧jekwadö amorreo jojodöma Isabenö Jo̧ ikwaja̧tjö debö tji̧'yinobe ja̧ möle, israel jojodö kwabö lotjajawö̧tjö bajalekwönönö ba̧jȩkwadö pjei̧ öwiyatjö debö tji̧'yinobe.

Josué 10:14

Ja̧ mölejaye, la'akatjöda baledinokobe, jemi abönödabi, jemi ikenabi. Ja̧ möleda Isabenö Jo̧ma jojo aebi̧ a̧ja̧kwö, jawo̧ 'yö̧könö ö̧lobö weinobe, Isabenö Jo̧ma isabenö israel jojodönö pjabatö ölakwabikwawö ö̧jinobetjö̧.

Apocalipsis 21:23

Ja̧danö, 'yayi̧ Jerusalénnöma möle jawo̧bi yö̧te ja̧wo̧bi tjö̧lajokobe, detjobe. Dios ujulu dewinö idejati̧da dewobe jojodö tjedoböma. Ja̧danö, Obeja Itji̧danö Jo̧ma la̧pa̧la̧yu̧danö, dewinö idejati̧da dewo̧, 'yayi̧ Jerusalénnöma.

Apocalipsis 6:10

Ja̧danö, jobadö öwawöködöma labinö Diosnö atjeba̧li̧ cha̧ja̧kwijatö, baikwö: —Duluwo̧ Dios, ökwöma okobe jwiinö webo̧ja, suli̧ jwibo̧ja, jweinö yöba̧lo̧ja. ¿Dokwa lekwe kwite'ada̧lakwa̧da ökwödönö kwabö lobinadönö lȩkeboböma? ¿Dokwa lekwe kwite'ada̧lakwa̧da balekwa mikwa lȩbebö weköbakwa̧ma?—budekwabinö atjeba̧li̧ cha̧ja̧kwijatö.

Apocalipsis 6:12

Ja̧danö, Obeja Itji̧danö Jo̧ma ösöja tö'awi̧ ö'be pöekwatjö jelemutjö bakwa'be baibanö kaebobe chedijatö. Ja̧'be kaebena böjȩ niji okobe jwiinö tjö̧bebö lileibobe chedijatö. Ja̧danö, ja̧wo̧ma jwiinö yȩijatö, 'diötadanö. Ja̧danö, yö̧te ja̧wo̧ma, nöbo̧ma, jwiinö duwijatö, tjökwösobu kwukwi̧danö duwinö.

Apocalipsis 8:12

Jemi ikena pjubo̧ pjuenama möle ja̧wo̧tjöbi, yö̧te ja̧wo̧tjöbi, ö'wedöda, si̧li̧'i̧dötjöbi ö'wedöda suli̧ tjöwaekwibobe chedijatö, juluwanöda dejatadö baibanö. Ja̧danö, möle ja̧wo̧ma, möle ja'ö baibenama yȩatibobe chedijatö, dejatökönö baibanö. Ja̧danö, yö̧te jawo̧bi, si̧li̧'i̧döbi, yö̧te ja'ö baibenama yȩtjatibobe chedijatö, tjidejatökönö.

Jueces 16:28

Ja̧danö, Sansonma Isabenö Jo̧nö aebinobe, —Chuluwo̧ Isabenö Jo̧ Dios, yemidanö ötjönö kwomukwatibobö atebakwö, sule bakwötanöda chujuluwachibanö pjakatobö atebakwö. Jau chuluwo̧, bidö filisteo jojodöma sulabenö chöbajalebiya kelebö lotjinobe, ja̧danö jejenö ja̧tji̧tjö̧, balekwa mikwa babe jobadönö chujuluwinö pjakatobö atebakwö, —jö̧ba̧lö aebinobe.

Jueces 5:2

Israel jojodötjö luwedöma otiwanö tjömöledönö ötjibinobe, tjöpöjojodönö tjujuluwobö, ja̧danö ju'wedö israel jojodöma tjuluwedö ötjibi̧danö tjölakwabikwawobö tjösödinobe, jo̧kwajabetjö̧ Isabenö Jo̧nö dösödo.