Josué 10:12 - Dios Iwene

¹² Ja̧danö, ju'wibi baledinobe ja̧ möle, Isabenö Jo̧ israel jojodö amorreo jojodönö tjujuluwobö pjaatina mölema. Ja̧ möle ju'wedö israel jojodö tja̧ja̧kwonö, Josuema Isabenö Jo̧nö aebinobe, —Jawo̧ma meajökönö Gabaon wame ö̧jobö chösöda, ja̧danö yöte jawo̧ma Ajalon wabeko wame kwebachökönö ö̧jobö chösöda, —jö̧ba̧lö aebinobe.

Josué 10:12 Iomraidhean Croise

2 Samuel 2:12

Ju'wi möle Abnerma uluwo̧ Isboset ömöayedö ölakwabikwawa jojodönö öbibö, Majanayin comunidadtjö labebö, Gabaon comunidadbe i̧'yinobe.

2 Reyes 20:10

Atadökwe, —Möle jawo̧ma ba̧kwelöjatebö mebajo̧, jo̧kwajabetjö̧ wayökena ichejekwa, meajo jö̧a̧litjö bajalekwönönö juluwanö meajobö. Jo̧kwaijayonö, ökömakwö kwebachajibö̧kö̧ möle jawo̧ma, jo̧kwajabetjö̧ ökömakwö kweachakwa̧ weobö ateba, isabenö yöawaja̧danö baledakwa̧ i̧sȩbö, —jö̧ba̧lö yöa̧linobe Ezequiasma.

2 Reyes 20:11

Yöa̧lökwe, Dios yöawi̧ yöbawo̧ Isaiasma Isabenö Jo̧ Diosnö aebinobe, ja̧danö aebökwe Isabenö Jo̧ma weinobe jawo̧ ökömakwö kweachobö. Ja̧danö, abe'do Acaz otidinaka, jawo̧ dejatena isadanö hora ba̧ja̧daka edö, domulataja ba̧ja̧di̧ jawa ökömakwö kweachobe edinobe Ezequiasma, veinte minutos jenanö ökömakwö kweachobe ba̧ja̧di̧ma.

2 Reyes 20:9

Abebö a̧ja̧kwökwe, —Ökwönö yöawaja̧danö isabenö baledakwa̧ i̧sȩbö, Isabenö Jo̧ma möle jawo̧nö wainö kweachobö weakwo̧, ökwöda omudawö kwujuni̧danö. Ökwöma dakwö i̧sȩbobö kwösödobeda, hora jawa ba̧ja̧daka edö, möle jawo̧ domulataja ba̧ja̧di̧ jawa abönö kweachoböö̧kö̧, domulataja ba̧ja̧di̧ jawa ökömakwö kweachöböö̧kö̧? Ökwöda akebi̧danö i̧sȩkwa baibanö weakwo̧ Isabenö Jo̧ma, —jö̧ba̧lö atadinobe Isaiasma.

Diosnö ösödo̧ Job mikwo̧ usula emawina jawa 9:7

Ju'wibi jawo̧nö, –Labebökönui, –jö̧ba̧lö weenama, labebö̧kö̧ jawo̧ma, ja̧danö ju'wibi ösödenama si̧li̧'idö tjidejatökönö tjöbeba̧lo̧ Diosma.

Isaías 28:21

Diosma isabenö a̧la̧ibö ölakwabikwawakwo̧, damötjö Perazim mösa'otjö ölakwabikwawinadanö, ja̧danö Gabaon wabekotjö ölakwabikwawinadanö ölakwabikwawakwo̧. Iteda otidobö jö̧a̧li̧ jawa otidakwo̧, jojodö tajijö jö̧ba̧lö wajwitji̧ jawa otidakwo̧. Jau, iteda omukwatö ujunina, jojodö wajwitji̧ jawa otidakobetjö̧, jobekwö a̧la̧ibö ölakwabikwawakwo̧ Isabenö Jo̧ma, —jö̧ba̧lö laebobe Dios yöawi̧ma.

Isaías 38:8

Jemi ikenama Dios yöawaja̧danö jawo̧ma ökömakwo kweachinobe, ja̧danö ba̧ja̧daka edö, domulataja i̧sȩkwi̧ jawa ökömakwö kweachobe edinobe Ezequiasma, veinte minutos jenanö ökömakwö kweachobe i̧sȩkwi̧ma.

Isaías 60:20

Jobekwö ötjöda dejatö chö̧jobetjö̧, möle jawo̧ la'akatjöda meajokobedanö ichejekwakobe, ja̧danö yöte jawo̧ dewi̧ma, la'akatjöda 'dö̧ibajöködanö ichekwakobe. Jau chömöledö, ötjöda tibibökönö, ba̧kwelöjatebö dejatö chöjakwo̧sa. Budekwö kwö̧jaduwi̧ma 'dö̧ibakobe,

Deuteronomio 4:19

Ja̧danö mölejȩbe edö, mölejȩnö la̧jadönö jawo̧nöbi, yö̧te jawo̧nöbi, si̧li̧'idönöbi kwösödaduwoböma omukwatökönaduwi. Ju'wedöma ö'öbönö kwomukwataduwobö öbibö yötja̧lena, –Mölejȩnö la̧jadönö dösödobö otiwa, –jö̧ba̧lö, jo̧kwaijayonö sulabenö öbibö yötja̧li̧ma ösödökönaduwi, ja̧danö jobadönö bȩbachibö ösödökönaduwi. Jau chömöledö, duluwo̧ Isabenö Jo̧ Diosma bö̧jȩ ba̧kwemeachibanö ju̧kwadönö pjabatö, jobadö mölejȩnö la̧jadönö jobe tjö̧lobö öninobe, jo̧kwaijayonö ja'yubebi jobadönö kwösödaduwobö jwiobe, Diosnöda kwösödaduwobö jo̧be.

Josué 10:13

Ja̧danö, jawo̧ma jobe bakwenanda 'yö̧könö ö̧linobe, ja̧danö yö̧te jawo̧ma kwebachökönö ö̧linobe, israel jojodöma tjöpöjojodönö tjujuluwenanö baibanö. Ja̧ baledina wenema, Jaser iwȩyudina'yenö laebobe, baikwö: —Jawo̧ma mölejȩ ja'ö 'yö̧könö bakwenada ölinobe, juluwanö meajökönö, ja̧danö bakwöta möle jenanö, jobe ö̧linobe jawo̧ma, —jö̧ba̧lö laebobe.

Josué 19:42

Sagalbin comunidadbi, Ayalon comunidadbi, Jetla comunidadbi,

Josué 21:24

Ayalon comunidadbi, Gat Rimon comunidadbi. Ja̧ ö'wejemu jawa comunidadbi, ö'öbö ji̧ mejebi Dansaso jojodöma tjitea nijitjö jobadönö tjiyinobe, tjitebo comunidad baibanö.

Jueces 12:12

ikenama Elonma ö'wö baibinobe, ja̧danö jo̧banö Zabulonsaso niji comunidad Ayalontjö tjo̧tjinobe.

Jueces 5:20

Mölejebetjö si̧li̧'idöda tjölakwabikwawinobe ichejekwa, tjö̧lajelö Sisarakwö tjölakwabikwawinobedanö jino̧be.

1 Samuel 12:18

Jejenö yöbawajo̧, Samuelma Isabenö Jo̧nö aebinobe, ja̧danö aebaja̧danö böbabi, o̧jwiyobi weinobe. Jejenö balediawö̧, jwiinö yetjaibinobe israel jojodöma, Isabenö Jo̧nöbi, ömöayo̧ Samuelnöbi yetjaibanö.

1 Samuel 14:31

Ja̧ möle, israel jojodöma filisteo jojodönö ba̧jȩkwadönö kwabö lotjinobe, Micmastjö jamatö, Ajalonbe baibanö, ja̧danö möle baledibanö kwökönö kwabö lotjajabema, jwiinö tjime'dawinobe.