Josué 10:10 - Dios Iwene

¹⁰ Ja̧danö Isabenö Jo̧ma israel jojodö tjöba a'otjö jwiinö yetjaibobö weinobe, Dakwö ja̧dakwajö jö̧ba̧lö tjö̧bawö ja̧tjenanö baibanö. Ja̧danö, jobe Gabaontjö israel jojodöma ba̧jȩkwadönö kwabawö lotjinobe, jobetjö a'dewö lotjenanö baibanö. Jejenö tjujuluwawö̧, amorreo jojodöma jobetjö dötjibajinobe, Bet-horonbe 'ya̧kwawamabenö, ja̧danö tjökömanö lubö, israel jojodöma jobadönö kwabawö lotjinobe, Azeca comunidadbebi, Maceda comunidadbebi tjichibenanö kabatö.

Josué 10:10 Iomraidhean Croise

2 Samuel 22:15

Nayunö 'bötji̧danö, böba kwaidanö 'böijatö öpöjojodönö, tjipjelekwachinö jwiinö dötjibajinö chöpöjojodönö a'dewö loinobe.

1 Reyes 9:17

Ja̧danö, jejenö iyiökwe, yemidanö tjotidinobe Guezer comunidadma, ja̧danö ju'wibi wabeko ji̧ comundad Bet Joron comunidadbi,

Isaías 28:21

Diosma isabenö a̧la̧ibö ölakwabikwawakwo̧, damötjö Perazim mösa'otjö ölakwabikwawinadanö, ja̧danö Gabaon wabekotjö ölakwabikwawinadanö ölakwabikwawakwo̧. Iteda otidobö jö̧a̧li̧ jawa otidakwo̧, jojodö tajijö jö̧ba̧lö wajwitji̧ jawa otidakwo̧. Jau, iteda omukwatö ujunina, jojodö wajwitji̧ jawa otidakobetjö̧, jobekwö a̧la̧ibö ölakwabikwawakwo̧ Isabenö Jo̧ma, —jö̧ba̧lö laebobe Dios yöawi̧ma.

Isaías 30:30

Ja̧ möle iteda iwene kwa̧ja̧kwaduwinö, labinö jwöeba̧lakwo̧ Isabenö Jo̧ma, ja̧danö iteda inesö ujulu kwedaduwobö i̧sebakwo̧. Jwiinö dameakwö ja̧nö, ökwöla jwiinö ubola ubinö ichakwo̧, ja̧danö tiyuwaso pjei̧ öwiya tjoduwinö ichakwo̧, öpöjojodönö lȩebakobetjö̧.

Deuteronomio 7:23

Jo̧kwaijayonö kwuluwo̧duwi Isabenö Jo̧ Diosma isabenö tjo̧'omanö jobadönö bakwasokwena kwujuluwaduwobö pjaatakobe. Jwiinö yetjaibobö weakobe, bajaliyanö okobe deinö jobadönö söbebö loköbaduwenanö kabatö.

Josué 10:11

Ja̧danö ju'wibi baledinobe. Israel jojodö tjöba a'otjö dötjibajonö, Bet-horonbe 'ya̧kwawamabenö mösa'otjö yutjutjajonö, Isabenö Jo̧ma mölejebetjö tiyuwaso inawiyadanö pjei̧ öwiyanö ikwawö loinobe jobadönö, ja̧tjö ba̧jekwadö debö tji̧'yenanö. Isabenö ba̧jekwadö amorreo jojodöma Isabenö Jo̧ ikwaja̧tjö debö tji̧'yinobe ja̧ möle, israel jojodö kwabö lotjajawö̧tjö bajalekwönönö ba̧jȩkwadö pjei̧ öwiyatjö debö tji̧'yinobe.

Josué 10:28

Ja̧danö, ju'wibi, ja̧ möle Josuema ölakwabikwawa jojodökwö Maqueda comunidad ujuluwinobe. Juluwajo̧, okobe deinö Maqueda comunidadnö ju̧kwadönöbi, la'aka tjuluwo̧nöbi kwabawö loinobe, bakwo̧bi ö̧jibökönö. Jejenö ajayinö Jerico cominidad la'aka luwo̧nö kwabö loinadanö, Maqueda comunidad la'aka luwo̧nöbi kwabö loinobe.

Josué 10:9

Ja̧danö, yöawaja̧danö baledinobe. Josuema, yöte baledibanö Guilgaltjö kwebachajo̧, wajwitjonö juluwanö ichibö meibinobe amorreo jojodönö.

Josué 11:8

ja̧danö Isabenö Jo̧ma israel jojodönö iyinobe, jwiinö jobadönö tjujuluwobö. Jwiinö jobadönö tjujuluwinobe israel jojodöma, jobetjö dötjibajenanö, ja̧danö israel jojodöma jobadönö lubö kwabawö lotjinobe, u'dakwö jalobe comunidad Sidonbebi, jawo̧ meajobekwö Misrefot Mayin comunidadbebi, jawo̧ laebobekwö Mizpa wabekobebi. Jwiinö jobadönö tjujuluwinobe, ölakabikwawadötjö bakwo̧bi ö̧jibökenanö baibanö.

Josué 12:16

Maquedá comunidad la'aka luwo̧nöbi, Betel comunidad la'aka luwo̧nöbi,

Josué 15:35

Jarmut comunidadbi, Adulán comunidadbi, Soco comunidadbi, Azeca comunidadbi,

Josué 15:41

Guederot comunidadbi, Bet Dagón comunidadbi, Noamá comunidadbi, Maquedá comunidadbi. Okobe jwiinö ja̧ ju'wi ba̧ba̧lawobe comunidadteniama, dieciséis comunidadbiyabi, ö'öbö pjei̧ comunidadteniabi.

Josué 16:3

Ja̧danö jobetjö, jawo̧ meajobekwö bajalenö jafletitas jojodö tjitebobe ichibanö, mösa'o la'aka Bet Joron comunidadbe ichibanö, ja̧danö jobetjö Guezer comunidadbe ichibanö, ja̧danö jobetjö jwaibalawa Mediterreano ichibanö dötewobe bakwachobema.

Josué 16:5

Efrainsaso jojodö tjitebo, tja'dödötjö bakwasokwena tupadanö jojodö tjitebo niji bakwachobema, baikwö laebobe: Tjitebo a̧likwöchobe bakwachobema, jawo̧ laebobekwö ji̧ comunidad Atarot Adartjö, mösa'o wa̧pekwa'o Bet Joron comunidadbe ichibanö ,

Josué 21:22

Quibsayin comunidadbi, Bet Joron comunidadbi. Ja̧ ö'wejemu jawa comunidadbi, ö'öbö ji̧ mejebi Efrainsaso jojodöma Coat itji̧mu tupadanö jojodönö tjiyinobe, tjitebo baibanö.

Jueces 4:15

Ja̧danö, tjölakwabikwawenama, Isabenö Jo̧ma tjabönö ölakwabikwawinobe, Sisarabi, kolukiyanö ölakwabikwawadöbi, ju'wedö ölakwabikwawadöbi Barac öba a'otjö yebabinö dötjibajenanö. Ja̧danö, Sisarama iteaka kolukatjö mebibö ö'öbakwawö döibajinobe.

Jueces 4:16

Sisara jejenö döibajonö, Baracbi, ömöayedöbi ju'wedö Sisara ömöayedönö lubö kwabawö lotjinobe, kolukiyanö ölakabikwawadönöbi, ju'wedönöbi. Jaroset Goyim comunidadbe tjichibenanö kabatö jobadönö lutjinobe, ja̧danö okobe deinö Sisara ömöayedönö kwabawö lotjinobe, bakwo̧bi ö̧jibökönö.

Jueces 5:20

Mölejebetjö si̧li̧'idöda tjölakwabikwawinobe ichejekwa, tjö̧lajelö Sisarakwö tjölakwabikwawinobedanö jino̧be.

1 Samuel 13:18

jeleso jawo̧ meajobekwö Betsoronbe 'ya̧kwawamabenö tji̧'yinobe, ja̧danö jeleso ja̧wo̧ ichobekwö israel niji bakwachobe, Zeboim wabeko ötjabobe, jojodö deobekwö 'ya̧kwawamabenö tji̧'yinobe.

1 Samuel 17:1

Ja̧danö, ju'wi möle, filisteo luwedöma tjömöayedö ölakwabikwawa jojodönö tjo̧ko̧ko̧dinobe, israel jojodönö ölakwabikwawö tji̧'yobö. Ja̧danö, ko̧ko̧kwajadö, Efesdamim ötjabobe tjabakwemi baibanö löwötebiya tjotidinobe. Jobe Efesdamimma Juda niji comunidad Soco yö̧neawobe, ja̧danö Soco comunidadbi, Azeca comunidadbi 'da̧de.