Isaías 4:4 - Dios Iwene

⁴ Ja̧ baledakwa̧ möle jawa, baikwö labebö lobö yötawa: Ja̧ möle baledakwa̧ abönö, Isabenö Jo̧ma Jerusalennö ju̧kwadö tjusula lȩbebö, Jerusalen comunidad dichö loakobe. Jerusalennö ju̧kwadö ya̧dö inesö suli̧ tjusula söbebö lobö lȩebakobe, ja̧danö jojodö tjökwösobö ku̧kwinö kwabö lotjina mikwa baibanö, lȩebakobe. Lȩbebö, ubinö juwö loakobe, tjökwösobö ku̧kwi̧ yȩi̧ma dichö loakobetjö̧, ja̧danö okobe jwiinö Jerusalennö ji̧ suli̧ jawama, juwö loakobe.

Isaías 4:4 Iomraidhean Croise

Isaías 1:15

Jo̧kwajabetjö̧, ötjönö abebö kwa̧ja̧kwaduwakobetjö̧, kwömamijuduwi kabebö dekataduwenama, jalachibö jelobekwö edo̧sa, ja̧danö nöinö abeba̧lö ötjönö akebaduwenama, a̧ja̧kwö̧kö̧sa, jojodönö sulabenö kwabö lobajadö, kwömamuduwi̧ tjökwösobu 'yoliwinö kwö̧jaduwobetjö̧.

Isaías 1:25

Jau ökwödö Jerusalennö ju̧kwadönö metibocha, kwusuladuwi söbebö lotakobetjö̧, baikwö wanedö yöta̧la: Bakwai̧ plata jawa tjujuna̧lakobetjö, plata jawa otidadöma tubedö otidadö, sula'wotjöbi, ju'wi pjabacha̧lö ji̧tjöbi böjö, bakwai̧ plata tjemakobetjö, jö̧tö? Jobekwö tjotidi̧danö ja̧takwo̧sa ökwödönö, ökwödönö böjö lȩtebocha, ji̧badö bakwainö otiwadö kwö̧jaduwakobetjö̧.

Isaías 1:31

Ökwödötjö inesö juluwo̧bi ja̧danö, ökwöla tjönötedobö öjiya ji̧danö juluwö̧kö̧ baibakwo̧, ja̧danö otidina jawama ökwöla 'dö̧tekwajö juluwanö tiibi̧danö baibakobe. Ja̧danö, wanedö yöta̧la, Dios lȩebenama, o̧'wo jawa ösödo̧ juluwo̧nöbi, otidina jawabi, bakobe juwö loakokobe, ja̧danö jobekwö juwö loenama, bakwo̧bi Dios önötedajola tiebobö jwiakobe.

Isaías 27:9

Ökwödönö söbebö lootö jö̧ba̧löma jobekwö weinokobe chömöledö. Sulabenö ja̧dina lȩbebö, ökwödö Jacob itji̧mu tupadanö jojodö wene dujuna̧li̧ söbebö lootö jö̧ba̧lö jobekwö weinobe. Ja̧danö jobekwö weinobetjö̧, ditebotjö ju'wedö tjösödawö̧nö iyawemi söbebö loakobe, ja̧ iyawemi inawiyama, i̧so̧pja baibanö 'dabö loakobe, Asera ötjaboko jo̧'wo jawabi, omewi̧ jawa juwawemibi ditebotjö bakobe jwiakobetjö̧.

Isaías 28:6

Ju'wibi ja̧ möle Diosda lȩekwa luwedönö pjaatakwo̧, okwa jawa waisanö tjomukwatakobetjö̧, jadanö jobada israel jojodötjö ölakawabikwawadönö tjujuluwachibanö pjaatakwo̧, comunidad apjude a'ö ölakwabikwawö, tjitebo comunidad tjötjeba̧lakobetjö̧.

Isaías 9:19

Ja̧danö jojodö sulabenö ja̧bö tjö̧jiökwe, Isabenö Jo̧ Okobe Jwiinö Juluwo̧ Diosma jwiinö ödameakwobe, ja̧danö ödameakwobetjö̧, israel niji ubajabe, ja̧danö israel jojodöma imidanö ichejekwadö, ökwölanö ubadö batjibakwedö. Isabenö sulabenö ja̧bö ju̧kwadö israel jojodöma, ja'yubebi tjömöledönö lȩlöjinö edöködö.

Isaías 9:5

Ja̧danö ju'wibi chuluwo̧, ajayinö jobadönö juluwinadö ölakwabikwawadö, jobadönö ja̧tö lobinadö tjitea sapatubi, tjitea kamiji̧do̧ tjökwösobutjö 'bȩkwinado̧bi, imisö̧'adanö baibanö ökwölanö juwö lotjobe chuluwo̧, jo̧kwajabetjö̧ kwöba a'otjö tjo'wo ösöwachibanö tju̧ju̧kwobe, —Döpöjojodötjö dö̧ji̧binö pjaatajabeta, —jö̧ba̧lö.

Mateo 23:37

Jesúsma Jerusalénnö ju̧kwadönö o̧'wo̧ tjo̧achö yöa̧linobe: —Ökwödö Jerusalénnö ju̧kwadöwe. Ökwödöma Dios yöawi̧ yöbawadönö kwabawö lobadöja, ja̧danö ökwödönö yötjawobö Dios weawö̧nö inawiya ikwawö lobadöja. Isabenö nöinö ökwödönö wo̧batö chite'ada̧lobö chösödijatö, akalasuju ji̧tji̧munö jo̧wa̧ja̧pa̧ teebe ko̧ko̧dö junö jite'ada̧li̧danö, jo̧kwaijayonö kwöpöjödaduwobe.