Isaías 3:3 - Dios Iwene

³ ölakwabikwawadö tjuluwedönöbi, otiwanö tjomukwatawö̧nöbi, waisanö tjomukwatobö pjabatadönöbi, mea boawa waisadönöbi, 'döebakobe Isabenö Jo̧ma, Jerusalennö ju̧kwadöbi, ju'wedö Juda niji jojodöbi bakobe pjabatadö deinö tjö̧jakobetjö̧.

Isaías 3:3 Iomraidhean Croise

Diosnö ösödo̧ Job mikwo̧ usula emawina jawa 22:8

Jau Job, sulabenö omukwato̧ja, –Sule juluwadöda niji tjujuna̧lobö jö̧ba̧ladö, sule otiwanö tjomukwatawö̧da otiwanö tjitebo nijinö tjö̧jobö jö̧ba̧ladö, –jö̧ba̧lö,

Éxodo 18:21

Ja̧danö, ju'wi jawabi yötawakwö: kwömöledötjö ju'wedönö 'da̧batö kwujuno ökwönö pjabatadönö, wene juna̧ladö yötja̧lakwawi̧ a̧ja̧kwö omukwatö tjujunakwedönö. 'Da̧batö kwujunawö̧ma jweinö omukwatö kwujuno, Diosnö yebabinö ösödadönöda. Ja̧danö, jojodö tjösödawö̧nöda, jweinö omukwatadö, jö̧ba̧lö, 'da̧batö kwujuno. Ja̧danö, balada tjemobö omöna yöba̧löködönöda kwujuno. Jobadönöma wene junala̧dö yötja̧lakwawi̧ a̧ja̧kwö, omukwatö tjujunobö weköbo. Ja̧danö, jobadö 'da̧batö kwujunajawö̧tjö ju'wedöma tjömöledö domulatajabedö tjuluwedö batjibanö, tjömöledö wene juna̧ladö yötja̧lakwawi̧ a̧ja̧kwö omukwatö tjujunobö 'da̧batö kwujuno. Ja̧danö, ju'wedönö kwujuno, cincuentabedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö. Ja̧danö, ju'wedönö kwujuno, cienbedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö. Ja̧danö, ju'wedönö kwujuno, milbedö tjuluwedö batjibanö, wene juna̧ladö yötja̧lakwawi̧ a̧ja̧kwö omukwatö tjujunobö.

Éxodo 4:10

—Chuluwo̧ jweinö yöta̧lakwö: Ötjöma otiwanö yöba̧lö̧kö̧sa jojodönöma. Ajayinö chöbötjachinemi baikwö yemidawo̧sa. Ja̧danö ina, babebi yöka̧lajemitjö̧ tupakwöbi ja̧danö. Juluwanö yöba̧lökösa, dakwö yöta̧lajö, jö̧ba̧lö. Wajwibo̧sa— jö̧ba̧lijetö Moisésma Isabenö Jo̧nöma.

Isaías 3:2

Ja̧danö, jobadötjö inesö juluwadönöbi, ju'wedö ölakwabikwawa jojodönöbi, lȩekwa luwedönöbi, Dios yöawi̧ yöbawadönöbi, tupakwö baledakwa̧ yöbawadönöbi, waisadö damönöbi,

Isaías 3:4

Jobekwö 'döbebajo̧, ökwödötjö ina tjemubedönöda ujunakobe kwuluwedöduwi la'aka luwedö batjibanö, tjemu pjebadöda ökwödönö webö tjö̧jakwedö.

Isaías 5:13

Jobekwö sulabenö ja̧köbaduwiökwe, baikwö lȩbebö yöbawo̧ Diosma: —Wajwibadötjobetjö, chömöledö israel jojodöma tjitebotjö latjebakwawö̧, ju'wedö tjitebonö tjö̧jakobetjö̧. Ja̧danö jobadötjö otiwanö tjomukwatawö̧ma, a̧wi̧chi̧ lö̧jawö̧ tjö̧jakwedö, ja̧danö jokwadabedöma ojwiyo o̧ti̧tjö debö tji̧'yakwedö.

Isaías 9:15

Ja̧ wanedö yötawaja̧ma, baikwö labebö lobö yötawa: Tjuudanö ichejekwawö̧ma, la'aka luwedöbi, ju'wedö otiwanö tjomukwatawö̧ jojodöbi. Ja̧danö tjöwali'bodanö ichejekwawö̧ma, Dios yöawi̧ yöbawadösa jö̧ba̧lö, omöna jawa yöbawadöma.

Deuteronomio 1:15

Jo̧kwajabetjö̧ 'da̧batö kwujuninaduwawö̧nö kwuluwedöduwi batjibanö chujunijatö, ju'wedö ba̧jȩkwadö milbedö jenanö tjuluwedönöbi, ju'wedö cienbedö jenanö tjuluwedönöbi, ju'wedö cincuentabedö jenanö tjuluwedönöbi, ju'wedö domulatajabedö jenanö tjuluwedönöbi. Bakwasokwena kwuluwedöduwi batjibanö jejenö chujunijatö,

Jueces 8:18

Ikenama, Gedeonma Zebanöbi, Zalmunanöbi abebö a̧ja̧kwinobe, —Tabor mösa'otjö kwabö loköbinaduwawö̧ma, didöjayedönö kwabö loköbinaduwa̧da? —jö̧ba̧lö. Aebawö̧, tjatadinobe, —Okobe deinö jobadöma ökwö kwichejekwi̧danö, inesö la'aka luwo̧ i̧tji̧mudanö ichejekwadönö kwabö lodijatö, —jö̧ba̧lö.

1 Samuel 8:12

Ja̧danö jobadö ölakwabikwawa jojodötjö, ju'wedönö omudawö ujunakobe, milbedö tjuluwedö batjibanö, ja̧danö ju'wedönö cincuentabedönö tjuluwedö batjibanö. Ja̧danö, ju'wibi, kwi̧tji̧muduwitjö ju'wedönö weakobe iteda öbatjo otidadö batjibanö tjö̧jobö, ju'wedö niji sobö tjotidobö, ja̧danö ju'wedö wa̧ji̧ emö tjotidobö. Ja̧danö ju'wibi kwi̧tji̧muduwitjö ju'wedönö weakobe, ölakwabikwawa jawa tjotidobö, ju'wedönö weakobe kwölöte'ijubi, 'böpöbiyabi, ju'wi ja̧ jaye jawabi tjotidobö, ja̧danö ju'wedönö kolukiya jawa tjotidobö weakobe kwuluwo̧duwi ö̧jakwo̧ma.