Isaías 24:1 - Dios Iwene

¹ Baikwö yötawaduwakwö: Ju'wi möle Isabenö Jo̧ma jwiinö lȩebakobe bö̧jȩ jojodönö. Jwiinö söbebö loakobe bö̧jȩma, jojodö deobe baibanö, niji yubatödanö ja̧akwo̧, ja̧danö bö̧jȩnö ju̧kwadönö tjipjelekwachinö a'dewö loakwo̧.

Isaías 24:1 Iomraidhean Croise

Isaías 2:19

ja̧danö Isabenö Jo̧ öba a'otjö bö̧je jojodöma inawa ötöliyanö tebachö tjuju̧kwawakwedö, ja̧danö laju okwa söbibö tju̧ju̧kwawakwedö, yebabinö. Jobekwö baledakobe, löji möle Isabenö Jo̧ iteda inesö dejatinö ujulunö bö̧jȩ jojodönö lȩebobö a̧la̧ibenama.

Isaías 42:15

Ja̧danö, babema mösa'iju jwiinö söbebö lotocha, okobe jwiinö mösa'ijunö pokwi̧ köködö lotocha. Ojwebiyabi köködö lotocha, ojwe ö'wejenö ö'wejesa'o öwawachibenanö baibanö, ja̧danö o̧pesobubiyabi köködö lotocha.

Isaías 24:20

Bö̧jȩ tjö̧awi̧ma, 'dukwachökwe suliidanö tjö̧awakobe, jwa̧le'ewena löwöte 'ya̧'yȩa̧kwawi̧danö, labinö tjö̧awakobe bö̧jȩma. Jau, bö̧je jojodö Dios öba a'otjö sulabenö ja̧tji̧ma ömökobe, bö̧jȩ meenanö baibanö, ja̧danö inesö ömöki̧tjö meakobe bö̧jȩma, yemidanö a̧la̧ibobö jwiinö.

Lucas 21:24

Jobadötjö ba̧jekwadönö kwölöte'onö kwabö lotjakobe, ja̧danö jobadötjö ba̧jekwadönö tjitjebotjö öbibö, ju'wedö judío jojodöböködö tjitebokwena tjö̧jobö ötjibakobe. Ja̧danö, jemi tupakwö Jerusaléntjö judío jojodöböködöda webö tjö̧jakobe, Dios jobadö webö tjö̧ji̧tjö latjebobö ujunina möle badekwachenanö kabatö— jö̧ba̧lö yöawinobe Jesúsma.

Isaías 33:9

Ditebo nijima kököbachibö, suli̧ waekwobe, Libano niji towibiyabi, kököbachibö suli̧ waekwobe. Jwaibalawa ö'öbö niji̧ Saron ötjabemi nijima, kököobe jojodö deobe baibobe, ja̧danö Basan nijibi, Carmelo nijibi jwiinö kököachibobe.

Isaías 29:16

Jobekwö omukwatö, ökömakwö omukwatadöja chömöledö, baikwö wanedö yöta̧la: Lete'otjö otido̧ma, otidaja̧ jawadanö, bakwaibo̧ ö̧jenaji̧? Bakwo̧ otidaja̧ jawa, otidajo̧nö, —Ötjönö otidajokobe, —jö̧ba̧lö yöa̧lobö jȩnaji̧? Bakwo̧ otidaja̧ jawa, otidajo̧nö, —Ötjönö otidajo̧ma, otikwa wajwibo̧, —jö̧ba̧lö yöa̧lobö jȩnaji̧? Kwöwaisaduwa chömöledö, ja̧maökö, jo̧kwaijayonö yayonö jobekwö omukwatadöja ökwödönö otidina Diosnö.

Isaías 27:10

Jau, ditebotjö 'diinö tjöbebö dotidina comunidadma, jojodö deakobe. Tjejubiyabi deeju ja̧kobe, ja̧danö jojodö tjö̧jinemi pakayadö tjitji̧mu meje'ye tjukwakwedö, jobe bamatö towi öjiya tjukwakwedö, towi öjiyabi jwienanö baibanö.

Isaías 5:6

Jau, niji mikwawökemi baibanö söbebö lotocha chöbatjoma. Bemi tupakwö ubasa'ba bajale 'wibö chotidökakwo̧sa, ja̧danö niji sobö chotidökakwo̧sa, bakwainö tebo jawa sȩakada, ja̧danö ju'wi sula'woda chöbatjotjö pokwakobetjö. Ju'wibi ojwiyo o'wiju tjöteba̧lakwo̧sa, ja̧dano wetökakwo̧sa, chöbatjo ji̧nemi ojwiyo o̧boböma, —jö̧ba̧lö Dios ökwödönö abebö a̧ja̧kwi̧ yötawaduwakwö.

2 Reyes 21:13

Jau, kwöwaisa Samaria comunidadbi, israel la'aka luwo̧ Acab ömöledönöbi söbebö lotjakwa̧ omudawö chujuninama. Ja̧ söbebö lotjakwa̧ma, teada̧lönö ba̧ja̧dö chedijatö, bakobe söbebö lotjakobetjö̧, jö̧tö? Ja̧danö, jobekwö Jerusalen comunidad söbebö lotjakwa̧bi teada̧lönö ba̧ja̧dö chedajabe, ja̧danö Jerusalen comunidad baledakwa̧ baikwö wanedö yötawa: Jojo deja'do̧ okwa ji̧ 'do̧bö lobajo̧, mu'dudö ujuni̧danö, Jeruselen comunidad ju̧kwadönö söbebö lotjobö wetocha.

Deuteronomio 32:26

Jwiinö jobadönö chödameakwobetjö̧, bakobenö jobadönö tjipjelekwachibanö söbebö lotobö jö̧ta̧lijatö, bakwo̧bi jobadönö omukwatibobö jwienanö.

Deuteronomio 28:64

—Ja̧danö, kwiteboduwi nijitjö 'döbebajo̧, ju'wedö tjitebokwena jojodö tjö̧'da̧de kwipjelekwachaduwinö kwö̧jaduwobö weakwo̧ Isabenö Jo̧ma chömöledö, ja̧danö jobe ju'wedö tjitebonö ja̧nö, ju'wedö tjösödawö̧ ökwödöbi kwa'dödöbi wajwitjinawö̧nö kwösödaduwakwedöja, towisa'otjöbi, inawiyatjöbi otikwawö̧ o̧'wo jawanö.

Deuteronomio 4:27

Jau chömöledö, ökwödönö söbebö lobö, ju'wedö tjitebokwena jojodö tjö̧'da̧de bakibaduwanö kwipjelekwachaduwinö a'dewö loakobe Isabenö Jo̧ma, ja̧danö jejenö a'dewö loawö̧ sule o̧bukwedöda debö 'yö̧könö, ju'wedö tjitebo jojodö tjö̧'da̧denö kwö̧jaduwena.

Santiago 1:1

Chömöledö, Cristotjö chö̧ja̧wo̧dö dokwa. Ötjö Santiago böja kwialusöjanö wȩyudö yötawa ökwödö judío jojodönö, Israelbetjö labebinadö jelobebi, jelobebi ju̧kwadönöma. Ötjöma Dios ömöayo̧sa. Ja̧danö, Duluwo̧ Jesucristo ömöayo̧sa ötjöma. Böja kwialusöja weta ökwödönö Jesúsnö ösödadönöma.

Hechos 17:6

Jo̧kwaijayonö Pablo, Silas debijadötö. Detjiawö̧ Jasónnöbi, ju'wedö Jesúsnö ösödadönöbi do̧batibö tötöbö 'yi̧jadötö la'aka luwedö tjuju̧kwobekwö. Jobe ichibö la'aka luwedönö labinö yöba̧lijadötö: —Duluwedö, belö ömadöma du̧ju̧taja tjichijatö baima. Jobadöma bai tjichakwa̧ abönö jelobebi, jelobebi 'ya̧jadö jojodö tjölakwabikwawinö yöbawinadö. Babema jelobe sulabenö yötjawinadanö yöbawö tjichijatö bemi comunidadnö.

Isaías 13:5

Ja̧danö jobekwö o̧ko̧kodajawö̧, ödö tjitebo, bö̧jȩ bajale ji̧ tjitebotjö ichadö. Jau, ja̧ ökwöi̧ kwa̧ja̧kwaduwi̧ma, Isabenö Jo̧ lȩebakwa̧ tjotidakwedö tjichobe ökwöobe, ja̧danö weawö̧, jwiinö söbebö lotjakwedö Babilonia nijima.

Isaías 13:13

Ja̧danö ötjö Isabenö Jo̧ Okobe Jwiinö Juluwo Dios jwiinö chödameakwobetjö̧, ja dameakwö lȩtebi̧ mölema mölejȩ tjö̧awakobe, ja̧danö bö̧jebi tjö̧awakobe, jo̧ jö̧a̧lelö pjolachibenanö.

Isaías 24:19

Bö̧jȩma bakobe 'daakobe, 'dabö pjo̧'yachajakobe bö̧jema, ja̧danö labinö tjö̧awakobe.

Isaías 30:32

Ja̧danö lȩebakwawöte otokwötenö Isabenö Jo̧ kwaenama, kwo̧'woduwi ösöwachibanö lo̧köbaduwakwedöja, panderos pjeböbi, arpas pjeböbi, kwo̧'woduwi ösöwachibanö lo̧köbaduwakwedöja. Jau, iteda inesö ujulu i̧sȩbö, iteda ömamu kabebö, Asiria jojodökwö ölakwabikwawakwo̧ Isabenö Jo̧ma.

Isaías 34:2

Isabenö Jo̧ma ödameakwobe tjitebotenia jojodönö, jwiinö dameakwo̧ tjitebokwena ölakwabikwawa jojodönö, ja̧danö dameakwö jobadönö söbebö loakobe, ö'wö batjibanö lȩbebö loakwo̧.

Isaías 34:10

Yö̧tebi baledibanö, mölebi baledibanö ubakobe, imiupjo kabatökönö möakwö kaaminö. Ba̧kwelöjatebö suli̧ waekobeda ja̧kobe ja̧ nijima, ja̧danö la'akatjöda jobe tjö̧jökakwedö jojodöma, jobe baledöbi tjöbaledökakwedö.

Isaías 29:2

Baikwö yötawaduwakwö ökwödönö baledakwa̧ma: Yadakwö isabenö Jerusalennö ju̧kwadönö usula tjemawobö lȩtebakwo̧sa, jobe ju̧kwadö jwiinö o̧'wo tjo̧achö tjubudekwabenanö baibanö. Jwiinö lȩtebakwo̧sa Jerusalen comunidadma, Diosnö juwö iyawemi ichejekwenanö baibanö.

Isaías 32:12

Kwomukoduwi 'do'dobakwawö kwö̧jaduwo, —Jwiinö o̧'wo tjo̧achadösa, —jö̧ba̧lö, ajayinö otiwanö wa̧jina'ba ubasa'ba ida̧ökö wa̧jökakobetjö̧,