Isaías 2:3 - Dios Iwene

³ Jau, ba̧jȩkwadö tjitebokwena jojodöma yöba̧lakwawö yötja̧lakwedö, –Isabenö Jo̧ itea mösa'obe di̧'yaduwo, ajayinö ji̧na Jacob ösödinökwe Dios ejube di̧'yaduwo. Jobe di̧'yaduwo, Diosma ökwödönöbi iteda wei̧ ö̧ba̧ja̧dakobetjö̧, ja̧danö ökwödöbi Dios wei̧ a̧ja̧kwö dö̧jakobetjö̧, –jö̧ba̧lö yötja̧lakwedö. —Jau, Sion mösa'otjö laebakobe Dios wei̧ma, Jerusalen comunidadtjö Isabenö Jo̧ yöawi̧ laebakobe, bö̧je ba̧kwemeachibanö tja̧ja̧kwobö.

Isaías 2:3 Iomraidhean Croise

Isaías 1:26

—Jemi ikenama, damötjö̧ tjö̧jinadanö, yemidanö lȩekwa luwedö otiwanö yöbawadönö chujunocha, ja̧danö waisanö tjomukwatobö pjabatadönöbi chujunocha. Ja̧danö jejenö chujuniawö̧, kwiteboduwi comunidad Jerusalen otiwanö ötjabikwobe, –Dios wei̧ a̧ja̧kwadö tjitebo comunidad, -jö̧ba̧lö, ja̧danö, -Jwaikwöda Diosnö ösödö ju̧kwadö tjitebo comunidad, –jö̧ba̧lö ötjabikobe kwiteboduwi Jerusalen comunidadma, —jö̧ba̧lö yöawobe Diosma, Jerusalennö ju̧kwadönöma.

Isaías 11:10

Ja̧danö, ja̧ möle bandera ötjabi̧ jawa öwawi̧danö, Isai itji̧ tupadanö jojo la'aka luwo̧ma öwawinö öjamatakwo̧, okobe deinö bö̧jȩnö ju̧kwadöma joba ö̧jobekwö ko̧ko̧kwö tji̧'yakobetjö̧. Ja̧danö, öba a'o ichibajadö, tjitebotenia jojodöma jo̧banö abebö tja̧ja̧kwakwedö, otiwanö ja̧bö tjö̧jakwa̧ tjöwaisakobetjö̧. Ja̧ mö̧le, isabenö okobe deinö jojodöma jo̧ba itebo comunidad ösödö otiwanö tjomukwatakwedö, —Duluwo̧ itebo comunidadma dejatinö salöi̧ comunidad, —jö̧ba̧lö.

Isaías 19:23

Ja̧danö ja̧ mölema, mana otiwama ja̧kobe, Egipto nijitjö Asiria nijibe ichibanö, jojodö juluwanö otiwanö kwetjachobö. Ja̧danö Asiria jojodöma Egipto jojodönö dösölö̧jinö edö tji̧'yakwedö, ja̧danö Egipto jojodöma Asiria jojodönö dösölö̧jinö edö tji̧'yakwedö, ja̧danö Egipto jojodöbi, Asiria jojodöbi bakobe Diosnö tjösödakwedö.

Isaías 28:9

Dios yöawi̧ tjaja̧kwobö öpöjödadö, —Ite Dios ökwödönö waisakwawa jawa ö̧ba̧jadobö jwibo̧, yöawi̧ okwa jawa ökwödönö labebö lobö yöawobö jwibo̧. Ökwödönö yöawi̧ma, tjemu iya̧nö o̧do'bi̧ 'dötjebajawö̧nö yöawobedanö ichejekwa, tjemu pjebadönö yöawobedanö ichejekwa.

Isaías 44:5

Ja̧danö otiwanö pjatatiawö̧, jobadötjö bakwo̧ yöa̧lena, —Isabenö Jo̧ ömöledöso̧sa, —jö̧ba̧lö, ja̧danö jelo̧, —Jacob itji̧ tupadanö jojosa, —jö̧ba̧lö yöa̧lakobe. Ja̧danö jelo̧ iteda ömamunö i̧wȩyudakwo̧, —Isabenö Jo̧ Ömöledöso̧, —jö̧ba̧lö, ja̧danö imi yöa̧lakwo̧, —Israel jojosa, —jö̧ba̧lö, jwiinö kwitjimuduwi israel jojodönö otiwanö pjatatobetjö̧.

Isaías 56:5

chöba a'otjö isabenö tjimikwakwedö. Jau, cheju okwa, jobadönö omukwatakwawemi baibanö chujunocha, ja̧danö otiwanö jobadönö tjomukwatobö chujunakwo̧sa. Jau, tji̧tji̧munö 'yatjebobö jwiijayonö, yayonö otiwanö tjomukwatawö̧ batjibobö wetocha. Jau, jobadönö pjatati̧ma, tji̧tji̧mu ba̧jekwadönö 'yatjebo jö̧tja̧li̧tjö bajalekwönönö otiwanö pjatatakwawö̧, ja̧danö 'döbibajökönö, ba̧kwelöjatebo otiwanö tjomukwatawö̧ tjö̧jobö wetocha.

Isaías 56:7

Jobadönö öbibö chichejebocha, ötjöda chitea'o mösa'o Sion mösa'obe, ja̧danö jobadö cheju, ötjönö aekwejube ichibajadönö, tjo̧'wo ösöwachibanö pjatatocha. Ja̧danö jwiinö ubinö iyawabi, ötjökwö ösökwö ja̧kwawa iyawabi, ötjönö iyawapjotjö tjiyenama, tjiyaja̧ chösödakwo̧sa, —Ötiwanö ötjönö ösödö iyadöja, —jö̧ba̧lö. Jau chömöledö, ötjö chejuma, —Tjitebotenia ju̧kwadö Diosnö atjebeju, —jö̧ba̧lö ötjabikobe, israel jojodöbököböbi jobetjö ötjönö tjösödakobetjö̧, jö̧ba̧lö yöawobe Isabenö Jo̧ma.

Isaías 60:3

Jobekwö kwidewaduwiawö̧, tjitebokwena jojodöma kwö̧jaduwobekwö tjichakwedö, yȩayi dewachi̧danö salöinö kwidewaduwiawö̧, inesö la'aka luwedöbi kwö̧jaduwobekwö tjichibakwedö.

Isaías 65:11

Jo̧kwaijayonö ökwödötjö ju'wedöma ötjö Isabenö Jo̧ Diosnö kabatibadöja, ja̧danö cheju ja̧'o mösa'o kwo̧'wo jwibibadöja. Ötjönö ösödökönö, ju'wedö tjösödawö̧ Fortuna mikwo̧nöbi, Destino mikwo̧nöbi ösödö, kwakwawa iyawabi, ubasobu o̧'do̧bu iyawabi otidö iyadöja, —Jo̧badöda ökwödönö baledakwa̧ omudawö tjujunakwedö, —jö̧ba̧lö.

Isaías 66:20

Chujulu jawa yötjawiawö̧, tjiteboteniatjö kwömöledöduwi israel jojodönö tjichejebakwedö, batjo waji̧ iyawa tjichejebi̧danö, tjö̧'da̧de ju̧kwadö chömöledö israel jojodönö otiwanö iyö tjichejebakwedö, —Isabenö Jo̧, bidö kwömöledönö ichejebö diyakwö, —jö̧ba̧lö. Jau, kabayudö tjoma'anöbi, kolukiyanöbi, tjöböbe'onö wanawa ökiyanöbi, cameyodö tjoma'anöbi tjichejebakwedö. Wanedö yötawa, ökwödö israel jojodö otiwanö tjidichajapa̧ dȩja̧panö, batjo jawa kwiyaduwakwa̧ chejube e'ewö kwi̧'yaduwidanö, kwömöledö israel jojodönö tjitebotjö tjichejebakwedö. Ja̧danö jobadötjö ju'wedönö 'da̧batö chujunocha, ötjötjö jojodötjö ö'weje pjabatadö batjibanö, ja̧danö ju'wedönö weti̧ otidadö Levita jojodö batjibanö chujunocha, jö̧ba̧lö yöawobe Isabenö Jo̧ma.

Mateo 7:24

Tupakwö yöawinobe Jesúsma: —Jau chömöledö, yötawi̧ a̧ja̧kwö ja̧badöma isabenö waisanö omukwatadö. Baikwö wanedö yötawa: 'Diena, inawaena o̧do otido̧danö tjichejekwobe.

Lucas 11:28

Yöja̧liökwe, Jesúsma atadinobe: —Isabenö Dios otiwanö pjaatoko chojo'donöma, ötjönö jemobö iyinobetjö̧, jo̧kwaijayonö ja̧tjö bajalekwönönö isabenö nöinö pjabato̧ Diosma, Dios iwene a̧ja̧kwö laebachi̧danö ja̧bö ju̧kwadönöda chömöledö— jö̧ba̧lö.

Lucas 24:47

Ja̧danö ju'wibi tjiwȩyudinobe: Okobe deinö sulabenö tjomukwati̧ kabatibö balewachö Dios weakwo̧ jö̧a̧linökwenö ösödadönöma, tjusula söbebö loakwo̧ Diosma jö̧ba̧lö yötjawobö ja̧kobe. Ja̧ yötjawakwa̧ma, Jerusaléntjö jamatö böjȩ bakwameachibanö baibanö yötjawobö ja̧kobe, jö̧ba̧lö laebobe damötjö tjiwȩyudinama.

Juan 4:22

Yötawakwö. Ökwödö Samaria jojodöma, Diosnö dösöda, jö̧ba̧lö, kwomukwataduwijayonö isabenö wajwiköbaduwobe Diosnöma, kwo̧'wo̧ luwo̧duwinö. Ökwödö judío jojodöma isabenö döwaisa Diosnöma. Jau chömöledösuju, dö̧jibinö otido̧ma judío jojoobetjö̧ öwaitjöda öwawobe, Ökwödö judío jojodöma Diosnö waisadösa, jö̧ba̧lö —jö̧a̧linobe Jesúsma—.

Juan 7:17

Ja̧danö, Dios ösödi̧ ösödadöma, ötjö yötawi̧ a̧ja̧kwö, ötjö chomukwati̧ yötawojobö, Dios omukwati̧da yötawojobö, tjöwaisachibakobe.

Hechos 1:8

Jo̧kwaijayonö biya̧da, kwöwaisaduwobö yötawa. Ökwödöma Dios ujulu kwujuna̧laduwakobe, Dios O̧'wo̧ Luwo̧ ökwödö kwo̧'wo̧ luwo̧duwinö tebachibö öjamataja̧ ikena. Ja̧danö, ötjö yötawina wenema otiwanö yökawaduwakwedöja. Bemi Jerusalénnöbi, ju'wi okobe jwiinö Judea nijinöbi, Samaria nijinöbi yökawaduwakwedöja. Jelobe jelobebi böjȩ bakwameachibanö yökawaduwakwedöja— jö̧ba̧lijetö Jesúsma öba̧ja̧di̧ waisachadönöma.

Hechos 10:33

Jejenö weitjö̧ chömöayedönö wetijatö ökwönö öbibö tji̧'yobö baikwö kwichobö. Ökwöma otiwanö kwichajabe. Babema ökwödöma okobe deinö, Dios öba a'o bena dö̧ja da̧ja̧kwobö okobe jwiinö Duluwo̧ weina ökwönöma—jö̧ba̧lijetö Cornelioma.

Romanos 10:18

Chömöledö, Israel jojodöma otiwa jawa wene tjöpöjödinobe, ¿jö̧tö? ¿Tajawedö tjöpöjödinada chömöledö? ¿Tja̧ja̧kwokobetjö̧ tjöpöjödinaji̧? Ja̧maökö chömöledö, isabenö tja̧ja̧kwinobe otiwa jawa wenema. Dios iwene baikwö laebobe: Otiwa jawa wene yötjawobe ökwöi̧ma böjȩ bakwameachibanö jojodönö ökwöinobe, ja̧danö böjȩ ö'öbönö ju̧kwadöbi tja̧ja̧kwinobe, jö̧ba̧lö laebobe.

Deuteronomio 33:19

Jobadöma ju'wedö israel jojodötjö sasokwena jojodönö tja̧debakwedö, mösa'obe, Diosnö iyawa'obe tjichobö, jobetjö otiwanö tjiyo jö̧tja̧li̧danö Diosnö tjiyakobetjö̧. Jau, jobadöma isabenö otiwanö tjujuna̧lakwedö, jwaibalawatjö ji̧ nöinö mikwawi̧ jawa tjemobetjö̧, ja̧danö so̧biapu okwa ji̧ mikwawi̧ jawa tjemobetjö̧.

Deuteronomio 6:1

Tupakwö yöawinobe Moisesma, israel jojodönö: —Chömöledö, kwuluwo̧duwi Isabenö Jo̧ Diosma ötjönö weinobe, iteda wei̧ jawa ökwödönö chö̧bajadobö, kwiteboduwi ja̧kwa̧ nijinö ja̧nö, a̧ja̧kwö kwö̧jaduwobö. Ja̧danö, babema juluwanö ojwe pebibö, kwiteboduwinö kwö̧jaduwobö tekachaduwakwedöja chömöledö, jo̧kwajabetjö̧ Dios chö̧ba̧jadobö weinadanö, baikwö yötawaduwakwö Dios wei̧ma, a̧ja̧kwö kwöjaduwo jö̧ba̧lö.

Santiago 1:25

Baikwö kwö̧jaduwobö jo̧be: Dios yöawi̧, iteda iwenetjö yöawi̧ma ö'wiawakwa̧lö̧jönö a̧ja̧kwö kwomukwata̧laduwo. Chö̧ja̧wo̧dö, Dios iwenema tjöba dekwawöte i̧sebi̧danö ökwödönö i̧sebobe Dios ösödi̧ma. Ja̧danö, ökwödö sulabe dujuna̧li̧ i̧sebobe. Ja̧danö, Dios ösödi̧danö ja̧kwawa i̧sebobe. Nöinö i̧sebobe Dios iwenema. Jo̧kwaobetjö̧ Dios iwene kwa̧ja̧kwaduwaja̧ ikena kwo̧'wo̧duwi̧ jwibibökönuwi Dios wei̧ma. Dios wei̧ a̧ja̧kwö kwi̧sebaduwobö jo̧be chö̧ja̧wo̧dö. Ju'wi wanedö yötawa chö̧ja̧wo̧dö: Ökwödöma böjȩ sulabenö ji̧kwö 'dii̧ osiju ka̧lenasijunö yö̧dekwinobe. Ja̧danö, Dios yöawi̧ma ejachajibinö pjabatö dö̧jibinö pjaatinobe, Dios otiwanö omukwati̧danö omukwatö dö̧jobö. Chö̧ja̧wo̧dö, kwo̧'wo̧duwi jwikibaduwoko Dios yöawi̧, iteda iwenetjö yöawi̧ma. Dios yöawi̧ a̧ja̧kwö yöawi̧danö omukwatö ja̧köbaduwo chö̧ja̧wo̧dö, kwö̧jaduwi̧ma. Ja̧danö, Dios yöawi̧danö ja̧bö jo̧ma Dios jwiinö pjaatökwe, okobe jwiinö böjȩnö ja̧nö ja̧i̧ma.