Isaías 13:2 - Dios Iwene2 —Mösa'o öwaetjöda öwawa'o wame banderasa̧do̧ kabebö kwujuno, edö Babilonia comunidad metjibakwa̧ tjöwaisakobetjö̧. Labinö jwöbeba̧li metjibakwedönö, ja̧danö kwömamu kabebö kwi̧sȩbo, Babilonia luwedö tjitebo comunidad apjude tebachö metjibakobetjö̧. Faic an caibideil |
Ja̧danö Isabenö Jo̧ma jwiinö söbebö loakobe Egipto niji jwaibalawa bajalema, ja̧danö iteda ujulunö, jwa̧le'epjo inesö tubapjo weakobe, inesö jalödö Eufrates ojwema ja'yuwödöda baibakobetjö̧. Jobekwö weobetjö̧, inesö jalödöma ja'yuwödöbiya baibanö 'da̧achibakobe, da̧kwöködö jelemutjö dödölataja ojwebiya baibanö. Ja̧danö Diosma jojodönö öibakobe wene jwiinö kwebachöda jalödö ji̧nemi petjibakobetjö̧.
Jobadökwö chölakwabikwawenama, Asiria ölakwabikwawadö inesö juluwadöma jwiinö yebabinö tjö̧bawö tjö̧jakwedö, ja̧danö ölakwabikwawadö tjuluwedöma, banderasa̧do̧ jȩlö yebabinö dötjibakwedö, —jö̧ba̧lö yöawobe inesö ökwöla kwebato̧ Isabenö Jo̧ma. Jau, Isabenö Jo̧ ö̧ji̧ i̧sȩkwola ubemi comunidadma, Jerusalen comunidadda, ja̧danö Jerusalen mösa'o Sion mösa'otjö ubobe, Dios ö̧ji̧ i̧sekwolama.