Isaías 10:3 - Dios Iwene

³ Jobekwö sulabenö ja̧köbaduwobetjö̧, ¡ökwödöwe! Dios lȩebakwa̧ mölȩ badekwachenama, dakwö kwö̧ji̧baduwakwajö? Ödötjö ichadö ökwödönö söbebö lobö tjichenama, dakwö kwö̧jibaduwakwajö? Dios yöawi̧ kwöpöjödaduwobema, dite tjöbeba̧lo̧ ö̧jobekwö dökibaduwakwajö? Ja̧danö nöinö kwujuna̧laduwi̧ma, dai kwujunibaduwakwajö, 'dötebapji jö̧ba̧löma?

Isaías 10:3 Iomraidhean Croise

Génesis 31:1

Ja̧danö, ju'wi möle Jacobma a̧ja̧kwijetö ju'wedö yötja̧li̧, Labán i̧tji̧muma tjo̧'wo sulinö edö yötja̧lakwawobe Jacobnöma, jö̧ba̧lö, yötja̧li̧ma. Baikwö yöba̧lakwawijadötö Labán i̧tji̧mu ömadöma: —Jacobma balada luwo̧ baibajabe, yelösöda nöinö juna̧lo̧. Ja̧danö, jo̧ba ujuna̧li̧ma okobe jwiinö dabe'do iteatjöda, ja̧danö okobe deinö a̧jwi̧mutjöda ujuna̧lobe. Naukwabo̧danö jo̧bama dabe'do ujuna̧li̧tjöda emö balada luwo̧ baibajabe— jö̧ba̧lijadötö Labán i̧tji̧muma.

2 Reyes 7:15

Ja̧danö, weawö̧, isakwö tji̧'yinobe, ja̧danö dötjibaja̧ mana badekwajadö, lutjinobe, Jordan ojwe ö'öbö tjichibenanö kabatö. Ja̧danö dötjibaja̧ mana edö, Siria jojodö juluwanö dötjibajotö jö̧ba̧lö ikwö lotjibaja̧ jawa tjedinobe, kamisibi, ölakwabikwawa jawabi ikwö lotjibaja̧ tjedinobe. Ja̧danö, jobekwö edajadö, ȩwa̧bijö la'aka luwo̧nö yötjawinobe.

Diosnö ösödo̧ Job mikwo̧ usula emawina jawa 31:14

Jau chömöledö, jobadönö sulabenö ja̧tjitjö̧ma, 'dö̧ibaji mölȩ Dios lȩekwa yöawenema, jo̧ba öba a'otjö atadakwawa jwibö chö̧jena. –Kwömöayo̧nö tajawedö sulabenö jaköbinada? –jö̧ba̧lö abebö a̧ja̧kwökwe, chatadakwa̧ jwibö chö̧jibena, wainö ötjönö lȩebobö jȩna.

Proverbios 11:4

Ja̧danö, ju'wibi yötawa: Isabenö, bakwo̧ nöinö balada ujuna̧li̧ma ja'yubebi pjaatokobe Dios lȩebi̧ mölȩ ichenama, Dios jo̧banö lȩebi̧tjö ö̧jibobö. Dios jo̧banö lȩebakwo̧. Jo̧kwaijayonö Dios wei̧ a̧ja̧kwö jo̧ma, Dios lȩebökakwo̧, ja̧danö wobaletjö ö̧jibakwo̧.

Isaías 13:6

—Ökwödö Babilonia jojodöma yebabinö kwubudekwaduwo, Isabenö Jo̧ lȩebakwa̧ möle yöneawachibobetjö̧. Ja̧danö badedö ujunina möle badekwachenama, Okobe Jwiinö Juluwo̧ Dios söbebö loakwa̧ badekwachakobe.

Isaías 17:4

Tupakwö yötawa, Dios israel jojodönö yöawi̧ma: —Ja̧ möle Jacob itji̧mu tupadanö jojodö israel jojodö otiwanö tjujuna̧li̧ma 'dö̧ibakobe, jwibadö batjibanö. Wanedö yötawa israel jojodönö baledakwa̧ma: Nöbo̧ o̧tewo̧ ö'dalukachobedanö baledakobe israel jojodönö.

Isaías 20:6

Babema belö jwaibalawa ö'öbö ju̧kwadötjö ba̧jȩkwadö jobadönö tjo̧'wo wana̧lö ja̧dö, —Egipto jojodöbi, Etiopia jojodöbi dö̧jibinö pjatjatakwedö, Asiria jojodö ökwödönö tjujuluwapji, —jö̧ba̧lö. Jo̧kwaijayonö Asiria luwo̧ jobadönö öbibö ȩwa̧jenama, tabakwö yebabinö jö̧tja̧lakwedö: —Ayö, idö do̧'wo döwana̧linawö̧nö baledina edaduwi. Jobadönö do̧'wo wana̧lö, tjö̧jobekwö dödibajijatö, isabenö Asiria la'aka luwo̧tjö dö̧jibinö pjatjatakwedö, jö̧ba̧lö. Jo̧kwaijayonö jobadönö ujuluwajabe Asiria luwo̧ma, ökwödöwe, dakwö dö̧jibakwajö Asiria luwo̧ ujulutjöma, dö̧jibobö jwiena, —jö̧ba̧lö yebabinö jö̧tja̧lakwedö.

Isaías 26:14

Jau duluwo̧ Dios, ju'wedö ökwödötjö duluwedöbinadöma debö tji̧'yajabe, ja̧danö wobaletjö tjetjachajökakwedö. Jobadöma, la'akatjöda yemidanö ökwödönö webö tjö̧jökakwedö. Ökwöda jobadö duluwedöbinadönö lȩbebinaja duluwo Dios, yemidanö ökwödönö webö tjö̧jö̧kakobetjö̧. Jobadönö söbebö lobinaja duluwo̧, jwiinö jobadönö söbebö lobinaja duluwo̧, bakwo̧bi jobadönö omukwatibökakobetjö̧.

Isaías 26:21

Jau chömöledö, babe ö̧jelö labebo̧ Diosma, bö̧jȩnö ju̧kwadönö lȩebakobetjö̧. Bö̧jȩnö ju̧kwadö sulabenö ja̧bö tjö̧jiökwe, ö̧jelö labebo̧ Isabenö Jo̧ma, jobadönö lȩebakobetjö̧. Jobekwö lȩebobetjö̧, okobe deinö tjöwaisachibanö öwawakobe, bö̧jȩtjö sulabenö kwabö lotjina wenema. Kwabö lobajadö sulabenö jatja̧ja̧ tjotojinajayonö, öwawachibanö i̧sȩbakobe, bö̧jȩ jojodönö lȩebenama,

Isaías 28:20

—Waisanö yöa̧lakwawa yötja̧li̧danö baledakwawö̧ ökwödönö, baikwö laebobe yöa̧lakwawama: –Camapjoma yelösöda peapjoobetjö̧, dekatobö jwiiobe, ja̧danö sabana'woma, pea'woobetjö̧, jwakekwobö jwiobe, –jö̧ba̧lö laebobe. Ja̧danö yöa̧lakwawa laebi̧danö baledakobe ökwödönö, Egipto jojodönö kwo̧'wo kwöwana̧laduwi̧ waekwakobetjö̧.

Isaías 30:16

Ja̧danö Dios kwö̧jibaduwobö wei̧ öpöjödö, yöka̧linaduwobe, —Ja̧maökö. Ökwödöma kabayudönö wa̧nö, döpöjojodö tjöba a'otjö dödibakwedösa, dö̧jibobö, —jö̧ba̧lö. Ja̧danö, isabenö dökibaduwakwedöja chömöledö. Yöka̧laduwajabe, —Kabayudö juluwanö ö'öbakwawadö tjoma'anö wanö, otiwanö dö̧jibakwedösa, —jö̧balö, jo̧kwaijayonö baikwö yötawaduwakwö, ökwödönö lubadöbi juluwanö lutjakwedö, ökwödönö tjichibenanö baibanö.

Isaías 30:5

yayonö okobe deinö tabakwö kwö̧jaduwakwedöja. —Egipto jojodöma pjatjatakwedö, —jö̧ba̧lö yöka̧laduwijayonö, pjatjatobö jwitjakwedö. Jobadötjö kwemaduwakwa̧ma, kwöpöjojodöduwitjö ji̧kwawama kwemaduwökakwedöja, ja̧danö ju'wi pjatjatakwa̧ jawabi kwemaduwökakwedöja. Jobadötjö kwemaduwakwa̧ma, taba lö̧ji̧ jawada, ja̧danö jojodöma ökwödönö öbö yötja̧lakwedö, —Israel jojodöma wajwibö Egipto jojodönö tjo̧'wo wana̧linadötö, —jö̧ba̧lö laebobe Isabenö Jo̧ yöawi̧ma.

Isaías 30:7

Jau, Egipto la'aka luwo̧ma pjaatakwo̧, jö̧ba̧lö omukwatö tji̧'yijayonö, Egipto niji la'aka luwo̧, –Pjatatakwo̧sa, —jö̧a̧li̧ma mikwawokobe. Jau, inesö juluwo̧ Rahab ötjabökwedanö juluwo̧ Egipto luwo̧ma, jö̧ba̧lö ichejekwijayonö, ja'yubebi pjabatö̧kö̧. Jo̧kwajabetjö̧ jo̧banö baikwö ötabocha, –Ba̧nöda bo̧ Rahab, –jö̧ba̧lö jo̧banö ötabocha, ja'yubebi pjaatokobetjö̧, —jö̧ba̧lö laebobe Dios yöawi̧ma.

Isaías 33:14

Jerusalennö ju̧kwadö sulabenö ja̧bö ju̧kwadöma, chujulu chi̧sȩbiawö̧ jwiinö yebabidö, –Ayö, Dioskwö dakwö dö̧joböjö? Jo̧bama ökwöla jwiinö ubola kwebato̧, tiibokola kwebato̧, ökwödötjö ditejö, jo̧bakwö ö̧jobö mikwawo̧ma? –jö̧ba̧lö.

Isaías 39:3

Jemi ikenama Dios yöawi̧ yöbawo̧ Isaiasma ichibö, la'aka luwo̧ Ezequiasnö abebö a̧ja̧kwinobe: —Idöma dakwö yötja̧linada? Ja̧danö, didö tjitebotjö tjichinada? —jö̧ba̧lö. Aebökwe, —Ödö tjitebotjö tjichinobe, Babilonia nijitjö, —jö̧ba̧lö atadinobe Ezequiasma.

Isaías 5:14

Wanedö yötawa, Dios ba̧jȩkwadönö lȩebobetjö̧, ö'wö babibadö tju̧ju̧kwemima nöinö ukwobö jö̧a̧lobe ichejekwa, ja̧danö ajayitjö bajalekwönönö ba̧jȩkwadönö ö̧kato jö̧ba̧lö, aa jalinö alebajabe, jadanö Jerusalen comunidad luwedönöbi, ju'wedö inesö ba̧jȩkwadö Jerusalennö ju̧kwadönöbi ö̧katakobe ö'wö babibadö tjuju̧kwemima. Jau, Dios lȩebobetjö̧, Jerusalennö ju̧kwadö ba'ali o̧wa̧ladöbi, ju'wedö Jerusalennö tju̧ju̧kwobö ösödadöbi bakobe debö tji̧'yakwedö.

Isaías 5:26

Jau, iteda ömöledö israel jojodönö lȩebakobetjö̧, Isabenö Jo̧ma i̧sȩbö jwöakobe ju'wedö tjitebo jojodö ödö ju̧kwadönö, bö̧je bakwachö̧je ju̧kwadö ölakwabikwawa jojodönö su̧wiba̧lö jwöakobe, ja̧danö jwöajawö̧, juluwanö tjichakwedö.

Lucas 19:44

Ja̧danö okobe jwiinö comunidad tjöekwemi pjolö lotjakobe, ja̧danö tjöekwemi okwa ju̧kwadö comunidadnö ju̧kwadönö kwabö lotjakobe. Isabenö jwiinö söbebö lotjakobe kwiteboduwi Jerusalén comunidadma. Bakwawa inawa jelewa wame ji̧bökönö jwiinö söbebö lotjakobe, Dios ökwödönö pjaatobö jö̧a̧lina kwöpöjödinaduwobetjö̧. Jau, Diosma isabenö ökwödönö pjaatotö jö̧ba̧lö ichijayonö, kwöpöjödaduwajabe, ja̧danö kwöpöjödaduwobetjö̧ isabenö usula kwemawaduwakobe— jö̧ba̧lö budekwö yöa̧linobe Jesúsma, Jerusalénnö ju̧kwadönö.

Deuteronomio 28:49

—Jo̧banö öpöjödö kwö̧jaduwiökwe, Isabenö Jo̧ma ödö ju̧kwadö ju'wedö tjitebo ju̧kwadönö jwiinö ödöobetjö öibakobe, ökwödönö metji̧bobö. Ja̧danö, jobadö tjiwene wainö yöba̧ladöma, wiyuli mötjö juluwanö nijakwö jwibachö meibi̧danö, jobadöma ödötjö ichajadö juluwanö ökwödönö metjibakobe.

1 Pedro 2:12

Jau chömöledö, ökwödöma Diosnö ösödöködö tjö'da̧de ja̧nö, otiwanö ja̧bö kwö̧jaduwo, otiwanö ja̧bö kwö̧ja̧duwi̧ tjedakobetjö̧. Ajayinöma isabenö ökwödönö wanedö sulabenö ja̧badö jö̧ba̧lö yötja̧lena chömöledö, jo̧kwaijayonö jwaikwöda otiwanö ja̧bö kwö̧jaduwitjö̧ma, otiwanö ja̧bö kwö̧jaduwi̧ edö tjöwaisachibena, Aaa, Jesúsnö ösödadöma isabenö otiwanö ja̧bö ju̧kwadö, jö̧ba̧lö. Ja̧danö chömöledö, jejenö tjöwaisachibobetjö̧, 'dö̧ibaji̧ möle Dios ichakwa̧ möle badekwachenama, jo̧banö tjösödena, Otiwo̧ja, jö̧ba̧lö.