Isaías 1:7 - Dios Iwene

⁷ —Kwiteboduwibi ja̧danö chömöledö. Jwiinö suli̧ tjöwaedajabe kwiteboduwima, ja̧danö kwiteboduwi comunidadbiyama, ökwölanö juwö lotjajabe. Ja̧danö kwöbajaleduwi a'otjö, kwöbatjoduwi suli̧ tjöwaedajabe, kwöpöjododöduwi jelobetjö ichajadöma. Jau chömöledö, jelobetjö ichajadö suli̧ waedö tjichajobetjö̧, jwiinö suli̧ waekwajabe kwiteboduwi israel nijima.

Isaías 1:7 Iomraidhean Croise

Isaías 1:8

Ja̧danö kwiteboduwi inesö la'aka comunidad Jerusalenma, ajayinö jalemi la'aka comunidad ji̧najayonö, jo̧dawemi baibajabe, bakobe kwöpöjojodöduwi ölakwabikwawö tjötjösawemi baibajabe. Jau, löwöte uba batjo ö'wejenö jö̧tedanö, ja̧danö pepinos mikwi̧ batjo ö'wejenö jö̧tedanö ichejekwemi baibajabe Jerusalen comunidadma, bakwachobetenia kwöpöjojodöduwi ölakwabikwawö tjötjösawobetjö̧, jö̧ba̧lö laebobe Dios Israel jojodönö yöawaja̧ma.

Isaías 3:8

Jau chömöledö, isabenö tjöpöjojodöma söbebö lotjakobe Jerusalen comunidadbi, ju'wi Juda niji comunidadteniabi, Isabenö Jo̧ Diosnö katjatibobetjö̧. Jau, yöba̧löbi, sulabenö yöba̧ladö Isabenö Jo̧nö, ja̧danö ja̧bö tjö̧ji̧bi, sulabenö Isabenö Jo̧ öpöjödi̧ jawa ja̧badö. Isabenö Jo̧ma inesö juluwo̧, salöinö dejato̧ ö̧jijayonö, yayonö jo̧banö öpöjödö, öba a'o yöba̧ladö, —Öpöjödö kadatibakwö, —jö̧ba̧lö.

Isaías 34:9

Ja̧ möle Edom niji ojwebiyama, yȩa'beda baibakobe, ja̧danö nijima, azufre baibakobe, ja̧danö niji ba̧kwemeachibanö, yȩa'beda babibö ubakobe, Edom niji bakobe suli̧ waekwinö.

Isaías 49:19

Babema kwiteboduwi Juda nijima, isabenö suli̧ waekwobe, jojodö deobe chömöledö, jo̧kwaijayonö ja'yubenö lekwajabetjö̧ ökwöda kwömöledötjö su̧'bȩ baibakobe kwiteboduwima, kwiteboduwitjö jojodö deobebi tjö̧ba̧jekwachenanö baibanö. Ja̧danö ja̧ möle, kwöpöjojodöduwi, tjö̧möayedö bakibaduwanö ökwödönö juluwinadöma, kwö̧jaduwelö ödö tjö̧jakwedö.

Isaías 5:17

Jau, Diosma isabenö söbebö loakobe Jerusalen comunidadma, ja̧danö söbebö loaja̧ okobe, meje'yetjö tjukwi̧danö, obejadöma comunidad ji̧nelö pokwi̧ isa'ye tjukwakwedö, ja̧danö chivodöma nöinö juna̧linadö tjejubiya jinelö tju̧kwa tjukwakwedö.

Isaías 5:9

Jobekwö ja̧bö kwö̧jaduwiökwe, isabenö lȩebakwo̧ Diosma. Jau, cha̧ja̧kwonö, Isabenö Jo̧ Okobe Jwiinö Juluwo̧ Diosma iteda lȩebakwa̧ jawa yöbawö ujuninobe, baikwö: —Isabenö ba̧jȩkwejubiyama jojodö dei ejubiya ji̧bakobe, inesö otiweju jalejubiyabi jojodö dei ejubiya ji̧bakobe, lȩtebakobetjö̧, —jö̧ba̧lö Dios yöbawö ujunina cha̧ja̧kwijatö.

Isaías 6:11

Jobekwö yöa̧litjö̧, Isabenö Jo̧nö atadö abebö cha̧ja̧kwijatö: —Ayö Chuluwo̧ Isabenö Jo̧, dokwa lekwe yöka̧laja̧danö baledakwa̧da? —jö̧ba̧lö. Abebö cha̧ja̧kwökwe, —Tjitebo comunidadbiya söbebö loawemi jojodö deemi baibenanö kabatö jobekwö baledakobe, ja̧danö tjejubiya jojodö deejubiya baibenanö kabatö jobekwö baledakobe, ja̧danö israel niji suli̧ waekwenanö kabatö jobekwö baledakobe.

Isaías 60:15

Ajayinö le'dedö lotjawö̧, tjöpöjödadawö̧ kwö̧jinaduwobe chömöledö, ja̧danö kwiteboduwi ö'wejenö baledinöködö jojodöma. Jo̧kwaijayonö kwiteboduwi inesö otiwobe baibanö pjatatakwo̧sa, ja̧danö ba̧kwelöjatebö 'dö̧bibajökönö, kwo̧'woduwi ösöwachibanö kwö̧jaduwakwedöja.

Isaías 62:8

Isabenö Jo̧ma, iteda inesö ujulunö baikwö yöbawö ujunajabe: Ötjö inesö chujulunö baikwö yöbawö chujunaduwakwö: Bemi tupakwö la'akatjöda ökwödö kwöbatjoduwi wa̧ji̧ma, iyö lotökakwo̧sa kwöpöjojodöduwi tju̧kwa baibanöma. Ja̧danö ökwödö ubasobu o̧'do̧bu kwotidaduwajobuma, ju'wedö tjitebo jojodöma la'akatjöda 'döbebö tjowökakwedö.

Isaías 64:10

Ökwöda kwitebo niji comunidadteniama, bakobe jojodö deobe baibajabe. Sion mösa'obi, jojodö deobe baibajabe, Jerusalen comunidadbi söbebö loawemi baibajabe.

Isaías 9:18

Jojodö sulabenö ja̧tji̧ma, ökwöla ubi̧danö ubi̧, wanedö yötawa, sȩi̧bi, ju'wi sȩötjebiyabi ubenama, juluwanö tebonö ji̧ towibiya nötekwajobe, ja̧danö ubenama, imiyu'wo möakwö kaamobe, jö̧tö?

Isaías 9:5

Ja̧danö ju'wibi chuluwo̧, ajayinö jobadönö juluwinadö ölakwabikwawadö, jobadönö ja̧tö lobinadö tjitea sapatubi, tjitea kamiji̧do̧ tjökwösobutjö 'bȩkwinado̧bi, imisö̧'adanö baibanö ökwölanö juwö lotjobe chuluwo̧, jo̧kwajabetjö̧ kwöba a'otjö tjo'wo ösöwachibanö tju̧ju̧kwobe, —Döpöjojodötjö dö̧ji̧binö pjaatajabeta, —jö̧ba̧lö.

Deuteronomio 28:33

Ja̧danö ju'wibi, jelobetjö ichajadö wajwiköbaduwawö̧ma ichö, kwöbatjoduwi waji̧ jawa 'döbebö tjukwakwedö, ja̧danö okobe jwiinö ju'wi kwotidaduwaja̧ jawabi tjemakwedö, ja̧danö kabatökönö ökwödönö sulabenö ja̧tja̧kwedö, jwiinö usula kwemawaduwinö.

Deuteronomio 28:43

Ja̧danö ju'wibi jelobetjö ichajadö kwö̧'da̧deduwinö ju̧kwadöma, ökwödötjö bajalekwönönö tjujuluwachibakwedö, ja̧danö jobadö tjujuluwachibonö, ökwödö israel jojodöma nijakwönönö kwujuluduwi jwibadö bakibaduwanö kwime'dawachibaduwakwedöja.