Hechos 9:4 - Dios Iwene

⁴ Jejenö salöi̧ tjösawibiökwe Sauloma nijakwö mebijetö. Ikenama iwene a̧ja̧kwijetö, baikwö abebö a̧ja̧kwobe: —Saulo, Saulo, ¿tajawedö sulabenö ja̧köbatjö ötjönöma?— jö̧ba̧lö.

Hechos 9:4 Iomraidhean Croise

Génesis 16:8

Jo̧ba ángeldanö ichejekwö öwawachajo̧, Isabenö Jo̧ Diosma abebö a̧ja̧kwijetö Agarnöma: —Agar, Sarai jömöayujuma ¿detjö kwichaja̧da? Ja̧danö ¿dai kwi̧'ya?— abebö a̧ja̧kwijetö jobujunöma. Jejenö abebö a̧ja̧kwoko atadijotö: —Chuluwuju jö̧jelö dötibaja— atadijotö Agarma.

Génesis 22:11

Jo̧kwaijayonö Isabenö Jo̧ Dios weajökwe ángelma jwöbijetö Abrahamnöma: —Abraham, Abraham— jwöökwe: —Chuluwo̧, yöba̧li cha̧ja̧kwo— atadijetö.

Génesis 3:9

Ikenama Isabenö Jo̧ Diosma iso̧nö jwöbijetö: —¿Dai kwö̧ja ökwöma?— jwöökwe:

Éxodo 3:4

Ja̧danö, Isabenö Jo̧ma Moisés ösötje jo̧obekwö ichobe edö jwöbijetö ösötje okwatjö ¡Moisés! ¡Moisés! jö̧ba̧lö. Jejenö jwöökwe, Jao bena chö̧ja, jö̧ba̧lö atadijetö Moisésma.

Isaías 6:8

Jemi ikenama Isabenö Jo̧ yöa̧lobe cha̧ja̧kwijatö, baikwö yöa̧li̧ma: —Tinö wetakwa̧da, chömöledö israel jojodönö yöa̧lobö? Jobadönö yöda̧lo jö̧da̧lima, tinö wetakwa̧da, jo̧bada yöawakobetjö̧? —jö̧ba̧lö. Jobekwö abebö a̧ja̧kwi̧tjö̧, ötjö Isaiasma chatadijatö, —Chuluwo̧, ötjöma bai kwöba a'o jo̧sa, ötjönöda webi, yökawo jö̧ka̧li̧ma yötawakobetjö̧, —jö̧ba̧lö.

Isaías 63:9

Isabenö okobe jwiinö usula emawö tjö̧jitjö̧, Diosda jobadökwö ja̧nö pjaatinobe. Jau, sule ömöayo̧nöda webö, —Chömöayo̧ angel, tjö̧jibinö pjabati, —jö̧ba̧lödamaökö, iteda da'dödökwö ja̧nö, tjö̧jibinö pjaatinobe. Jo̧bada ile nibebö, lȩlöinö edö pjabatinama, ja̧danö okobe jwiinö damötjö kwetjachinama, jo̧bada a̧la̧pedö kweatinobe.

Mateo 25:40

Atjebitjö̧, ötjö la'aka luwo̧ma chatadakwo̧sa: Isabenö yötawaduwakwö, bidö chömöledötjö ju'wedötjö nijakwönönö mikwawö̧kö̧nö jejenö pjakatinaduwenama, ötjönöda pjakatinaduwobe, jö̧ba̧lö.

Lucas 10:41

Yöja̧lökwe Jesúsma atadinobe: —Chömöledösuju chösödoko Marta, ju'wi jayebi, ju'wi jayebi nöinö kwo̧'wo̧ tjo̧kekwa, jo̧kwaijayonö ja̧ jayema isabenö mikwawökö ji̧ Marta.

Juan 18:6

Jesús jejenö, Ötjödasa, jö̧ba̧lö, yöawiawö̧ jo̧banö do̧batö ichajadöma omönanö tjökömakwö ji̧bachibö metjinobe nijibe.

Juan 20:16

Jejenö jö̧ja̧liökwe: —María— jö̧a̧loko, jalachibö edö jöwaisachibinobe, Jesúsda. jö̧ba̧lö. Ja̧danö, jo̧banö jö̧ja̧linobe: —Rabuni— jö̧ba̧lö. Rabuni, jö̧ba̧löma, hebreo tjiwenenö, Ba̧ja̧dakwawa jojo, jö̧ba̧lö. Ja̧danö, Maríama, ösödö wo̧jatibinobe Jesúsnö.

Juan 21:15

Ikenama kwanö katjatena, Jesúsma abebö a̧ja̧kwinobe Simón Pedronö: —Simón, Juan itji̧ ¿ökwöma bidö kwömöledö ötjönö ile nitjebemitjö o̧penönö jwiinö ile nikebiji̧ ötjönöma?— abebö a̧ja̧kwiökwe: —Jau chuluwo̧. Kwöwaisa. Ökwönö ile nibebo̧sa— atadiökwe: —Jo̧kwaobetjö̧ kwite'ada̧lo ötjö cha̧jwi̧mu o̧bȩja̧dö tji̧tji̧munö— weinobe Jesúsma Pedronö, wanedö yöbawö.

Hechos 5:10

Ikenama Pedro jö̧ba̧lö kaatena, jobujubi mebö ö'wö babibijotö. Ikenama möayedöma tebachibö e'ewibö lödö 'yi̧jadötö jobujunö, jilekwe ipjeanö.

Hechos 9:5

Jejenö abebö a̧ja̧kwiökwe Sauloma abebö a̧ja̧kwijetö: —Chuluwo̧, ökwöma ¿tida?— abebö a̧ja̧kwiökwe: —Ötjöma Jesússa, ökwö sulabenö ja̧köbökwema— yöbawijetö—.

Romanos 11:22

Jau chömöledö, Dios ja̧i̧ kwomukwataduwo, Diosma lȩbeböbi lȩbebo̧, ja̧danö lȩlö̧jinö edöbi lȩlö̧jinö edo̧. Mebinadö Israel jojodönöma, lȩbebo̧ Diosma, jo̧kwaijayonö ökwödö Israel jojodöböködönöma lȩlö̧jinö edo̧. Jo̧kwajabetjö̧, ökwödö Israel jojodöböködöma Dios yöawi̧ kwösödaduwo ina ökwödönö lȩlö̧jinö edobö, ja̧danö ökwödönöbi tjebö loapji jö̧ba̧lö.

1 Corintios 12:12

Chömöledö, baikwö wanedö yötawa: Jojodö tjiteba'oma, bakwa'oda tjujuna̧ljayonö, nöinö tjujuna̧lobe tjiteba'o jawa, tjömamijubi, tjömasapiyabi, ju'wibi nöinö tjujuna̧lobe, ¿jö̧tö? Ja̧danö, okobe jwiinö tjiteba'o jawama, nöinö tjujuna̧lijayonö, bakwa'oda tjujuna̧lobe, ¿jö̧tö? Ökwödö Cristo iteba'obedöbi ja̧danö chömöledö.

1 Corintios 4:7

Jau chömöledö, ökwödöma ju'wedönötjö o̧penönö otiwadöböködöja chömöledö, ju'wedönö kwöpöjödaduwo jö̧ba̧lö. Okobe jwiinö kwujuna̧laduwi̧ma, Diostjöda ichobe, ökwödötjödamaökö, ¿jö̧tö? Ja̧danö, Diosda ökwödönö iyinobetjö̧, ¿tajawedö Aaa, ju'wedönötjö o̧penönö juna̧ladösa jö̧ba̧lö kwomukwataduwobö chömöledö? Jejenö kwomukwataduwoböma jwia chömöledö, Dios iyinada kwujuna̧laduwobetjö̧.

Efesios 5:30

Chömöledö ökwödöma, Cristo iteba'obedödobetjö̧ jo̧bama ökwödönö te'ada̧lö jo̧.