Hechos 9:2 - Dios Iwene

² Ichibö ö'weje la'aka pjabato̧nö abebijetö öjiya iwȩyudobö, jo̧ba imikwö, jelobe, Damascobe e'ewotö jö̧ba̧lö. Ja̧ öjiyama Sauloma Damascobe e'ewö 'ya̧jo̧ ichibö judío jojodö ba̧nö tja̧ja̧kwa̧leju te'ada̧lakwawa jojodönö i̧sebobö jö̧ba̧lijetö. Ja̧danö, Jesúsnö ösödadönö, ji̧bakwawa mananö kwebachadö ötjabiwö̧nö, ömadönöbi ya̧dönöbi do̧batö nu'yajo̧ Jerusalénbe öbibö ȩwa̧jobö jö̧ba̧lijetö Sauloma.

Hechos 9:2 Iomraidhean Croise

Génesis 14:15

Jobe ichibö ömöayedönö wainökwena tji̧'yobö webijetö, la'aka luwedö tjuju̧kwobekwö, yö̧te. 'Ya̧jadöma juluwijadötö jobadö la'aka luwedönö, tjömöayedö guardia luwedönöbi, dötjibajinö. Ja̧danö döbibajadönö lubijadötö ödö, Hoba ichibanö, Damasco u'dakwö.

Isaías 17:1

Baikwö laebobe Dios ötjönö yöawina, Siria niji comunidad Damasco baledakwa̧ jawama: —Baikwö yötawa: Damasco comunidadma ja'yubenö lekwajabetjö söbebö lotjakwemi, comunidad jwiemi, pjolö loawemida baibakobe.

Mateo 10:17

Ja̧danö, jojodö tjö'da̧de ja̧nö ö'wiakwawönö kwö̧jaduwo. Baikwö yötawa: Ju'wedöma ökwödönö öpöjödö do̧batö ökwödönö ötjibakobe, lȩekwa luwedö tjöba a'o kwö̧jaduwobö, ja̧danö judío ba̧nö tja̧ja̧kwa̧lejubiyatjö ökwödönö kwakwatjakobe.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

Hechos 18:25

Apolosma ajayima, Duluwo̧ jawa waisachiabijetö. Ja̧danö, o̧'wo̧ ösöwanö, jweinö yöbawiabijetö Jesús jawama. Jo̧kwaijayonö Juan Ojwenö Bu̧dato̧ yöbawiainada waisijetö, Jesús iminö ojwenö bu̧datakwawa öba̧ja̧di̧maökö.

Hechos 19:23

Pablo ina Éfesonö ö̧jena jobe ju̧kwadöma Pablokwö nöinö wene juna̧lakwawijadötö. Jobadöma öpöjödijadötö Pablo yöawi̧ma, ji̧kwa mananö ichikwa wenema.

Hechos 19:9

Jejenö tja̧ja̧kwonö ju'wedöma tjuu 'ditjobetjö̧ öpöjödijadötö. Jobadöma Pablo yöawi̧ma, ji̧kwa mananö tjichibobö yöawi̧ma, öpöjödö tjo̧'wo̧ sulinö edö sulabenö yöba̧lijadötö jojodönö, Pablonöma. Jejenö yötja̧liökwe Pabloma jejutjö labebajijetö ju'wedö Jesúsnö ösödadönö öbibö. Jemi tupakwöma jejutjö yöbawijökötö. Jelejutjöda yöbawijetö, Tirano mikwo̧, ba̧ja̧dakwawa jojo, jo̧ba öba̧ja̧dejutjöda. Ju'wi möle jwiinö jeju okwa tebachö jojodö yötja̧li̧ atada̧lö yöbawiabijetö Pabloma.

Hechos 24:14

Jo̧kwaijayonö jweinö yötawakwö: Bidö, ötjönö jwöbeba̧ladöma, Pabloma Jesúsnö ösödo̧, jö̧ba̧lö, jweinö yötja̧lobe. Ja̧danö Jesúsnö ösödadö, ji̧kwa mananö kwebachadö ötjabiwö̧ tjomukwati̧danö omukwato̧sa, Jesúsnö ösödö. Jo̧kwaijayonö Jesúsnö chösödijayonö ina da'dödömine yötjawinabi chösödobe. Jo̧kwaijayonö Jesúsnö chösödiawö̧ bidöma tjöpöjöda, Ja̧ ösödakwawama wainö ji̧, jö̧ba̧lö. Chuluwo̧, yötawakwö, ötjöma, bidö tjomukwati̧danö, Moisés iwȩyudinabi, Dios yöawi̧ yöbawadö tjiwȩyudinabi chösöda, Jobadö tjiwȩyudina jweinö tjiwȩyudinobe, jö̧ba̧lö.

Hechos 24:22

Ikenama Félixma tupakwö yötjawobö öpöjödijetö, ji̧kwa mananö kwebachadö ötjabiwö̧ yötjawi̧ ida̧ökö öwaisobetjö̧. Jo̧kwaobetjö̧ jö̧ba̧lijetö: —Tjo̧wi̧ta, guardia jojodö tjuluwo̧, Claudio Lisias mikwo̧ ichena weawa yötawocha— jö̧ba̧lijetö.

Hechos 26:10

Jo̧kwaobetjö̧ cho̧'wo̧ sulinö edö jwiinö inia tjötjinö ja̧biachijatö jobadönöma, Jerusalénnö ju̧kwadönöma. Jojodötjö Diostjö ö'weje pjabatadö tjuluwedönö ötjönö wetjobö atebijatö, Jesúsnö ösödadönö do̧batö ka̧lena ba̧kwaweju okwa tjödakwa̧ ja̧tobö. Ju'wibi ja̧tijatö. Weawa yöawakwawa jojodö, Kwabö lododönö, jö̧ba̧lö, yötjawena, ötjöbi, Jau, otiwa, jö̧ba̧lö, chösödijatö.

Hechos 26:12

Ina jö̧ba̧lijetö: —Jejenöobetjö̧ Damascobe chi̧'yijatö, Diostjö jojodötjö ö'weje pjabatadö tjuluwedö tjiyajöja kwialusöja e'ewö, Jesúsnö ösödadönö do̧tatotö jö̧ba̧lö.

Hechos 6:9

Ja̧ mölema, Esteban ö̧jena ju'wedö ju̧kwijadötö, judío jojodötjö ju'wedöma. Jobadöma, midö tjeminawö̧ tjö̧jibinö latjebinawö̧, ötjabinawö̧. Jobadöma jeleju, yötjawejunö tebachiabijadötö. Ja̧danö, jobadöma jelobetjö ichinadö, Cirenetjöbi, Alejandríatjöbi, Ciliciatjöbi, Asia nijitjöbi. Jobadöma Esteban Dios ujulu i̧sebiawö̧ öpöjödijadötö Estebannöma. Jo̧kwaobetjö̧ Esteban ö̧jobekwö 'ya̧jadö wene juna̧lijadötö Estebankwö, labinö jwöjwöbakwawö.

Hechos 7:19

Jo̧bama o̧'wo̧ sulinö omukwatö sulabenö ja̧bijetö da'dödöminenöma. Usula tjemawinö webijetö, jobadö tji̧tji̧munö pjetjawobö wotjawinö.

Hechos 9:14

Babema baikwö ichajabe, Diostjö jojodötjö ö'weje la'aka pjabatadö wetjina ja̧obö, ökwönö ösödadönöma do̧atobö— jö̧ba̧lijetö Ananíasma.

Hechos 9:21

Okobe deinö Saulo yöawi̧ a̧ja̧kwö: —¿Dakwö Jesús jawama yöbawo̧jö?— jö̧ba̧lö eda̧lijadötö—. Bitema Jerusalénnö ju̧kwadö Jesúsnö ösödadönö usula tjemawinö sulabenö webina. Baikwö ichinobe Jesúsnö ösödadönö nu'yajo̧ Jerusalénbe öbibö e'ewobö, Diostjö jojodötjö ö'weje la'aka pjabatadö tjuju̧kwobekwö—yöba̧lakwawijadötö.

2 Corintios 11:32

Jau chömöledö, tupakwö yöta̧la chujulu jwii̧ wene yöbawö. Belö Damasco comunidadnö chö̧jenama, la'aka luwo̧ Aretas mikwo̧ ujuninökwe gobernadorma ötjönö do̧atobö ösödinobe, jo̧kwajabetjö̧ guardia jojodönö ujuninobe comunidad tjöekwemi apjudebiya tjite'ada̧lobö, ötjönö do̧tjatobö.

Gálatas 1:17

Ja̧danö Jerusalénbe chi̧'yijökötö, ötjötjö ajayinö Jesús webawedö babibinadökwö yöta̧lakwawo jö̧ba̧löma. Jelobeda chi̧'yijatö, Arabiabe, ja̧danö jemi ikenama yemidanö Damascobe chȩwa̧jijatö.