Hechos 4:9 - Dios Iwene

⁹ ökwödöma akeba̧laduwobe yödawobö kwebachö̧kö̧nö otiwanö pjadatinama. ¿Dakwö kwotidijaduwija kwebachö̧kö̧nöma otiwanö baibobö? jö̧ba̧lö, akeba̧laduwobe.

Hechos 4:9 Iomraidhean Croise

Juan 10:32

Jejenö ja̧tjökwe: —Ötjöma Dabe'do Dios ujulunö i̧sebö otiwanö pjabatö chotidobe kwedaduwijatö. Ötjö otiwanö chotidinama ¿diya̧ kwöpöjödaduwa, ötjönö kwikwawaduwobö jö̧ka̧laduwi̧ma?— abebö a̧ja̧kwawö̧:

Juan 7:23

Ja̧danö ökwödöma, Moisés weina ja̧bö, kwi̧tji̧mu tjötade bajalesado̧ 'wikebaduwobe. 'Wikebaduwobö möle otikwökö möle ichibena, otikwökö möle 'wikebaduwobe. Jejenöma, otikwökö mölebi 'wikebaduwobe kwi̧tji̧mu tjötade bajalesado̧ma. Jo̧kwaobetjö̧ ¿dakwö kwo̧'wo̧duwi sulinö kwedaduwobö ötjönöma, bakwo̧nö okobe jwiinö otiwanö baibanö otidö lotobema?— yöawinobe Jesúsma—.

Hechos 25:26

Jo̧kwaijayonö babema chomukwata ¿dakwö yöbawö chiwȩyuda duluwo̧nöma, bite ja̧inama? Wajwita, idödada wene tjujuna̧lakwawobetjö̧. Jo̧kwaobetjö̧ ökwödönö kwichaduwobö jwötijatö, judío jojodö jwötjeba̧li̧ jo̧ba a̧ja̧kwö atadi̧ma kwa̧ja̧kwaduwobö. Chuluwo̧ Agripa, ökwö kwa̧ja̧kwobö jwiinö chösödobö jö̧ta̧lijatö. Kwa̧ja̧kwaja̧duwa ikena, pjakataduwotjö kwialusöjanö chiwȩyudi̧ma chöwaisobö.

Hechos 3:7

Jejenö jö̧ba̧lö Pedroma jo̧ba ömamunö, öwaisamunö do̧batö a̧lapedijetö. A̧lapedökwe omönanö ömasapiyabi, ömasapa junekwemibi otiwanö baibijetö.

1 Pedro 4:14

Jesúsnö ösödadö kwö̧jaduwobetjö̧ ökwödönö sulabenö yötja̧lena chömöledö. Jo̧kwaijayonö jejenö yötja̧liawö̧ kwo̧'wo̧ tjo̧achaduwoböma jwia, kwo̧'wo̧ ösöwanö kwö̧jaduwobö jo̧be chömöledö, Dios O̧'wo̧ Luwo̧ dejatinö juluwo̧ma ökwödönö pjabatö jo̧ jö̧ba̧lö.