Hechos 3:8 - Dios Iwene

⁸ Jejenö baibökwe jo̧bama döbö jamatö kwebachijetö. Ikenama möakwö döbakwiabö 'ya̧nö, Diosma otiwanö jo̧, jö̧ba̧lö, yöba̧liabö Pedrokwö Juankwö Dios eju tjöekwemi okwa tebachijetö.

Hechos 3:8 Iomraidhean Croise

Isaías 35:6

Kwebachöködöma, yama döbö kweachi̧danö, dötjakwedö, ja̧danö tjinene yöba̧löködöma, tjo̧'wo ösöwachibanö jwötjeba̧lakwedö. Jojodö deobe kököelö, ojwese'do doakobe, ojwebiyabi jobe isuwakobe.

Lucas 18:43

Ja̧danö, Jesús jejenö yöa̧lenama, juluwanö yemidanö edinobe öbajale tjewawo̧ma, ja̧danö Diosnö ösödö Jesús ökömanö i̧'yinobe, Diosma otiwanö pjaatajabe, jö̧ba̧lö. Ja̧danö ja̧ baledi̧ edö, okobe deinö edadöma Diosnö tjösödinobe, Otiwanö pjabato̧, jö̧ba̧lö.

Lucas 6:23

Jau chömöledö, jejenö ökwödönö tjöpöjödenama, isabenö kwo̧'wo̧ ösöwachibanö kwösödaduwo, Isabenö Diostjö inesö otiwa jawa demakwedösa, jö̧ba̧lö. Jau chömöledö, kwöwaisaduwa, ökwödönö sulabenö tjöpöjödi̧danö damötjö ji̧nadö Dios yöawi̧ yöbawadönöbi tjöpöjödinobe, ja̧danö ju'wibi kwöwaisaduwobö jo̧be, jobadö damötjö otiwanö ja̧bö ji̧nadö Diostjö otiwa jawa tjemi̧danö ökwödöbi bakwainö kwemaduwakwedöja— jö̧ba̧lö yöawinobe.

Juan 5:14

Jemi ikenama, Jesúsma, Dios eju okwa tebachajo̧, öbadekwajinobe otidö loajökwenöma. Ja̧danö, jö̧a̧linobe jo̧banö: —A̧ja̧kwitjö. Babema otiwanö bakibajabe. Ja̧danö, sulabenö ja̧bö kwö̧ji̧ma kabatibi, ju'wi suli̧ jawa, o̧penönö suli̧ jawama ökwönö baibapji jö̧ba̧lö— jö̧a̧linobe Jesúsma.

Hechos 14:10

Ikenama Pabloma labinö jwöbijetö jo̧banöma, ¡A̧laibi!, jö̧ba̧lö. Jejenö weökwe ömasapiya 'wabo̧ma omönanö a̧laibö 'yi̧jetö.

Hechos 19:16

Ikenama o̧'wo̧ luwo̧nö sulabo̧ ö̧jökwema juluwanö mebibijetö jobadönö. Mebibö do̧batö labinö kwakwabö, tjökamisi kȩ'ö lobö juluwijetö jobadönö. Ujuluwajawö̧ma niawö̧, kamisi jwibadöda o̧dotjöma labeibö döbibajijadötö.

Hechos 3:7

Jejenö jö̧ba̧lö Pedroma jo̧ba ömamunö, öwaisamunö do̧batö a̧lapedijetö. A̧lapedökwe omönanö ömasapiyabi, ömasapa junekwemibi otiwanö baibijetö.