Hechos 27:2 - Dios Iwene

² Di̧'yowima jelobetjö, Adromitio mikwobetjö ichö tjölamatinowi, Asia niji tjolabiyanö lamatiabö 'yowima. Jowinö a̧jibö di̧'yijatö. Jelo̧, Aristarco mikwo̧ma, Macedoniatjö da̧peachina, Tesalónicanö jo̧ma, ökwödökwö ichijatö.

Hechos 27:2 Iomraidhean Croise

Lucas 8:22

Ju'wi möle, Jesúsma iteda öba̧ja̧di̧ waisachadökwö isowinö a̧jibinobe, ja̧danö jobadönö yöa̧linobe: —Tupakwö o̧pesobu bakwachobube pedibaduwo— jö̧ba̧lö. Yöa̧liawö̧, petjibotö jö̧ba̧lö latjebinobe,

Hechos 16:17

Ja̧danö, jobujuma ökwödö, Pablokwö dökömanö lubö labinö jwöjeba̧lijatö: —Bidöma La'aka Dios ömöayedö, ökwödönö ji̧kwa wene yöbawö ichinadö— jwöjeba̧lijatö.

Hechos 17:1

Ikenama, Pablo, Silas Filipostjö labebö 'ya̧nö kwebachijadötö Anfípolis comunidadbi, Apolonia comunidadbi. Jobe kwebachajadöma Tesalónica comunidadnö ichibijadötö. Jenama judío jojodö yötjaweju ji̧jetö.

Hechos 19:19

Jobadötjö ju'wedöma, mea boawa waisadöma, mea boawa jawa tjiwȩyudina ö'yebiya ichejebijadötö. Ichejebajadöma ja̧ ö'yebiyama juwö lobijadötö, jojodö tjeda̧lonö. Ja̧ juwö lotjina ö'yebiyama nöinö mikwawina ö'ye, cincuenta mil plata ö̧pi̧bi̧ya mikwawina ö'ye.

Hechos 19:29

Ja̧danö, ba̧jekwadö Éfesonö ju̧kwadöma labinö jwöbeba̧lö labijadötö. Jwiinö tjölabobetjö̧ Pablokwö ichinadönö, Macedonia jojodönö, Gayonö, Aristarconö do̧batibö tötöbijadötö jojodö tjö̧bajeju jobekwö. Ichibö tebatijadötö jeju okwa.

Hechos 2:9

Ökwödöma, jelobetjöbi jelobetjöbi dichinobe. Ökwödötjö ju'wedöma Partia nijitjö ichinadö, ju'wedöma Media nijitjö ichinadö ju'wedöma Elam nijitjö ichinadö, Mesopotamia nijitjö ichinadö, Judea nijitjö ichinadö, Capadocia nijitjö ichinadö, Ponto nijitjö ichinadö, Asia nijitjö ichinadö— jö̧bekwa̧lijadötö—.

Hechos 21:5

Ikenama jelemutjö dötölataja möle baledibajena, tjo̧wi̧ ökwödöma di̧'ya jö̧da̧lawö̧ jobe ju̧kwadö Jesúsnö ösödadöma, tji̧lȩkwa̧mukwö, tji̧tji̧mukwö ökwödökwö tjichijatö tjolabe di̧'yobe, so̧bi̧ya̧pu̧bekwö. Jobe so̧bi̧ya̧pu̧nö du̧yu̧ju̧ki̧junö bamatö Diosnö adebijatö. Abebö kabatö: —Tjo̧wi̧ di̧'ya— jö̧da̧liawö̧: —Jau 'ya̧duwi— jö̧tja̧lijatö Tironö ju̧kwadöma.

Hechos 28:10

Ja̧danö, jobadöma nöinö tjiyijatö ökwödönö pjabatö. Ikenama yemidanö jelowinö di̧'yakwa̧ pjaati̧ jawabi tjiyijatö.

Hechos 28:12

Maltatjö labebö 'ya̧jadöma dichibijatö Siracusa comunidadnö. Jobe lamatajadö wa̧pötakwa mölenö dö̧jijatö.

Hechos 28:16

Romanö ichibö guardia jojodö tjuluwo̧ma webijetö Pablonöma iteda eju baibanö wainö ö̧jobö, bakwo̧ guardiaso̧kwö, Pablonö te'ada̧lo̧kwö.

Hechos 28:2

Jobadöma otiwanö pjatjatijatö ökwödönöma. Ojwiyo o̧ba̧lö tiyuwobetjö̧ ökwöla tjujuwijatö 'yödakwobö.

Colosenses 4:10

Aristarco mikwo̧ma ötjökwö ka̧lena bo̧ chömöledö, ja̧danö jo̧bama deawobedanö dokwa jö̧ba̧lö aebobe ökwödönö. Ja̧danö, Bernabé ömöledöso̧ Marcos mikwo̧bi deawobedanö dokwa jö̧ba̧lö aebobe ökwödönö. Jo̧ba Marcos mikwo̧nö belö ökwödönö yötawijatö chömöledö, kwiteboduwibe ichibitjö̧ma, kwösodaduwonö jö̧ba̧lö.

Filemón 1:24

Ja̧danö, ötjökwö otidadö Marcos mikwo̧bi, Aristarco mikwo̧bi, Demas mikwo̧bi, Lucas mikwo̧bi detjawobedanö dokwa atjebobe ökwödönö.