Hechos 24:1 - Dios Iwene

¹ Ikenama bakwamu möle baledibajena Diostjö jojodötjö ö'weje la'aka pjabato̧, Ananías mikwo̧ma, judío jojodötjö damökwö, jelo̧, abogadoso̧, Tértulo mikwo̧kwö ichijadötö Cesareanö. Jobadöma Cesareanö ichibö gobernador Félix ö̧jobekwö 'ya̧jadö jo̧banö yöbawijadötö Pablonö jwötjeba̧li̧ma.

Hechos 24:1 Iomraidhean Croise

Isaías 3:3

ölakwabikwawadö tjuluwedönöbi, otiwanö tjomukwatawö̧nöbi, waisanö tjomukwatobö pjabatadönöbi, mea boawa waisadönöbi, 'döebakobe Isabenö Jo̧ma, Jerusalennö ju̧kwadöbi, ju'wedö Juda niji jojodöbi bakobe pjabatadö deinö tjö̧jakobetjö̧.

Hechos 12:21

Ikenama ju'wi möle, Herodesma jobadö atjebobe a̧ja̧kwi̧ möle ichibena Herodesma otiwanö 'dubawijetö, la'aka luwedö wame 'dubawaitjadanö. 'Dubawajo̧ la'aka luwedö ba̧jitjakanö ba̧nö, la'aka luwo̧ yöba̧lajitjadanö yöba̧lijetö jobadö Tironö ju̧kwadönöbi Sidónnö ju̧kwadönöbi .

Hechos 21:27

Ikenama, tjidichawi̧ möle, jelemutjö dötölataja möle ina katjatakwa̧ ja'yubeda jwiena ju'wedö judío jojodö, Asia nijitjö Jerusalénnö ichinadöma Pablonö edijadötö, Dios eju apetunö jo̧nö. Jobadöma Pablonö öpöjödijadötö, ju'wedö omöna yötjawi̧danö tjomukwatobetjö̧. Tjo̧'wo̧ sulinö edö labinö yöbawijadötö ju'wedönö, Pablonö tjölabobö.

Hechos 23:2

Jejenö yöawiökwe bakwo̧, jojodötjö Diostjö ö'weje la'aka pjabato̧ öpöjödijetö. Öpöjödobetjö̧ webijetö Pablo ipjeanö ja̧dönöma Pablonö aanö metjobö.

Hechos 23:24

Ja̧danö, Pablo wa̧nö i̧'yakwo̧ kabayunöbi öbibö kwichejebaduwo. Jobe 'ya̧nöma otiwanö kwite'ada̧laduwo Pablonöma, jo̧ba otiwanö ichibenanö kabatö la'aka luwo̧ Félix mikwo̧ ö̧jena—webijetö guardia jojodö la'aka luwo̧ma.

Hechos 23:30

Ikenama madakwobe, ju'wedöma yötjawijatö, Ida̧ökö, judío jojodöma jo̧banö kwabö lotjobö tjomukwatibajabe, jö̧ba̧lö. Jejenö yötjawitjö̧ chomukwatijatö te'ada̧lökönö ökwö kwö̧jobekwöda wetonöcha. Jo̧banö jwöbeba̧ladönöbi wetijatö kwö̧jobekwöda tji̧'yo, ökwökwöda yötja̧lakwawo— jejenö yöbawö wȩyudijetö guardia jojodö la'aka luwo̧ Claudio Lisiasma.

Hechos 23:33

Ikenama Cesareanö ichibö tjuluwo̧ iwȩyudina kwialusöja iyijadötö Félixnö. Iyajadö Pablonöma junibö ȩwa̧jijadötö, Félixkwö ö̧jibonö.

Hechos 23:35

Jejenö atadiökwe jö̧ba̧lijetö: —Ökwönö jwöbeba̧ladö tjichena ökwö yökawi̧ma cha̧ja̧kwocha— jö̧ba̧lijetö Félixma. Ikenama webijetö ömöayedö guardia jojodönö Pablonö tjite'ada̧lobö, la'aka luwo̧bina Herodes ji̧aineju okwa.

Hechos 24:11

Ajayima baikwö baledijatö: Belö, a̧li̧nösamutjö dötölataja mölenö, Jerusalénnö chichibijatö Diosnö ösödö. Chuluwo̧, abebö kwa̧ja̧kwitjö̧ma ju'wedö yötjawena, Jau, Pabloma ja̧ möle ichibijatö, jö̧ba̧lö.

Hechos 24:2

Ikenama Félixma webijetö Pablonö öbibö tjichejebobö. Ichibena Tértuloma jamatö, judío jojodö Pablonö jwötjeba̧li̧ma yöbawijetö: —Duluwo̧ gobernador Félix, abönö ökwönö yöta̧la. Ökwöma otiwanö webö kwö̧jobetjö̧ ökwödöma ju'wedökwö ölakwabikwawökönö otiwanö dö̧jobe. Ja̧danö, ökwödö ditebonö otiwanö dö̧jobö pjaati̧ jawa baledinö ja̧bo̧ja, ökwö weköbawö̧nö pjabatö.

Hechos 25:15

Ja̧danö, belö Jerusalénnö 'ya̧jo̧ chö̧jenama judío jojodötjö la'aka luwedöma, jojodötjö Diostjö ö'weje pjabatadö tjuluwedöbi, damöbi Pablonö jwötjeba̧lijatö ötjönöma, Jo̧bama sulabenö ja̧bo̧, kwabö lotjobö weawa yökawo, jö̧ba̧lö.

Hechos 25:2

Jerusalénnö ichajo̧nö jojodötjö Diostjö ö'weje pjabatadö tjuluwedöbi, ju'wedö judío jojodötjö la'aka luwedöbi Pablonö tjöpöjödi̧ yöbawijadötö. Ösödinö abebijadötö Festonö:

1 Corintios 2:1

Chömöledö, ötjöma Dios jawa ökwödönö damötjö yöbawö chichinenama, böjȩ jojodö waisadö yötjawi̧danöma yötawijökötö, ja̧danö nöinö chöwaisi̧ jawa chi̧sebotö jö̧ba̧löma yötawijökötö.

1 Corintios 2:4

Ja̧danö, ökwödönö chöba̧ja̧dena, ja̧danö ökwödönö yötawenama, böjȩ jojodö waisanö yötjawi̧danöma böjȩ jawa waisakwawa ji̧ jawa yötawijökötö. Wainö yötawijatö, öwaetjöda Dios O̧'wo̧ Luwo̧ ujulu i̧sebö yötawijatö.