Hechos 2:3 - Dios Iwene

³ Ikenama öwawachibö bakwo̧nökwena tjuubiya wamenö ju̧kwachakwawibijetö, la̧pa̧la̧yu̧ ubi̧danö ubi̧.

Hechos 2:3 Iomraidhean Croise

Génesis 11:6

Ja̧danö, edö jö̧ba̧lijetö Isabenö Jo̧ma, itedada: —Bidöma bakobe ja̧nö, ja̧danö, tjiwenema bakwainö yöba̧lö ju̧kwadö. Jejenö bakobe ja̧nö, tjiwene bakwainö yöba̧lö idöda tjösödi̧ tjotidobö jo̧be, bemi comunidad, ja̧danö beju möejuma. Jejenö ju'wibi ju'wi, idöda tjösödi̧danö baibanö tjö̧jitjö̧ma, jobadö ja̧tjobö waiyi̧ma jwiena. Okobe jwiinö idöda tjösödi̧ tjotidobö jena— jö̧ba̧lijetö.

Isaías 6:5

Jobekwö edö, jwiinö yetaibijatö, ja̧danö yöta̧lijatö, —Ayö, ötjöwe, isabenö debö chi̧'yakwo̧sa, ötjö sulabo̧ma chöbajalenö inesö la'aka luwo̧ Okobe Jwiinö Juluwo̧ Isabenö Jo̧ Diosnö chedajobetjö̧. Jau, sulabenö yöba̧lo̧chobetjö̧, cha̧jȩ yȩökwesa, ja̧danö chömöledö israel jojodö tja̧jȩ yȩbadö tjö̧'da̧de jo̧sa, ötjöwe, isabenö debö chi̧'yakwo̧sa, —jö̧ba̧lö yebabinö yöta̧lijatö.

Mateo 3:11

Tupakwö yöawinobe Juanma, jojodönö: —Ötjöma sulabenö tjomukwati̧ kabatibö balewachajadönö ojwenö chubu̧datobe, sule ojwiyonöda. Jo̧kwaijayonö, chökömanö ichakwo̧ma, Dios O̧'wo̧ Luwo̧nö jobadönö ja̧akwo̧, ja̧danö ökwölanö jobadönö ja̧akwo̧. Jo̧ba ötjö chökömanö ichakwo̧ma, ötjötjö yelösöda bajalekwönönö mikwawo̧, baikwö wanedö yötawa: Luwedö 'dutjawatu sapatu e'ewadöma, sule tjömöayedötjö mikwawöködöda, ¿jö̧tö? Jo̧kwaijayonö, ötjöma jo̧ba ömöayo̧ 'duawatu e'ewo̧ ömöayo̧ chö̧joböma mikwawö̧kö̧sa.

Mateo 3:15

Jejenö aebökwe, Jesúsma atadinobe: —Diosma ötjönöbi ojwenö bu̧datakwawa weobe, jo̧kwajabetjö̧ ötjönöbi ojwenö kwubu̧datobö jo̧be, okobe jwiinö Dios wei̧danö ja̧dobö— jö̧ba̧lö atadinobe Jesúsma. Jejenö atadökwe, Jesúsnö ojwenö ubu̧datinobe Juanma.

Lucas 24:32

Ja̧danö Jesúsnö waisachibajadö yötja̧lakwawinobe: —Isabenö Jesúsda. Domukwatiba. Jo̧da ökwödökwö kwebachö Dios iwene tjiwȩyudina jawa labebö lobö yöawenama, yöawi̧ a̧ja̧kwö domajade ösöwachibanö da̧ja̧kwatö. Isabenö Jesúsda yöawobetjö̧ domajade ösöwachibanö da̧ja̧kwajabeta— jö̧ba̧lö yötja̧lakwawinobe.

Hechos 1:15

Ju'wi möle jobadö tjoko̧ko̧kwena, ciento veinte jenanö ju̧kwijadötö. Pedroma jobadö tjö'da̧denö jamatö yöbawijetö:

Hechos 2:11

Ökwödötjö ju'wedöma Creta nijitjö, ju'wedö Arabia nijitjö ichinadö. Jejenö, ökwödöma böjȩtjö okobe jwiinö ichinadöma ökwödö diwenekwena da̧ja̧kwa. Jobadö, Dios ujulunö yötjawobe da̧ja̧kwa diwenekwena —jö̧bekwa̧lijadötö.

Hechos 2:2

Ikenama jeju okwa tjö̧bajonö omönanö mölejȩbetjö ichö ökwöijetö jwa̧lȩ'epjo, labinö ichobe ökwöi̧danö. Jejenö ichi̧ma tjeju okwabi labinö ökwöijetö okobe jwiinö.

Hechos 2:4

Ikenama jobadönö okobe deinö Dios O̧'wo̧ Luwo̧ma tebachibö jamatijetö. Tebachibö öjamatajawö̧ma ju'wedö tjiwene wajwitjijayonö yöbawijadötö. Ja̧ yötjawi̧ma Dios O̧'wo̧ Luwo̧da pjabatijetö, ju'wedö tjiwenenö yötjawobö.

1 Corintios 12:10

Dios O̧'wo̧ Luwo̧ma bakwo̧nö ujulu iyena, jojodö edajitjökö jawa i̧sebo jö̧ba̧lö. Ja̧danö, jelo̧nö iyena Dios yöawi̧ yöawo jö̧ba̧lö. Ja̧danö, jelo̧nö iyena ju'wedö yötjawi̧ a̧ja̧kwö Dios yöawi̧da yötjawojobö, jelo̧ yöawi̧da yötjawojobö öwaiso jö̧ba̧lö. Ja̧danö, jelo̧nö iyena, ju'wedö tjiwene wajwii̧ iwenenö waisachökönö yöawo jö̧ba̧lö. Ja̧danö, jelo̧nö iyena, wajwii̧ tjiwene yötja̧li̧ a̧ja̧kwö, jweinö labebö lobö yöawo jö̧ba̧lö.

Santiago 3:6

Chö̧ja̧wo̧dö, jejenö ökwödö dinenenö yöda̧li̧ma. Ja'yubetjö nötekwajö ubö okobe jwiinö ubi̧danö dinenema ja'yuwijayonö jwiinö sulabenö baibobe. Yelösöda daatjö laebi̧, dinenenö yöda̧li̧ma juluwobe okobe jwiinö dö̧ji̧ma sulabenö baibanö dö̧jobö. Chö̧ja̧wo̧dö, do̧'wo̧ luwo̧nö sulabenö edö dinenenö yöda̧li̧ma Awetja ökwöla juwawa önötekwaji̧danö, okobe jwiinö ubö loobema, okobe jwiinö dö̧ji̧ma sulabenöda baibanö.

Apocalipsis 11:3

Ikenama Diosma ötjönö yöawijatö: —Jobadö sulabenö ja̧badöma sulabenö webö tjö̧jonö, ju'wedö du̧ju̧tajama, ötjö yötawi̧ yötjawobö wetawö̧ma yötjawakobe, jejenö yötjawobö chujulu iyö wetakobetjö̧. Ja̧danö, jobadöma lekwe, mil doscientos sesenta möle baledibanö, jobetjö yötjawakwedö, ju'wedö, jobe ju̧kwadöma yelösöda sulabenö ja̧tjonö. Jobadö du̧ju̧taja yötawi̧ yöbawadöma, kamijido̧ pjelewado̧, tjömöledö wotjaiawö̧ 'dutjawi̧danö 'dubawö tjö̧jakwedö—yöawijatö Diosma ötjönöma.

Apocalipsis 14:6

Ikenama jelo̧ ángelnö chedijatö, mö köba̧lo̧nöma. Jo̧bama mönö köba̧lö böjȩnö ju̧kwadönö jwöbeba̧lö yöawi̧ma cha̧ja̧kwijatö, otiwa jawa wene, ba̧kwȩlö̧jatebö ji̧ wenema. Okobe deinö böjȩnö ju̧kwadönö köba̧lö jwöeba̧lö yöawobe cha̧ja̧kwijatö, jelobebi, jelobe ju̧kwadönöbi, wainökwena ji̧nadötjö tupadanö jojodönöbi, ja̧danö, wainökwena tjiwene yöba̧ladönöbi.