Hechos 19:3 - Dios Iwene

³ Jejenö yötjawiökwe Pabloma abebö a̧ja̧kwijetö: —Ja̧danö, ökwödönö ojwenö bu̧datakwawama ¿taji i̧sebinada? —abebö a̧ja̧kwiawö̧ yöbawijadötö: —Juan yöawina ösödadösa, jö̧ba̧lö, i̧sebijatö. Jo̧ba yöawina a̧ja̧kwö ösödö, da̧ja̧kwaja̧ ikena ojwenö ubu̧datobö adebijatö— yöbawijadötö Pablonö.

Hechos 19:3 Iomraidhean Croise

Mateo 28:19

jo̧kwajabetjö̧ baikwö wetaduwakwö: Böjȩ bakwameachibanö tjitebokwena jojodönö yöbawö, ösödadönö chöba̧ja̧di̧ waisachadö batjibanö yöbawaduwi. Ja̧danö, Chabe'do Diosbi, ötjö Dios Itji̧bi, Dios O̧'wo̧ Luwo̧bi ökwödönö wedobetjö̧, diminö jobadönö ojwenö bu̧dataduwi.

Lucas 7:29

Jejenö Jesús Juannö yöawi̧ a̧ja̧kwö, ba̧jekwadö jojodö Jesús yöawi̧ tjösödinobe, ja̧danö jobadötjö jojodö tjöpöjödawö̧ impuesto jawa balada emadötjöbi ba̧jekwadö tjösödinobe. Jobadöma ida̧ökö Juan yöawi̧ ösödö, sulabenö tjomukwati̧ kabatibö balewachajadö, ojwenö bu̧datakwawa i̧sebinadö, ja̧danö Diosnö tjösödinobe, Diosma otiwo̧, ja̧bö dö̧jakwa̧ jweinö webo̧, jö̧ba̧lö.

Hechos 18:25

Apolosma ajayima, Duluwo̧ jawa waisachiabijetö. Ja̧danö, o̧'wo̧ ösöwanö, jweinö yöbawiabijetö Jesús jawama. Jo̧kwaijayonö Juan Ojwenö Bu̧dato̧ yöbawiainada waisijetö, Jesús iminö ojwenö bu̧datakwawa öba̧ja̧di̧maökö.

Hechos 8:16

Jobadönöma Duluwo̧ Jesús iminöda ojwenö bu̧datijetö Felipema. Jo̧kwaijayonö Dios O̧'wo̧ Luwo̧ma ina tebachibö jamatijökötö. Jo̧kwaobetjö̧ jejenö Diosnö abebijadötö.

1 Corintios 12:13

Bakwo̧da, Dios O̧'wo̧ Luwo̧da okobe deinö bakwa'o Cristo iteba'o badibanö ujuninobe ökwödönöma chömöledö, judío jojodönöbi, judío jojodöböködönöbi, tjömöayedö batjibanö midö tjeminawö̧nöbi, tjömöayedöböködönöbi. Ja̧danö bakwo̧da, Dios O̧'wo̧ Luwo̧da okobe deinö do̧'wo̧ luwo̧nö tebachibö jamatinama chömöledö.

Hebreos 6:2

Ja̧danö ju'wi la'aka ba̧ja̧dakwawama, ojwe okwa bu̧datakwawa tjöba̧ja̧dinama. Ja̧danö ju'wima, Diosnö ösödadönö tjömamu 'bieba̧lakwawa. Ja̧danö ju'wima, jojodö woawatjö yemidanö tjeachajakwawa. Ja̧danö ju'wima, Dios jojodönö lȩebakwa̧, ba̧kwȩlö̧jatebö lȩebakwa̧ma. Okobe jwiinö ja̧ ba̧ja̧dakwawama la'aka ba̧ja̧dakwawa. Yemidanöbi yemidanöbi ja̧ jawa döwaisachoböma jwiobe chömöledö.