Hechos 13:1 - Dios Iwene

¹ Ja̧danö, Antioquíanö ju̧kwadöma, Jesúsnö ösödadötjö bakwamu jojodöma Dios iwene yöbawöbi, Jesúsnö ösödadönö ba̧ja̧dadöbi ju̧kwiabijadötö. Jobadöma bidö: Bakwo̧ma Bernabé. Jelo̧ma Simón. Jo̧bama ju'wi imi, Negro, mikwo̧. Jelo̧ma Cirenetjö ichina Lucio mikwo̧. Jelo̧ma Menahem mikwo̧, tjemu baiyo̧ma la'aka luwo̧ Herodeskwö ja̧nö bötjachina. Jelo̧ma Saulo.

Hechos 13:1 Iomraidhean Croise

Mateo 27:32

Comunidadtjö latjebenama, jelo̧nö tjöbadekwajinobe, Cirene comunidad jojo Simón mikwo̧nö, ja̧danö jo̧banö wetjinobe towisa'o, Jesús ö̧lakwa'o e'ewobö.

Lucas 3:1

Baikwö laebobe Zacarías itji̧, Ojwenö Bu̧dato̧ ötjabökwe Juan mikwo̧ yöbawö otidina wene: Juan jamatö yöawenama, romano jojodötjö inesö la'aka luwo̧ emperador Tiberio mikwo̧ma ida̧ökö a̧li̧nösamutjö bakwamu o̧biya baledibanö yöbawö weinobe. Ja̧danö ju'wedö jo̧ba ömöayedö la'aka luwedöma bidö: Poncio Pilatoma Judea nijitjö gobernador ö̧jinobe, ja̧danö Herodesma Galilea nijitjö la'aka luwo̧ ö̧jinobe, ja̧danö Herodes öjawo̧ Filipema Iturea nijitjöbi, Traconítide nijitjöbi la'aka luwo̧ ö̧jinobe, ja̧danö Lisaniasma Abilinia nijitjö la'aka luwo̧ ö̧jinobe.

Hechos 11:30

Ikenama webijadötö Bernabénö, Saulonö ja̧ tjiyaja̧ baladama tje'ewobö, Jesúsnö ösödadönö te'ada̧lakwawa jojodönö tjiyobö.

Hechos 12:25

Ikenama Bernabé, Saulo, yöbawö kabatö Jerusaléntjö Antioquíabe ȩwa̧jijadötö. Jelo̧nö öbibö ȩwa̧jijadötö, Juan mikwo̧nö. Jo̧bama griego tjiwenema Marcos mikwijetö.

Hechos 13:9

Jejenö ja̧iökwe Sauloma, griego tjiwenenö Pablo mikwo̧ma, Dios O̧'wo̧ Luwo̧ jo̧ba o̧'wo̧ luwo̧nö öibonö mea boawa luwo̧nö jweinö edö

Hechos 15:32

Ikenama Judasbi, Silasbi, Dios yöawi̧ yöbawadöma Antioquíanö ju̧kwadö Jesúsnö ösödadö tjo̧'wo̧ ösöwachibanö lekwe yöbawijadötö, tjo̧'wo̧ luwo ujuluwachibanö jemi tupakwö tji̧'yobö.

Hechos 15:35

Silas, Judas tjȩwa̧jonö Pablo, Bernabé Antioquíanö ji̧bijadötö. Jobe ja̧nö Jesúsnö ösödadönö ba̧ja̧döbi, Duluwo̧ iwene yöbawöbi ju̧kwiabijadötö. Ja̧danö, ju'wedö Jesúsnö ösödadöbi yöbawö, ba̧ja̧dö pjabatiabijadötö Pablonö, Bernabénö.

Hechos 19:6

Ikenama Pabloma, ojwenö ubu̧datajawö̧nö, ömamu 'bibeba̧lö Diosnö aebena Dios O̧'wo̧ Luwo̧ma tebachibö jamatijetö jobadö tjo̧'wo̧ luwo̧duwinö. Tebachibö öjamatajawö̧ma wainö ökwöinö yöba̧lijadötö. Ja̧danö, Dios iwenebi yöbawijadötö.

Hechos 21:9

Jo̧ba i̧tji̧muma, ya̧dö tji̧lȩkwa̧mu debadö ö'wejemu jojodöma, Dios yöawi̧ yöbawö ju̧kwiabijadötö.

Hechos 4:36

Jejenö pjabatijetö bakwo̧, levita jojo, José mikwo̧, Chipre ö'wejesa'onö jo̧ma. Jesús webawedöma jo̧banö öbabijadötö Bernabé. Bernabé jö̧ba̧löma, Ömöledönö tjo̧'wo̧ ösöwanö tjomukwatobö pjabato̧, jö̧ba̧lö.

Hechos 9:1

Sauloma ina sulabenö ja̧biabijetö Duluwo̧nö ösödadönöma. Jobadönö yetjaibobö labinö yöbawö, Ökwödönöma kwabö lotjobö wetocha, jö̧ba̧lö, yöbawiabijetö. Ja̧danö, jo̧bama Diostjö jojodötjö ö'weje la'aka pjabato̧ ö̧jobekwö 'yi̧jetö.

Romanos 16:21

Ju'wedöbi ökwödönö dokwa atjebobe. Timoteoma ötjökwö otidobe, ja̧danö jo̧ba Timoteoma ökwödö Roma jojodönö dokwa aebobe, ja̧danö chömöledö judío jojodö Luciobi, Jasónbi, Sosípaterbi ökwödö Roma jojodönö dokwa atjebobe.

1 Corintios 11:4

Ja̧danö, jejenöobetjö̧, baikwö yötawa: Ju'wedö Cristonö ösödadökwö ko̧ko̧kwö tjö̧bajenama, bakwo̧ iteda uu muchekwö Diosnö aebitjö̧bi, ja̧danö iteda uu muchekwö Dios iwene yöawitjö̧bi, iteda uluwo̧ Cristonö sulabenö tjomukwatobö ja̧bo̧ ichejekwa.

1 Corintios 13:2

Ja̧danö, otiwanö Dios yöawi̧ yötawobö chöwaisena, ja̧danö okobe jwiinö chöwaisena, jojodö wajwitji̧ jawabi chöwaisena. Ja̧danö, jwaikwöda Diosnö chösödena, okobe jwiinö juluwo̧ jö̧ba̧lö. Jau chömöledö, mö'ösa'iju pjolachibinö weto jö̧ba̧lö Diosnö chösödena, Diosma mö'ösa'iju pjolachibinö ja̧obö juluwo̧ jö̧ba̧lö. Jo̧kwaijayonö, ju'wedönö ösödakwabikwawökönö chö̧jitjö̧ma, mikwawö̧kö̧sa chömöledö.

1 Corintios 13:8

Jau chömöledö, jojodönö ösödabikwawö ja̧kwawama 'dö̧ibökakobe, böjȩnö ja̧nöbi, mölejȩnö ja̧nöbi dömöledönö ösödabikwawö dö̧jakobetjö̧. Jo̧kwaijayonö jejenömaökö ju'wi jaye ja̧bö dö̧jo jö̧ba̧lö Dios ökwödönö iyi̧ jawama chömöledö. Dios yöawi̧ yöawakwawama 'dö̧ibakobe, ja̧danö ju'wedö tjiwenenö yöawakwawabi 'dö̧ibakobe, ja̧danö waisakwawabi 'dö̧ibakobe chömöledö, böjȩnö dö̧jayida ja̧bö dö̧jobö Dios ja̧ iyobetjö̧.

1 Corintios 14:29

Ja̧danö, Dios yöawi̧ yöbawadöma bakwo̧nökwena yötjawo, du̧ju̧tajaena, wa̧medukwaena bakwo̧nökwena yötjawena. Ja̧danö yöbawo̧ yöawonö, ju'wedöma tja̧ja̧kwo, jweinö yöawojobö jö̧ba̧lö.

1 Corintios 14:32

Dios O̧'wo̧ Luwo̧ma aliyadakwawö ja̧doböma webö̧kö̧ chömöledö, isabenö ökwödö do̧'wo̧ luwo̧nö yöawobe jo̧kwaijayonö teada̧lökönö aliyadakwawinö yökawaduwoböma webö̧kö̧. Isabenö, aliyadakwawö ja̧köbaduwapji jö̧ba̧lö kwite'ada̧lobö juluwadöja chömöledö, jo̧kwajabetjö̧, yötawaja̧danö bakwo̧nökwena yökawaduwoböma otiwa, aliyadakwawö yökawaduwapji jö̧ba̧lö.

1 Corintios 9:6

Jau chömöledö, ju'wedö Jesús webawedöma ju'wi jaye otidöködö, tju̧kwa tjukwo jö̧ba̧lö, sule yöbawö tjotidi̧ mikwada tju̧kwa tjukwobe. Ja̧danö, ¿dakwö kwomukwataduwa, ötjöbi, Bernabébi, jejenö yöbawö dotidi̧ mikwa du̧kwa dukwoböma jwienaji̧? Ja̧maökö chömöledö, ökwödöbi yöbawö dotidi̧ mikwa du̧kwa dukwobö jo̧be.

Gálatas 2:13

Ju'wedö judío jojodötjö Jesúsnö ösödadöbi Pedro ja̧i̧danö ja̧tjinobe, jobadöbi ajayinöma otiwanö judío jojodöböködötjö Jesúsnö ösödadökwö otiwanö ba̧nö tjukwinajayonö, Pedro ja̧i̧ edö, jobadöbi katjatinobe, ja̧danö Bernabébi jobadö ja̧tji̧ edö, jo̧babi judío jojodöböködökwö kwakwawa kaatibinobe.

Gálatas 2:9

Jau chömöledö, Jacobobi, Pedrobi, Juanbi ötjönö tjöwaisinobe, Pablobi Jesús webawo̧ jö̧ba̧lö. Jau chömöledö, jobadöma Jesúsnö ösödadötjö inesö luwedödanö tjö̧jinobe, ja̧danö jobadöma edö tjöwaisinobe ötjönö, isabenö judío jojodöböködönö yöawo jö̧ba̧lö Dios otiwanö weinökwe Pabloma jö̧ba̧lö. Jejenö tjöwaisobetjö̧, jobadöma ötjönöbi Bernabénöbi dömamiju döwaisobekwöchobe jawaomiju detjatinobe, bakobe Dios wei̧ otidadösa jö̧ba̧lö. Ja̧danö, jobadö judío jojodönö yöbawö tjö̧jonö, ökwödöma judío jojodöböködönö yödawobö tjösödinobe.

Efesios 4:11

Chömöledö, jo̧bama, mölejȩbe kabekwajinama, damötjö Dios iwenenö iwȩyudinökwe. Jo̧ba iwȩyudinökwe iyabinadanö, otiwa jawa iyabijetö. ¿Dakwö yöawobeda, otiwa jawa iyabijetö, jö̧ba̧löma? Biya̧ chömöledö: Cristoma jo̧banö ösödadönöma bakwo̧nökwena wainökwena jelo̧nö ju'wi, jelo̧nö ju'wi, tjo̧'wo̧ luwo̧ jawa tjotidawakwena iyabinobe, jojodönö pjabatö, Dios wei̧ tjotidobö. Jo̧banö ösödadötjö ju'wedönöma 'da̧batö ujuninobe iteda weawö̧ batjibinö ja̧bö. Ja̧danö, ju'wedönö 'da̧batö ujuninobe Dios iwene yötjawobö Jesúsnö ösödadönö. Ja̧danö, ju'wedönö ji̧bakwawa wene yötjawobö 'da̧batö ujuninobe. Ja̧danö, ju'wedönö Jesúsnö ösödadönö tjite'ada̧loböbi, tjöba̧ja̧doböbi 'da̧batö ujuninobe Cristoma.

Filipenses 4:22

Jau chömöledö, okobe deinö bemi jojodö Jesúsnö ösödadöma detjawobedanö ökwödönö dokwa jö̧ba̧lö atjebobe, ja̧danö inesö la'aka luwo̧ César mikwo̧ eju te'ada̧ladötjö Jesúsnö ösödadöbi isabenö ökwödönö dokwa jö̧ba̧lö atjebobe.

1 Tesalonicenses 5:20

Dios yöawi̧ yöawakwawama öpöjödökönaduwi.