Hechos 12:2 - Dios Iwene

² Jobadötjö bakwo̧nö, Juan öjawo̧ Jacobo mikwo̧nö, jo̧ba uu bulatö lotjobö webijetö. Jejenö weawö̧ma Jacobonö uu bulatö lobijadötö.

Hechos 12:2 Iomraidhean Croise

1 Reyes 19:1

Ejube ichibajo̧, Acabma ilekwo Jezabelnö yöawinobe Elias ja̧bö i̧sȩbaja̧ wenema, okobe deinö Baal yöawi̧ yöbadönö kwabö loaja̧ wenebi, ju'wi ja̧aja̧ wenebi.

1 Reyes 19:10

Abebö a̧ja̧kwökwe, —Ötjöma jwaikwöda Isabenö Jo̧, okobe jwiinö juluwo̧ Diosnö ösödö ja̧nö, wei̧ a̧ja̧kwö jo̧sa. Jau chuluwo̧, ju'wedö chömöledö israel jojodö weköbi̧ a̧ja̧kwökönö katjatibijayonö, ja̧danö ökwönö iyawemi pjolo lotjijayonö, ja̧danö ökwö yökawi̧ yöbawadönö kwölöte'onö dȩdȩbö lotjijayonö, jwaikwöda ökwö weköbi̧ a̧ja̧kwö jo̧sa. Okobe deinö ökwö yökawi̧ yöbawadötjö, ji̧bo̧ma ötjödasa, ja̧danö babema ötjönöbi kwabö lotjobö isakwadö israel jojodöma, —jö̧ba̧lö atadinobe Eliasma.

Mateo 20:23

Jesúsma jobadönö yöawinobe: —Isabenö usula chemawi̧danö usula kwemawaduwakwedöja chömöledö, jo̧kwaijayonö chöwaisobekwö, ja̧danö wajwitobekwö chipjeanö tjö̧bakwedönöma omudawö junö̧kö̧sa ötjöma. Chabe'doda ja̧ omudawö juno̧ma, ja̧danö jo̧bada omudawö ujunawö̧da jobe tjöbamatakwedö— jö̧ba̧lö atadinobe.

Marcos 10:35

Ikenama Zebedeo i̧tji̧mu Jacobo, Juan, Jesúsnö 'ya̧wibö jö̧ba̧lijadötö: —Ba̧ja̧dakwawa luwo̧, ökwönö adebi̧ma ja̧köbobö jö̧da̧la.

Marcos 10:38

Jejenö atjebökwe Jesúsma jö̧ba̧lijetö: —Ökwödöma wajwibadödanö akebaduwa. ¿Kwa̧ja̧kwaja̧duwökiji̧ yötawaja̧ma, usula chemawakwa̧ yötawaja̧ma? Ja̧danö, ¿ötjö usula chemawinö baledakwa̧danö usula kwemawaduwenaji̧? Ja̧ nii̧ baledakwa̧ma ¿ökwödönö baledobö kwösödaduwiji̧?— jö̧ba̧lijetö.

Marcos 10:39

Jejenö jö̧a̧lawö̧ jobadöma jö̧ba̧lijadötö: —Jau, jö̧ka̧li̧danö, jejenö usula demawena— jö̧ba̧lö. Jejenö jö̧tja̧lökwe Jesúsma jö̧ba̧lijetö: —Jau, isabenö chöwaisa, ötjö usula chemawakwa̧danö usula kwemawaduwakwedöja.

Hechos 12:1

Ja̧danö, jejenö baledonö la'aka luwo̧ Herodes mikwo̧, romano jojoma webijetö ömöayedönö Jesúsnö ösödadötjö ju'wedönöma do̧batö inia tjötjinö ja̧tjobö .

Hebreos 11:37

Ja̧danö ju'wedönö, Diosnö tjo̧'wo̧ wana̧ladönöma inawiya tjikwawinobe. Ja̧danö, ju'wedö Diosnö tjo̧'wo̧ wana̧ladönöma bulabinö lotjinobe, ja'ösedönöbi. Ja̧danö, ju'wedö Diosnö tjo̧'wo̧ wana̧ladönöma kwölöte ödöötenö dodobö lotjinobe. Ja̧danö, ju'wedö Diosnö tjo̧'wo̧ wana̧ladöma yelösöda jwibinadö. Jobadöma usulasedöda kwetjachinobe obeja i̧sȩdo̧tjö, chiwo i̧sȩdo̧tjö otikwado̧da 'dubawö. Jejenö tjuju̧kwinobe usula emawö inia tjötjinö ja̧tjawö̧.