Hechos 10:9 - Dios Iwene

⁹ Ja̧danö, ju'wi dewachö, jweinö ö̧jena, jobadö 'ya̧jadöma Jopetjöma yöneawachibobe 'yi̧jadötö. Yöneawachibobe tjichena Pedroma Diosnö abebö mö nöchijetö o̧do wame. Jobadö tjichakwa̧ma wajwibijetö Pedroma.

Hechos 10:9 Iomraidhean Croise

2 Samuel 11:2

Ja̧danö, jobe Jerusalennö ö̧jonö, baikwö baledinobe: Ju'wi möle aba̧lajo̧, yi̧benakwö la'aka luwo̧ Davidma a̧la̧ibö kweachinobe, ejutjö mö ba̧ba̧lawobema. Ja̧danö, kweachonö, mötjö edinobe jojosuju jejutjö ojwe ibujunö, jwiinö otiwujunö.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Mateo 20:5

Möle ja'ö las doce jenanö, ja̧danö wöatena las tres jenanö yemidanö labebö, otidöködönö weinobe, chöbatjotjö kwotidaduwitjö̧ma, chimido jö̧ta̧li̧danö chimidocha jö̧ba̧lö.

Mateo 24:17

Jau chömöledö, te'ada̧lökönö juluwanö dötjibajobö ja̧kobe. Baikwö yötawa: Bakwo̧ ejutjö labebajo̧ma, eju okwa tebachökönö itea isakwökönö juluwanö döibajobö ja̧kobe.

Mateo 27:45

Jawo̧ jweinö ö̧jena, böjȩ bakwameachibanö yȩatibinobe, ja̧danö okobe jwiinö yö̧tedanö yȩinobe, wa̧pötakwa hora baledibanö.

Mateo 6:6

Jau chömöledö, ökwödö Diosnö akebaduwenama, isȩko̧ okwa tebachö, apjude tumatö, jojodö wajwitjonö Kwabe'doduwinö akebaduwo. Ja̧danö, jejenö akebaduwiökwe, jojodö tjedökö jawa edo̧ Kwabe'doduwima, akebaduwaja̧ mikwa baibanö pjaatakobe.

Marcos 1:35

Ju'wi dewachöma Jesúsma yötedaayi labebijetö. Labeibö jojodö deobekwö 'yi̧jetö Diosnö aebobö. Ichibö Diosnö abebijetö.

Marcos 6:46

Ikenama öba̧ja̧di̧ waisachadö tji̧'yajabe okobe jojodönö: —Tjo̧wi̧ta. Ötjöma chi̧'ya— jö̧a̧laja̧ ikena, Jesúsma mö'ösa'obe 'yi̧jetö abe'donö abebö.

Hechos 10:3

Ju'wi möle, ja̧wo̧ wöatena, ángelma öwaitjöda öwawachijetö Cornelionö, i̧'wi̧di̧danö. Ja̧danö, ángelma Cornelio eju okwa tebachö jwöbijetö: —Cornelio—jwöbijetö.

Hechos 6:4

Ja̧danö, ökwödöma kabatökönö Diosnö abeböda, Dios iwene yöbawöda duju̧kwakwedösa.

Efesios 6:18

Ja̧danö chömöledö, ba̧kwȩlö̧jatebö Dios O̧'wo̧ Luwo̧ ökwödö kwo̧'wo̧ luwo̧duwinö öba̧ja̧da̧lonö a̧ja̧kwö akebaduwo Diosnöma, okobe jwiinö pjaataduwokwö. Kwö'wachibaduwoko chömöledö, Diosnö aekwama. Ba̧kwȩlö̧jatebö, ö'wachibökönö akebaduwo Diosnöma, iteda ömöledö babibadönöma pjaatobö.

1 Timoteo 2:8

Ja̧danö, Jesúsnö ösödadö Diosnö ösödö ko̧ko̧kwö tjö̧bajenama, baikwö wetadönö: Ömadö Diosnö atjebobö jo̧be, ja̧danö Diosnö atjebenama, tjo̧'wo̧ sulinö ja̧nöma atjeboko, ja̧danö ju'wedönö jwöjwöbakwawö ja̧nöma atjeboko. Jau Timoteo, Dios ösödi̧danö ja̧bö ja̧nö Diosnö atjebobö jo̧be.

1 Samuel 9:25

Ja̧danö, jemi ikenama, tjukwaja̧ ikenama, möemi Diosnö iyawemitjö yutjutajenama, jobe comunidadtjö Saul abakwapjo kamapjo tjödinobe, o̧do wa̧pekwobe. Ja̧danö, jobe abobö öbamatinobe Saulma.