Hechos 10:1 - Dios Iwene

¹ Bakwo̧ romano jojo, Cesareanö jo̧ma Cornelio mikwo̧ ji̧jetö. Jo̧bama ciennö guardia jojodö, italianos mikwadö tjuluwo̧bijetö.

Hechos 10:1 Iomraidhean Croise

Mateo 27:27

Ikenama gobernador ömöayedö guardia jojodöma Jesúsnö öbibö tji̧'yinobe guardia tjö̧jejube, ja̧danö okobe deinö jobe ju̧kwadö guardia jojodönö jwötjinobe Jesúsnö edö tjichobö.

Mateo 27:54

Jesúsnö te'ada̧lo̧ guardia luwo̧bi ömöayedö jo̧bakwö ju̧kwadö guardia jojodöbi niji tjö̧awobe tjedinobe, ja̧danö ju'wi baledi̧ tjedinobe. Jejenö edajadö jwiinö yetjaibinobe, ja̧danö yötja̧linobe: —¡Isabenö bitema Dios itji̧!— jö̧ba̧lö.

Marcos 15:16

Jejenö weajawö̧, guardiama Jesúsnö öbibö 'yi̧jadötö romano jojodö tjuluwo̧ eju a̧petube. Jena ja̧nö guardiama ju'wedö guardia tjichobö jwöbijadötö.

Lucas 7:2

Jobe bakwo̧ Roma jojodötjö guardia luwo̧, cienbedö guardia jojodö tjuluwo̧ma ö̧jinobe, ja̧danö jo̧ba ömöayedötjö bakwo̧ jwiinö ösödökwe ömöayo̧ma nöinö ö'wöchinobe, ö'wö baibenanö.

Juan 18:12

Ikenama Roma jojodötjö guardiabi, jobadö tjuluwo̧bi, Diostjö jojodötjö ö'weje pjabatadö wetjajawö̧bi, fariseo jojodö wetjajawö̧bi Jesúsnö ömamunö nu'yajadö öbibö tji̧'yinobe.

Juan 18:3

Jo̧kwaobetjö̧, Judasma romano jojodötjö guardianöbi, Diostjö jojodötjö ö'weje pjabatadötjö la'aka luwedö wetjajawö̧nöbi, fariseo jojodö wetjajawö̧nöbi öbibö i̧'yinobe jobe batjobema. Ja̧danö, la̧pa̧la̧yu̧biyanöbi, dejewa'yu̧biyanöbi deja̧lö tji̧'yinobe. Ja̧danö, tokwötebiyabi, ö̧'i̧ya kwakwatjakwa̧ ö̧'i̧yabi do̧ba̧lö tji̧'yinobe Jesúsnö do̧tjatobö.

Hechos 10:24

Jemi ikena dewachö mölema Cesareanö ichibijadötö. Ja̧danö, Cornelioma te'ada̧lijetö jobadönöma, ömöledökwö, ejukwö tjichobö jwöajawö̧kwö.

Hechos 21:31

Ja̧danö, Pablonö tötöbajadöma, Kwabö lodonö, jö̧ba̧lö, omukwatijadötö. Jo̧kwaijayonö romano jojodö guardia jojodö tjuluwo̧ma ju'wedö yötjawi̧ a̧ja̧kwijetö judío jojodö jwöbeba̧lö tjölakwabi̧ma.

Hechos 21:8

Ju'wi dewachö jobetjö labebö Cesarea nijinö ichibö, lamatajadö wa̧ibö di̧'yijatö Felipe, ji̧kwa wene yöbawo̧ ejube. Felipema Jesúsnö ösödadönö pjabato̧, jelemutjö du̧ju̧taja pjaatakwawa jojodötjö bakwo̧.

Hechos 22:25

Ikenama kwakwatjobö tjunu'ya̧lökwe, Pabloma abebö a̧ja̧kwijetö jelo̧ guardia jojodö tjuluwo̧nöma: —Abebö cha̧ja̧kwobö jö̧ta̧la. ¿Romaso̧nöbi, ina weawa yötjawökökwenö kwakwaakwawa wetjobeji̧? Wetjökena— jö̧ba̧lijetö.

Hechos 23:23

Ikenama jo̧ba guardia jojodö la'aka luwo̧ma du̧ju̧tajanö ömöayedönö, ciennö guardia jojodö tjuluwedönö jwöbijetö tjichobö. Ichajadönö webijetö: —Ökwödö kwömöayedöduwi, doscientosnö tjichobö jwöbaduwi. Ichibajadönö yökawaduwo, Makö yö̧te, las nuevenö di̧'yakobe Cesareabe, Pablonö öbibö 'ya̧nö, jö̧ba̧lö. Ja̧danö ju'wedönöbi yökawaduwo ökwödökwö tjicho, ka̧ba̧yu̧dönö tjoma'anö wa̧nö 'ya̧jadönöbi, setentanö. Ja̧danö ju'wedönöbi yökawaduwo, kwölöte'iju do̧bata̧lö 'ya̧jadönöbi doscientosnö, ökwödökwö tji̧'yakwedönöma.

Hechos 23:33

Ikenama Cesareanö ichibö tjuluwo̧ iwȩyudina kwialusöja iyijadötö Félixnö. Iyajadö Pablonöma junibö ȩwa̧jijadötö, Félixkwö ö̧jibonö.

Hechos 25:1

Ikenama Festoma Cesareanö ichijetö jobe balekwo̧ la'aka luwo̧ ba̧nö weobö. Ichajo̧, wa̧pötakwa möle baledibajena Jerusalénbe kwebachö 'yi̧jetö.

Hechos 25:13

Ikenama, ja'yubeda lekwe möle baledibajena jelo̧ la'aka luwo̧ma, Agripa mikwo̧ma Cesareabe kwebachö 'yi̧jetö öjawujujukwö, Bernicia mikwujukwö, balekwo̧ la'aka luwo̧ Festonö edö.

Hechos 27:1

Ikenama la'aka luwedöma, Pablonö Italiabe wedo ojwenö omukwatajadöma webijetö guardia luwo̧nö, Julio mikwo̧nö, Pablonöbi ju'wedö ka̧lena ba̧kwawejunö ba̧jadönöbi öbibö e'ewö tji̧'yobö. Jo̧bama guardiama ciennö guardia jojodö tjuluwo̧. Jo̧ba ömöayedöma, inesö la'aka luwo̧ ömöayedö ötjabiwö̧. Ökwödöbi Pablonö öbibö tji̧'yowinö di̧'yijatö. Ötjöma Lucassa, Pablokwö 'yi̧nasa.

Hechos 27:31

Jejenö ja̧tjiökwe Pabloma jö̧a̧lijatö guardia jojodö tjuluwo̧nöbi, ju'wedö guardia jojodönöbi: —Jweinö yöta̧la, jobadöma bowitjö dötjibajitjö̧ma ökwödöma okobe deinö debö kwi̧'yaduwena— jö̧a̧lijatö.

Hechos 27:43

Jo̧kwaijayonö guardia jojodö tjuluwo̧ma öpöjödö weijökötö Pablonö kwabö lotjoböma. Okobe deinö weijatö: —Ojwe kwöawa kwöwaisaduwitjö̧ma kwöbaduwi nijikwöchobekwö.

Hechos 8:40

Ikenama Felipema jelobe öwawachijetö, Azotobe. Jobetjö Cesareabe ȩwa̧jö, Dios jawa otiwa jawa wene yöbawiabö ȩwa̧jijetö okobe jwiinö jobe comunidadeskwena.