Hechos 1:10 - Dios Iwene

¹⁰ Ikenama ina, Jesús öba̧ja̧di̧ waisachadöma mölejȩkwö tjeda̧lonö ju'wedö ömadö du̧ju̧taja öwawachö jamatijadötö tjipjeanö, tjökamisi dewi̧ 'dubawadö.

Hechos 1:10 Iomraidhean Croise

2 Reyes 2:10

Atadökwe, —Akebaja̧ma waiya Eliseo, ötjöma jobekwö wetoböma juluwö̧kö̧sa. Jo̧kwaijayonö, baikwö yötawakwö: Kwö̧jelö Dios ötjönö emenama, latebobe kweditjö̧ma, kwö̧waisakwo̧ja, isabenö akebaja̧danö weajabe Diosma jö̧ba̧lö. Jo̧kwaijayonö latebobe kwedökötjö̧ma, akebaja̧danö baledökakobe, —jö̧ba̧lö.

Daniel 7:9

Ja̧danö, ina cheda̧lonö, ju'wibi la'aka luwedö tjö̧ba̧kwaökiya tjujunobe chedatö, ja̧danö ajayitjö ji̧na Diosma tebachö öbamatobe chedatö. Jo̧ba ökamijido̧ma jwiinö bakwainö dewado̧ chedatö, ja̧danö öwö'yema, obeja öwö'yedanö bakwainö dewa'ye chedatö. Ja̧danö, iteaka ba̧kwawaka chedatö, kolukasa'o ja̧kama, ja̧danö iteaka ökwölanö ubobe chedatö, ja̧danö iteaka kolukasa'o ubobe chedatö.

Mateo 17:2

Ja̧danö, jobe ja̧nö tjedemi, Jesús öbalewachobe tjedinobe. Jo̧ba öbama jawo̧ idejati̧danö dejatinobe, ja̧danö ökamijido̧ma salöinö dewinobe.

Mateo 28:3

Jo̧ba ángel öbama böba idejati̧danö salöinö dejatinobe, ja̧danö ökamijido̧ma jwiinö dewinobe.

Marcos 16:5

Jo̧kwaobetjö̧ i̧lȩdo̧ okwa tebachijadötö. Tebachibö tjöwaisobekwöchobe tjedemi möayo̧ma, kamijido̧ dewado̧ 'dubawo̧ bi̧jetö. Jo̧banö edö jwiinö yebaibijadötö.

Lucas 24:4

Ja̧danö, ¡tajijö! jö̧ba̧lö jobe tjö̧jonö, juluwanö ömadö du̧ju̧taja tjipjeanö tjöwawachibinobe, tjökamijido̧ salöinö dewado̧ 'dubawadöma.

Juan 20:12

Jedemi ángelesdö du̧ju̧tajanö jedinobe, kamisi dewi̧ 'dubawadönö. Jobadöma Jesúsnö tjödinena tjö̧bajobe jedinobe, bakwo̧ma uukwöchobekwö, jelo̧ma ömasapakwöchobekwö.

Hechos 10:3

Ju'wi möle, ja̧wo̧ wöatena, ángelma öwaitjöda öwawachijetö Cornelionö, i̧'wi̧di̧danö. Ja̧danö, ángelma Cornelio eju okwa tebachö jwöbijetö: —Cornelio—jwöbijetö.

Hechos 10:30

Jejenö jö̧a̧liökwe Cornelioma yöbawijetö: —Belö ö'wejemu möle baledibajabe, babedajayena, bejutjö Diosnö atebijatö. Jejenö atebonö omönanö jelo̧ öwawachijatö ötjö chöba a'o, kamijido̧ dewado̧ salöado̧ 'dubawo̧.

Apocalipsis 3:4

Jejenö yötawijayonö, ökwödötjö ju'wedöma, obukwedöda, ina kwo̧'wo̧ luwo̧duwi okwanö otiwanö omukwatö kwö̧jaduwobe. Wanedö yötawa: Ökwödöma, sulabedökwö pjabacha̧lökönö, otiwanö omukwatö kwö̧jaduwobetjö̧, kamisi dewi̧, yȩamökö 'dutjawi̧danö 'dukawaduwobe. Chömöledö, ju'winö ökwödöma ötjökwö bakobe, kamisi dewi̧ 'dubawadö kwekachaduwakwedöja. Ja̧ kamisi dewi̧ 'dukawaduwakwa̧ma, Bidöma mikwawadö, Jesúskwö dötewanö bakobe kwetjachoböma, jö̧ba̧lö, wanekwachakobe.

Apocalipsis 7:14

Jejenö abebö a̧ja̧kwitjö̧ chatadijatö: —Chuluwo̧ma, ökwöda kwöwaisa— jö̧ta̧lökwe: —Jau, yötawakwö. Bidöma, inia tjöawa baledi̧ möletjö o̧penönö baledi̧ möle inia tjöbö ji̧nadö. Ja̧danö, tjökamisima, Obeja Itji̧danö Jo̧ ökwösobutjö dichö loi̧danö dichö loawa odi̧ju, dewi̧ odo̧ baibanö. Ja̧danö, bidöma dewi̧ odo̧ 'dubawadö babibinadö.