Génesis 9:9 - Dios Iwene

⁹ —¡A̧ja̧kwaduwitjö! Babema ötjö chiwene ökwödönö yöbawö chujuna. Ja̧danö, ökwödönöbi, ökwödötjö tupadanö jojodönöbi biya̧ pjatatakwa̧ chiwenema yöbawö chujuna.

Génesis 9:9 Iomraidhean Croise

Génesis 22:17

Abraham, isabenö ökwönö dösölö̧jinö edö pjatatakwo̧sa. Ja̧danö, ökwötjö tupadanö jojodönö mölejȩbe tjö̧jadö si̧li̧'i̧dödanö, so̧bi̧ya̧pu̧ so̧pja̧danö tjöba̧jekwachinö pjatatakwo̧sa, Abraham. Ja̧danö, ökwötjö tupadanö jojodö tjöpöjojodönöma tjujuluwobö pjatatakwo̧sa.

Génesis 6:18

Jo̧kwaijayonö Noé, ötjö chiwene yöbawö chujunocha ökwönö, baikwö chiwenema: Noé, ökwö, kwömöledöbi, jwai balawa okwatibena woköbaduwökakobe. Ökwöma isowi okwa tekachakwo̧ja. Ja̧danö, kwi̧tji̧mu, kwilekwo, kwo̧jo̧li̧mu ökwökwö isowi okwa tetjachakwedö. Jejenöobetjö̧ woköbaduwökakwedöja— jö̧ba̧lijetö Diosma Noénöma.

Génesis 9:10

Ja̧danö, biya̧ yöbawö junö chiwenema okobe deinö ökwödökwö 'yaba̧ladönöbi yöbawö chujuna. Mö köba̧lö ju̧kwadönö, a̧ji̧kwakwawedönö, tebonö kwebachadönö okobe deinö isowitjö labekwinadönöma biya̧ ötjö chiwene yöbawö chujuna

Génesis 9:11

baikwö: Böjȩnö 'yaba̧ladönöma la'akatjöda yemidanöma söbeböbi lȩtebökakwo̧sa jwai balawa okwatinö weböma. Ja̧danö, jwai balawama la'akatjöda yemidanöma okwatibökakobe okobe jwiinö böjȩnöma— jö̧ba̧lijetö Diosma.

Génesis 9:17

Ja̧danö, jojodöma jo̧ba mayonö edö tjomukwatakwedö ökwödönö yöbawö chujuni̧ chiwenema— jö̧ba̧lijetö Diosma Noénö.

Génesis 9:8

Ikenama Diosma Noénö, Noé i̧tji̧munö jö̧ba̧lijetö:

Romanos 1:3

Ja̧ otiwa jawa wenema, Dios itji̧ Jesucristo jawa wene. Jo̧ba Jesucristo, Davidmine itji̧ tupadanö jojo baibanö öbötjachinobe, jojo baibanö.