Génesis 9:6 - Dios Iwene

⁶ Yötawaduwakwö. Jojodönö chotidinawö̧ma ötjödadanö tjichejekwobetjö̧ bakwo̧ jelo̧ jojonö kwabö loitjö̧ma jo̧banö kwabö lotjakwo̧— jö̧ba̧lijetö Diosma Noénöma.

Génesis 9:6 Iomraidhean Croise

Génesis 4:14

Chitebotjö, batjo otidö chö̧jelöma a'dewö loköbökwesa. Ja̧danö, kwöba a'o chö̧jökakwo̧sa. Chejunöbi chö̧ji̧ jwiinö ö'öba̧liböda chö̧jakwo̧sa. ¡Ayö yetabi! Jelo̧ ötjönö öbadekwajitjö̧ma kwabö loakwo̧sa—jö̧ba̧lijetö Caínma Isabenö Jo̧nö budekwö.

Génesis 42:22

Ja̧danö, Rubenma jö̧ba̧lijetö jobadönö: —Ja̧ mölema ötjö yötawi̧ kwa̧ja̧kwaduwijökötö. Sulabenöma ja̧köbaduwanö jwöteba̧lijayonö yelösöda kwa̧ja̧kwaduwijökötö. Babema döjawo̧nö kwabö lodina balekwa mikwa dimidawobe— jö̧ba̧lijetö Rubenma ö̧ja̧wo̧dönöma.

Génesis 5:1

Böjanö wȩyukwi̧ma Adántjö tupadanö jojodö tjimibiya ba̧ji̧ wȩyukwi̧. Ja̧danö, Diosma jojodönö otidena, itedadajayedönö otidijetö.

2 Samuel 4:11

Jejenö jo̧banö kwabö lotinatjö̧ma, dakwö kwomukwataduwa, ökwödönö, –Otiwanö Isbosetnö kwabö loköbinaduwobe, –jö̧ba̧lö yöta̧lenaji̧? Ökwödöma sulabedöja, ja̧danö Isboset sulabenö ja̧ököjayonö, iteda eju okwa tebachö, camapjonö bo̧nö kwabö loköbaduwajabetija. Ajayinö Saul ö'wö baibaja̧ wene yöbawo̧nö kwabö lotinatjö̧ma, ökwödö jo̧ba sulabenö ja̧itjö̧ bajalekwönönö sulabenö ja̧bajadönö kwabö lotökenaji̧? Isbosetnö kwabö loköbaduwitjö̧, isabenö balekwa mikwa ökwödönö kwabö lobö, bö̧jȩtjö söbebö lotakwawö̧ja, —jö̧ba̧lö atadinobe Davidma.

1 Reyes 2:9

Jo̧kwaijayonö ökwöma, isabenö jo̧ba sulabenö ja̧ina omukwatö jo̧banö lȩkebobö ja̧kobe Salomon. Ökwöma waisanö omukwato̧ja chitji̧, ja̧danö otiwanö jo̧banö lȩkebakwa̧ kwöwaisakwo̧ja. Baikwö wetakwö jo̧banö, wene jwiinö ö'wö baibobö weköboko, jelo̧ kwabö loajökwe, ökwösobu ku̧kwinö ebawö ö'wö baibobö weköbo, —jö̧ba̧lö yöa̧linobe Davidma, itji̧ Salomonnö.

2 Reyes 11:1

Jehu ajayinö Israel la'aka luwo̧ Joramnö kwabö loenama, Juda la'aka luwo̧ Ocoziasnöbi kwabö loinobe. Ja̧danö, Ocozias ojo'do Atalia jitji̧ ö'wö baibaja̧ jöwaisachibenama, isuda la'aka luwuju jö̧jobö jomukwatinobe. Jo̧kwajabetjö̧, okobe deinö jitji̧mine itji̧munö kwabö lojobö jisakwinobe, isudada la'aka luwuju jö̧jakobetjö̧.

2 Reyes 11:16

Weawö̧, Atalianö do̧tjatinobe, ja̧danö öbibö tje'ewinobe inesö la'aka luwo̧ ejube. Ja̧danö, kabayudö inesö la'aka luwo̧ eju a̧petu tjeachakwawelö, Atalianö kwabö lotjinobe.

2 Reyes 11:20

Jobekwö balediawö̧, okobe deinö Juda niji jojodöma tjo̧'wo ösöwachibanö tjösödinobe. Ja̧danö, jobadönö sulabenö webö ji̧nuju Atalia ida̧ö̧kö inesö la'aka luwo̧ ejutjö kwabö lotjinobetjö̧, Jerusalen jojodöma wene jwiinö wiinö tjö̧jinobe.

Éxodo 20:13

Ja̧danö, ju'wibi wetaduwakwö: Bakwo̧ jelo̧nö kwabö loköbaduwoko.

Proverbios 28:17

Ja̧danö, ju'wibi yötawa: Bakwo̧ jelo̧nö kwabö lobinama otiwanö jö̧kö̧, ba̧kwȩlö̧jatebö o̧'wo̧ tjo̧bekwöda jo̧, jelo̧ jojonö kwabö loinobetjö̧. Isabenö, jo̧bama döbiabinöda döbiabo̧ okobe jwiinö ö̧ji̧ma, debö i̧'yenanö baibanö. Jo̧banö jelobe döibajoböma pjakatokonö.

Mateo 26:52

Ja̧iökwe, Jesúsma jo̧banö weinobe: —Kwölöte'oma yemidanö ajayinö a̧jena yutebö ani chömöledöso̧. Okobe deinö kwölöte'onö kwakwabakwawadöma, kwölöte'otjö debö tji̧'yakwedö chömöledö.

Romanos 13:4

Jau chömöledö, Diosma luwedönö ujuninobe, ökwödönö pjatjato jö̧ba̧lö. Ja̧danö, otiwanö ja̧bö kwö̧jaduwitjö̧ma, luwedönö yekabiduwoböma jwia. Jo̧kwaijayonö, sulabenö ja̧bö kwö̧jaduwitjö̧ma, yekabiduwoböma jo̧be, isabenö lȩtjebobö juluwadötjobetjö̧. Jau chömöledö, Diosma luwedönö ujuninobe iteda ömöayedö batjibanö, sulabenö ja̧badönö lȩtjebo jö̧ba̧lö.

1 Corintios 11:7

Baikwö labebö lobö yötawa chömöledö: Diosma jojoso̧nö otidinobe, Diosdanö ichejekwo̧nö, ¿jö̧tö? Ja̧danö, jojoso̧ma uu umuchekwobö jwia, Diosdanö ichejekwi̧ i̧sekwobetjö̧, ja̧danö Dios inesö ujulu i̧sekwobetjö̧. Ja̧danö, ömadö jejenö Dios ujulu tji̧sekwijayonö, ya̧döma ömadö tjujulu i̧sekwadö chömöledö,

Deuteronomio 19:11

—Jo̧kwaijayonö bakwo̧ ömöledöso̧nö öpöjödö, kwabö lootö jö̧ba̧lö teada̧lajo̧, ömöledöso̧nö mebibö ö'wö baibanö kwabö loitjö̧ma, ja̧danö kwabö lobajo̧ tjöeba̧lakwawa comunidadbe döibajitjö̧ma, jo̧bajayo̧nö tjötjeba̧lobö jwiakobe.

Deuteronomio 5:17

–Ja̧danö, ju'wibi wetaduwakwö: Jojodönö kwabö loköbaduwoko.

Santiago 3:9

Chö̧ja̧wo̧dö, ju'wikwenama dinenenö Duluwo̧ Dios, mölejȩbe jo̧ Dabe'donö dösödobe ¿jö̧tö? Jo̧kwaijayonö ju'wikwenama bakwanenö dinenenöda dömöledönö labinö, jwiinö sulabenö, jwöbeba̧lö yöda̧lobe. Chö̧ja̧wo̧dö, jobadöma Dios itedadajayedö otidinawö̧. Isabenö jejenö sulabenö yöda̧lobö jwiobe chö̧ja̧wo̧dö, jojodöma Dios itedadajayedönö otidinawö̧tjobetjö̧.

Apocalipsis 13:10

Diosma, iteda ömöledö babibinadönö inia tjötjinö baledobö weitjö̧ma, inia tjöbö tjö̧joböma jo̧be. Ja̧danö, bakwo̧, ka̧lena ba̧kwawejunö tjödökwema, ka̧lena ba̧kwawejunö ö̧bobö jo̧be, Dios weitjö̧ma. Ja̧danö, Dios weitjö̧ma, bakwo̧nö, kwölöte'onö dȩdȩbö loökwema, dȩdȩbö looböma jo̧be. Diosda waiso̧ma. Jo̧kwaobetjö̧ Dios ömöledö babibinadö sulabenö baledonöbi tjo̧'wo̧ 'dibachibö ja̧nö tjö̧jobö jo̧be.

Jueces 9:56

Jobekwö laebobe Dios Abimelecnö lȩebina jawama. Abimelecma iteda abe'do Gedeonnö sulabenö omukwatö, abe'do itji̧mu setentabedönö kwabö loinobe, ja̧danö jejenö sulabenö ja̧iökwe, balekwa mikwa Diosma jo̧banö lȩebinobe.

1 Samuel 15:33

Jo̧kwaijayonö, Agag jejenö omukwatijayonö, Samuelma Agagnö yöa̧linobe: —Isabenö ökwöma ba̧jȩkwadönö kwölöte'onö kwabö lobinaja̧, tjojo'dodöma tjitji̧mu debadö batjibanö, ja̧danö ökwö ja̧köbinadanö baledakobe ökwö kwojo'donö, jobujubi jitji̧mu debuju jö̧jakwuju, —jö̧ba̧lö yöa̧linobe. Ja̧danö, yöba̧lajo̧, jobe Gilgal comunidadtjö, Samuelma Isabenö Jo̧ öba a'otjö, kwölöte'onö bulabinö kwabö loinobe Agag mikwo̧nö.