Génesis 8:10 - Dios Iwene

¹⁰ Ikenama jelemutjö dötölataja möle te'ada̧lajo̧ Noéma yemidanö köbebö webijetö yunukunöma isowitjö.

Génesis 8:10 Iomraidhean Croise

Génesis 7:10

Ja̧danö, isowi okwa tetjachaja̧ ikena jelemutjö dötölataja möle baibena jwai balawa ma jamatö okwatijetö böjȩnöma.

Génesis 7:4

Ina yöba̧lijetö: —Noé, jelemutjö dötölataja möle baibena ojwiyo o̧binö wetakwo̧sa cuarentanö möle, cuarentanö yö̧te o̧bobö, jwai balawa okwatinö. Jejenö ötjö chotidinawö̧ jojodönöbi, ju'wedö böjȩnö ju̧kwadönöbi okobe deinö söbebö lotakwo̧sa— yöba̧lijetö Isabenö Jo̧ma Noénöma.

Génesis 8:11

Weajökwema yi̧benakwö ȩwa̧jijetö oliva söja, i̧ya̧nö pokwöja 'döbebajo̧ do̧ba̧lö e'ewö aponö. Jo̧kwaiökwe Noéma waisijetö, Jwai balawama ida̧ökö öibajabe, jö̧ba̧lö böjȩnöma.

Génesis 8:12

Ikenama yemidanö te'ada̧lijetö jelemutjö dötölataja möle. Ja̧ möle baledibajena yemidanö köbebö webijetö yunukunö. Yemidanö weajökwema tjebachajijökötö.

Génesis 8:9

Jo̧kwaijayonö jo̧bama ina jwai balawa okwiökwe ja̧danö, böjȩ okobe jwiinö öwamatemi jwiiökwe, tjebachajijetö isowikwö, Noé a̧jowikwö. Ikenama Noéma ömamu i̧sebökwe wamatijetö yunukuma, Noé ömamunö. Ja̧danö, Noéma wamatajo̧nö tebatijetö isowi okwa.

Isaías 26:8

Duluwo̧ Isabenö Jo̧, lȩekwa yökawakwa̧ teada̧ladösa, weköbi̧ a̧ja̧kwö, do̧'wo wana̧lö teada̧ladösa, —Duluwo̧ Diosma lȩekwa jweinö yöawakwo̧, —jö̧ba̧lö. Isabenö ökwönö ösödadösa duluwo̧ Dios, okobe deinö ökwönö tjaja̧kwobö ösödadösa, okobe deinö ökwönö tjomukwatibobö ösödadösa, —Isabenö Jo̧ Diosma otiwo̧, —jö̧ba̧lö.

Isaías 8:17

Jau chömöledö, babe Isabenö Jo̧ma öba muchekwö Jacobmine itji̧mu tupadanö jojodönö edökönö ö̧jobedanö ichejekwa babe döpöjojodöma ökwödönö tjujuluwobetjö̧, jo̧kwaijayonö ötjöma jo̧ba pjaatakwa̧ chiteada̧locha, —Isabenö yöawinadanö pjaatakwo̧, —jö̧ba̧lö, ja̧danö ja̧ wene cho̧'wo wana̧lö chö̧jakwo̧sa.