Génesis 7:4 - Dios Iwene

⁴ Ina yöba̧lijetö: —Noé, jelemutjö dötölataja möle baibena ojwiyo o̧binö wetakwo̧sa cuarentanö möle, cuarentanö yö̧te o̧bobö, jwai balawa okwatinö. Jejenö ötjö chotidinawö̧ jojodönöbi, ju'wedö böjȩnö ju̧kwadönöbi okobe deinö söbebö lotakwo̧sa— yöba̧lijetö Isabenö Jo̧ma Noénöma.

Génesis 7:4 Iomraidhean Croise

Génesis 2:5

ina nijitjöma pokwijökötö pokwi̧ma, kwakwawabi kwakwawö̧kö̧bi. Isabenö Jo̧ Diosma ina ojwiyo o̧binö weokobetjö̧, ja̧danö jojo, batjo niji soawa otido̧ ina deobetjö̧ pokwijökötö pokwi̧ma.

Génesis 6:13

Ja̧danö, Diosma Noénö jö̧ba̧lijetö: —Noé, jojodöma sulabenö omukwatö tjö̧jobetjö̧ böjȩ ba̧kwemeachibanö inia tjötjinö ja̧bö, ölakwabikwawö tjuju̧kwobe. Jejenö tjö̧jitjö̧ baikwö omukwatö chujunajabe: Böjȩnö ju̧kwadönö söbebö lotakwo̧sa, okobe deinö jojodönöbi, a̧ji̧kwakwawedönöbi, tebonö ju̧kwadönöbi, mö köba̧lö ju̧kwadönöbi, okobe deinö böjȩnö ju̧kwadönö— jö̧ba̧lijetö—.

Génesis 6:17

Ja̧danö, jö̧ba̧lijetö Diosma: —Noé, a̧ja̧kwi. Ötjöma jwai balawa okwatibanö wetakwo̧sa böjȩ bakwemeachibanö. Jejenö okobe deinö tjo̧'wo̧nö emadönöma söbebö lotakwo̧sa. Noé, okobe deinö böjȩnö ju̧kwadöma o̧bibö debö tji̧'yakobe— jö̧ba̧lijetö—.

Génesis 6:3

Ikenama Isabenö Jo̧ma jö̧ba̧lijetö: —Bidö jojodönö ötjö Cho̧'wo̧ Luwo̧ma ba̧kwȩlö̧jatebö itea'da̧lokobe woba jojodödatjobetjö̧. Tjo̧wi̧, babema lekwe tjö̧joböma wetökakobe, sule cientoveinte a̧yo jenanö tjö̧jobö wetocha— jö̧ba̧lijetö Isabenö Jo̧ma.

Génesis 6:7

Jejenö o̧'wo̧ tjo̧bekwö omukwatö: —Böjȩtjö söbebö lotakwo̧sa ötjö chotidinawö̧nö, jojodönöma. Isabenö sulabeda omukwatö tjö̧jitjö̧ jwiinö cho̧'wo̧ tjo̧bekwo̧sa, sulabedöwe, la'akatjöda chotidinökötjö̧bö, jö̧ba̧lö. Ja̧danö, a̧ji̧kwakwawedönöbi, nijinö töbawadönöbi, mö köba̧lö ju̧kwadönöbi sobebö lotakwo̧sa, okobe deinö— jö̧ba̧lijetö Isabenö Jo̧ Diosma.

Génesis 7:10

Ja̧danö, isowi okwa tetjachaja̧ ikena jelemutjö dötölataja möle baibena jwai balawa ma jamatö okwatijetö böjȩnöma.

Génesis 7:12

Ja̧danö, ojwiyo o̧bijetö cuarentanö möle, cuarentanö yö̧te.

Génesis 7:17

Ja̧danö, tetjachaja̧ ikena cuarentanö möle cuarenta yö̧te baibanö ojwiyo o̧bijetö böjȩnö. Ja̧danö, isowima jwai balawa okwatonö la̧nöda li̧jetö jwai balawa wame.

Génesis 7:3

Ja̧danö, mö köba̧lö ju̧kwadönöbi tebati isowi okwa, jelemutjö̧ du̧ju̧tajanö tjilekwokwenada. Jejenö tebati Noé, okobe deinö tjuju̧kwibakwedönöma, tji̧tji̧munö yemidanö 'yatjebakobetjö̧— webijetö.

Génesis 8:10

Ikenama jelemutjö dötölataja möle te'ada̧lajo̧ Noéma yemidanö köbebö webijetö yunukunöma isowitjö.

Génesis 8:12

Ikenama yemidanö te'ada̧lijetö jelemutjö dötölataja möle. Ja̧ möle baledibajena yemidanö köbebö webijetö yunukunö. Yemidanö weajökwema tjebachajijökötö.

Génesis 8:2

Ja̧danö, niji okwatjö ojwiyo döaja̧bi 'dö̧ibajijetö, döökönö. Mölejȩbetjö o̧baja̧bi o̧bijökötö.

Diosnö ösödo̧ Job mikwo̧ usula emawina jawa 22:16

Jobadönö baledina kwomukwatibo Job, ina pöe waekwöködö tjö̧jayi, sulabenö ja̧tjiökwe, Diosma ojwe okwatibobö weinobe, ja̧danö jwaikwöda jobadönö söbebö loinobe, jö̧tö?

Diosnö ösödo̧ Job mikwo̧ usula emawina jawa 28:25

Diosda omudawö juninama jwa̧le'epjo dokwa buluwanö jwa̧le'ewo jö̧ba̧lö, jo̧bada omudawö juninama, jwaibalawa dokwa da̧kwobe okwatibo jö̧ba̧lö. Jo̧bada omudawö juninama, ojwiyo dokwa nöinö ojwiyo o̧bo jö̧ba̧lö, ja̧danö jo̧bada omudawö juninama, jwa̧le'epjo doibakwa̧ma, dena doibakwojobö jö̧ba̧lö. Diosda ja̧ jawa omudawö juninama chömöledö, ja̧danö ja̧ omudawö ujunenama,

Apocalipsis 3:5

Yötawaduwakwö. Sulabetjö juluwinadöma jejenö, kamisi dewi̧ 'dutjawakwedö. Isabenö jobadö tjimibiyama söbebö lotökakobe, tjimi wȩyukwa'yetjö, ba̧kwȩlö̧jatebö ja̧kwawa juna̧ladö tjimi wȩyukwa'yetjöma. Jobadö tjimi yötawakwo̧sa Chabe'donöbi, iteda ömöayedö ángelesdönöbi, Bidö tjimi yöta̧lawö̧ ba̧kwȩlö̧jatebö ja̧kwawa juna̧ladö tjimi, jö̧ba̧lö.