Génesis 7:11 - Dios Iwene

¹¹ Ja̧ o̧ba, Noé seiscientos a̧yo̧ ujuna̧lina o̧bama, ja̧wo̧dö du̧ju̧taja tjöbaledaja̧ bajalekwö diecisietenö möle baibena jwai balawa okwatijetö böjȩnöma. Niji 'wabachibö, ojwiyo niji okwatjö döi̧danö okwatibijetö. Ja̧danö, mölejȩbetjöbi nöobu o̧bijetö, jwai balawa okwatinö.

Génesis 7:11 Iomraidhean Croise

Génesis 1:7

Ja̧danö, Diosma jwai balawa 'da̧batijetö ö'weje wa̧jo̧ baibanö. Jejenö wa̧jo̧emi wame ojwiyoma li̧nö nönijetö Diosma. Ja̧danö wa̧jo̧emi teebe jwai balawa lijetö. Jejenö baibijetö, Dios wei̧danö.

Génesis 6:17

Ja̧danö, jö̧ba̧lijetö Diosma: —Noé, a̧ja̧kwi. Ötjöma jwai balawa okwatibanö wetakwo̧sa böjȩ bakwemeachibanö. Jejenö okobe deinö tjo̧'wo̧nö emadönöma söbebö lotakwo̧sa. Noé, okobe deinö böjȩnö ju̧kwadöma o̧bibö debö tji̧'yakobe— jö̧ba̧lijetö—.

Génesis 7:6

Jo̧bama seiscientos a̧yo bo̧ jijetö jwai balawa okwatinö baledena.

Génesis 8:14

Ja̧danö, kaebajemi tupakwöma ja̧wo̧ bakwo̧ luwo̧nö veintisietenö möle baledibajena jwai balawama tjo̧wi̧ okobe jwiinö öibajijetö böjȩnöma.

Génesis 8:2

Ja̧danö, niji okwatjö ojwiyo döaja̧bi 'dö̧ibajijetö, döökönö. Mölejȩbetjö o̧baja̧bi o̧bijökötö.

2 Reyes 7:19

jo̧ba la'aka luwo̧ ömöayo̧ma atadinobe Eliseonö: —Yöka̧laja̧danö baledobö jwiena, la'akatjöda. Isabenö Jo̧ma mölejȩbetjö ventanasa'do otidajo̧, po̧bebö iyitjö̧bi, la'akatjöda yöka̧laja̧danö baledobö jwiena, omöna yöba̧lo̧ja, —jö̧ba̧lö atadinobe. Ja̧danö yöa̧lökwe, —Jobekwö baledakwa̧ma, ökwöda kwöbajalenö kwedakwo̧ja, jo̧kwaijayonö ja̧ tjiyakwa̧ jawatjö kwukwökakwo̧ja, —jö̧ba̧lö atadinobe Eliseoma.

2 Reyes 7:2

Yöa̧liökwe, israel la'aka luwo̧ yöne ömöayo̧ma obö atadinobe: —Yöka̧laja̧danö baledobö jwiena, la'akatjöda. Isabenö Jo̧ma mölejȩbetjö ventanasa'do otidajo̧, po̧bebö iyitjö̧bi, la'akatjöda yöka̧laja̧danö baledobö jwiena, omöna yöba̧lo̧ja, —jö̧ba̧lö atadinobe. Yöa̧lökwe, —Jobekwö baledakwa̧ma, ökwöda kwöbajalenö kwedakwo̧ja, jo̧kwaijayonö ja̧ tjiyakwa̧ jawatjö kwukwökakwo̧ja la'akatjöda, —jö̧ba̧lö yöa̧linobe Eliseoma.

Diosnö ösödo̧ Job mikwo̧ usula emawina jawa 12:15

Dios ojwe öibobö weenama, kököachibobe ojwebiyama, ja̧danö ojwe okwatobö weenama, niji ba̧kwemeachibanö okwatibobe.

Diosnö ösödo̧ Job mikwo̧ usula emawina jawa 28:4

Jojodö deobe, ju'wedö kwetjachokobema, jwiinö okwa batjibanö laju sobadö, ja̧danö a̧la̧chi'bonö jwibachö, bakwachobebi, bakwachobebi wi'yubö, okwa jwibachadö.

Diosnö ösödo̧ Job mikwo̧ usula emawina jawa 38:16

—Bakwötanöbi jwaibalawa la'aka edö kwȩwa̧jinaji̧? Delö laebojobö jö̧ba̧lö edö kwȩwa̧jinaji̧? Inesö da̧kwobe kwekachinaji̧?

Diosnö ösödo̧ Job mikwo̧ usula emawina jawa 38:37

Tidaja waisanö omukwato̧obetjö, okobe jwiinö ojwiyo'wiju ö̧ba̧jadobö waiso̧ma, dokwa ba̧jȩkwa'wo jö̧ba̧lö? Ja̧danö nijiso̧pja 'diinö baibanö, ja̧danö niji lete'o baibanö, tida mölejȩ ji̧ i̧sa̧yu tobebö, ojwiyo o̧bobö webo̧ma? Ökwödaji̧?

Proverbios 3:20

Ja̧danö, jo̧bama waiso̧obetjö̧ jwai balawa niji teebetjö laebi̧danö dötewanö loobö weinobe. Ja̧danö, weinobe ojwiyo'wotjö ojwiyo o̧bobö. Okobe jwiinö waiso̧ Isabenö Jo̧ma.

Isaías 24:18

Jau, inesö yeabikwawa jawatjö yebabinö döbibajo̧ma, laju okwa meakwo̧, ja̧danö laju okwatjö nöchö labebo̧ma, 'daliwanö ö̧libakwo̧. Mölȩjȩ kȩachibi̧danö, yelösöda nöobu o̧bakobe, ja̧danö bö̧jȩ 'daakobe, ja̧danö labinö tjö̧awakobe bö̧jȩma.

Isaías 24:19

Bö̧jȩma bakobe 'daakobe, 'dabö pjo̧'yachajakobe bö̧jema, ja̧danö labinö tjö̧awakobe.

Mateo 24:38

Jau chömöledö, ojwe okwatakwa̧ abönö, jojodöma kwanöbi tjukwinobe, ja̧danö owöbi tjowinobe, ja̧danö ömadöbi ya̧döbi tji̧lȩkwa̧munö tjeminobe, Noé isowinö a̧jibakwa̧ möle baibenanö kabatö.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.

2 Pedro 3:6

Ja̧danö, jejenö weobetjö, ojwiyo wainö ji̧nobe chömöledö, Dios ojwe okwatobö weenanö kabatö. Jau chömöledö, ajayinö 'da̧batö ujunina ojwiyonö, Diosma ajayi jinöjȩ böjȩma söbebö loinobe, ojwe okwatobö weenama. Jau chömöledö, okobe jwiinö Dios yöbawö weinadanö baledinobe.