Génesis 6:6 - Dios Iwene

⁶ Edinö omukwatijetö, tajawedö chotidinawö̧jö, la'akatjöda chotidinökötjö̧bö, jö̧ba̧lö. Jwiinö o̧'wo tjo̧bekwibö omukwatijetö, chotidinawö̧ma sulabedö babibinadöwe, jö̧ba̧lö.

Génesis 6:6 Iomraidhean Croise

Génesis 6:7

Jejenö o̧'wo̧ tjo̧bekwö omukwatö: —Böjȩtjö söbebö lotakwo̧sa ötjö chotidinawö̧nö, jojodönöma. Isabenö sulabeda omukwatö tjö̧jitjö̧ jwiinö cho̧'wo̧ tjo̧bekwo̧sa, sulabedöwe, la'akatjöda chotidinökötjö̧bö, jö̧ba̧lö. Ja̧danö, a̧ji̧kwakwawedönöbi, nijinö töbawadönöbi, mö köba̧lö ju̧kwadönöbi sobebö lotakwo̧sa, okobe deinö— jö̧ba̧lijetö Isabenö Jo̧ Diosma.

2 Samuel 24:16

Ja̧danö, weökwe kwabawö lobo̧ angel Jerusalenbe ichibö, jojodö tjö'wöchinö kwabawö loobö ichibenama, Isabenö Jo̧ma lȩlöinö edö, angel kaatakwawobö weinobe, —Tjo̧wita, kwabawö lobö kabatakwawi, —jö̧ba̧lö. Ja̧danö jejenö weenama, Isabenö Jo̧ weökwe angelma jebuseo jojo Arauna eju, trigo sula'wo chabö loawejunö ö̧jinobe.

1 Crónicas 21:15

Ja̧danö, Diosma kwabawö lobo̧ angelnö weinobe Jerusalen comunidadbe i̧'yobö, Jerusalen comunidadnö ju̧kwadönöbi kwabawö loobö. Jo̧kwaijayonö, Jerusalenbe ichibö, jojodö tjö'wöchinö kwabawö loobö ichibenama, Isabenö Jo̧ma lȩlöinö edö, kwabawö lobo̧ angel kaatakwawobö weinobe, —Tjo̧wita, kwabawö lobö kabatakwawi, —jö̧ba̧lö. Ja̧danö jejenö weenama, Isabenö Jo̧ weökwe angelma jebuseo jojo Arauna eju, trigo sula'wo chabö loawejunö ö̧jinobe.

Éxodo 32:14

Ja̧danö, Isabenö Jo̧ma, iteda omukwati̧ kabatibö balewö lobijetö, ömöledönö söbebö lobökönö.

Isaías 48:18

Chömöledö, isabenö ökwödönö weti̧ kwa̧ja̧kwaduwo jö̧ka̧linaduwobe. Weti̧ a̧ja̧kwö kwö̧jinaduwatjö̧ma, isabenö otiwanö kwö̧jaduwo jö̧ka̧linaduwobe. Baikwö wanedö yöta̧la, ojwe tjo'omanö kabatibökönö isuwi̧danö, ja̧danö jwaibalawa kabatibökönö ba̧kwelöjatebö loidanö, ba̧kwelöjatebö wene jwiinö ja̧nö, otiwanö kwö̧jaduwo jö̧ka̧laduwena.

Isaías 63:10

Jo̧kwaijayonö, jobekwö otiwanö pjaatinajayonö, jo̧banö katjatibinobe, ja̧danö Dios O̧'wo Luwo̧ o̧'wo tjo̧ekwobö sulabenö ja̧tjinobe. Jobekwö sulabenö ja̧tjiökwe, tjöpöjojo baibinobe Diosma, ja̧danö jo̧bada da'dödönö ölakwabikwawö ö̧jinobe.

Romanos 11:29

Jau chömöledö, Diosma, Chiyocha jö̧a̧litjö̧ma jö̧a̧li̧danö iyo̧. Ja̧danö, Omudawö chujuna jö̧a̧litjö̧ma, omudawö juno̧, jö̧a̧li̧danö ja̧bo̧ Diosma.

Efesios 4:30

Ju'wibi yötawa chömöledö, ökwödönöma. Dios O̧'wo̧ Luwo̧ o̧'wo̧ tjo̧ekwinöma ja̧köbaduwoko. Ökwödöma seyu dobawedödanöbedösa Dios O̧'wo̧ Luwo̧ tebachibö öjamatinobetjö̧. Ja̧danö, Dios O̧'wo̧ Luwo̧ ökwödö do̧'wo̧ luwo̧nö ö̧ji̧ma i̧sebobe, Bidöma Dios ömöledö babibinadö, Dios lȩebi̧tjö emökönö, ba̧kwȩlö̧jatebö Dioskwö tjuju̧kwakwedö, jö̧ba̧lö. Jo̧kwaobetjö̧, Dios O̧'wo̧ Luwo̧ o̧'wo̧ tjo̧ekwinöma ja̧köbaduwa.

Deuteronomio 32:29

Isabenö waisanö omukwatadö tjö̧jitjö̧ma, jobadönö lȩtebakwa̧ tjöwaiso jö̧tja̧linena, –Dios wei̧ a̧ja̧kwökönö dö̧jitjö̧ma, isabenö ökwödönö lȩebakwo̧, –jö̧ba̧lö.

Deuteronomio 32:36

Jau chömöledö, Isabenö Jo̧ma iteda ömöledö israel jojodönö isabenö lȩebakobe, tjujulu jwitjenanö baibanö. Jemi ikenama, israel jojodötjö ju'wedö tjömöayedöbi, tjömöayedöböködöbi sule o̧bukwedöda tjö̧jibenama, jobadö iteda ömöayedö israel jojodönö lȩlöinö edakobe Isabenö Jo̧ma.

Deuteronomio 5:29

Isabenö yöta̧lakwö, babe yebabinö tjo̧mukwati̧danö ba̧kwelöjatebö ötjönö yebabinö omukwatö, weti̧ ja̧bö tjö̧jobö tjomukwatitjö̧ma, isabenö jwiinö otiwo jö̧a̧lena, ba̧kwelöjatebö jejenö tjomukwatowe. Ba̧kwelöjatebö jejenö omukwatö tjö̧jitjö̧ma, jobadöbi tji̧tji̧mu tupadanö jojodöbi ba̧kwelöjateböda otiwanö tjö̧jo jö̧tja̧lena. Otiwanö omukwatö yötja̧lajabe Moises.

Hebreos 3:10

Jejenö tjö̧jitjö̧ jwiinö chölabijatö jobadönöma, ja̧ möle ji̧nadönöma. Jobadönö edö chöwaisijatö, Bidöma ba̧kwȩlö̧jatebö tjomajadenö jelobekwöda omukwatö tji̧'yobe, jö̧ba̧lö. Ja̧danö, Diosnö waisadösa, jö̧tja̧lijayonö jobadöma tjö̧jobö weti̧ a̧ja̧kwökönö ja̧dö, jö̧ba̧lö, chöwaisijatö.

Hebreos 3:17

Ja̧danö, Dios cuarenta o̧biya baledinö ölabinawö̧ma ¿ju'wedö, Diosnö wajwibinadöji̧? Jobadöda chömöledö. Diosnö waisinadö. Tjöwaisijayonö tjomajadenö Dios yöawi̧ öpöjödö tjö̧jinobe, sulabenö omukwatö. Jobadöda, jojodö deelö wobinadöma.

Santiago 1:17

Isabenö chö̧ja̧wo̧dö, Diosma suli̧ jawa iyoböma jwibo̧. Ja̧danö, ökwödö sulabenö ja̧dobö domukwati̧ma ¿Diostjö ichobeji̧? Ichokobe Diostjöma. Suli̧ jawa ja'yubebi ichokobe Diostjöma. Dios iyi̧ma bakwai̧ otiwi̧da ji̧. Ja̧danö chö̧ja̧wo̧dö, ja̧ otiwi̧ jawa iyi̧ma Diostjöda ichobe, okobe deinö mölejȩbe dejatinö lö̧jadönö otido̧tjöda. Ja̧danö, jobadö Dios otidinawö̧, mölejȩbe dejatinö lö̧jadöma ju'wikwenama nöinö dejatadö. Ja̧danö, ju'wikwenama ja'yubeda dejatadö. Ju'wi möle jwiinö ba̧kwȩlö̧jateböma dejatöködö. Ja̧danö, ju'wikwena tjidejatemima isa'wo tjöeba̧lawö̧. Jo̧kwaijayonö chö̧ja̧wo̧dö, Dios otiwi̧ma la'akatjöda tjöeba̧lokobe. Wajuwanö ji̧, tjöbeba̧lökönö. Ba̧kwȩlö̧jatebö bakwai̧da tjöbeba̧lökönö ichobe Dios otiwi̧ma, jo̧batjö. Ja̧danö, Diosma la'akatjöda balewachökö. Bakwainöda jo̧, otiwo̧da. Ja̧danö, jo̧ba iyi̧ma otiwi̧da iyo̧.

1 Samuel 15:11

—Saulnö israel jojodö tjuluwo̧ baibanö omudawö chujunina omukwatö, cho̧'wo tjo̧achobe Samuel. Ajayinö Saulma otiwanö weti̧ a̧ja̧kwinobe, jo̧kwaijayonö ja̧ a̧ja̧kwö ö̧ji̧ kabatibö, weti̧ a̧ja̧kwökönö ja̧bö ö̧jobe, jo̧kwajabetjö̧ jo̧banö omudawö chujunina omukwatö cho̧'wo tjo̧achobe, —jö̧ba̧lö. Yöawökwe, Samuelma jwiinö o̧'wo tjo̧ekwinobe, ja̧danö yö̧te baledibanö budekwö aebinobe Isabenö Jo̧nö.

1 Samuel 15:29

Ja̧ yötawaja̧ma, isabenö baledakwa̧ wene, Diosma ida̧ökö ja̧ wene yöawajabetjö̧. Jau Saul, Dejatinö Juluwo̧ ökwödö israel jojodö Duluwo̧ Diosma, isabenö jö̧a̧lidanö ja̧bo̧, jö̧a̧li̧ma balewö lobö̧kö̧obetjö. Jau, bö̧je jojodöma isabenö omukwatö tjujuni̧ balewabinö lobadö, jo̧kwaijayonö Diosma jojobö̧kö̧, ja̧danö jojodö balewabinö lobajitjadanöma balewabinöma lobö̧kö̧, —jö̧ba̧lö yöawinobe Samuelma Saulnö.

1 Samuel 15:35

Ja̧danö, jemi tupakwö Samuelma Saulnö edinokobe, ö'wö baibenanö kabatö. Ja̧danö, Saulnö edököjayonö, Saulnö omukwatö o̧'wo tjoachö ubudekwinobe Samuelma. Ja̧danö Isabenö Jo̧ma o̧'wo tjo̧achinobe, israel jojodö la'aka tjuluwo̧ baibanö Saulnö omudawö ujunina omukwatö.