Génesis 50:13 - Dios Iwene

¹³ Jo̧banö e'ewijadötö Canaán nijibe, jobeda tjödobö, Macpela i̧lȩdo̧ okwa. Ja̧ i̧lȩdo̧ma Mamré comunidad ö'öbö ji̧jetö. Ajayinöma Abrahamma emijetö ja̧ i̧lȩdo̧ma hiteo jojo Efronnötjö̧, ömöledönö ba̧kwȩlöjatebö lödawemi baibanö.

Génesis 50:13 Iomraidhean Croise

Génesis 23:20

Jejenö Abrahamma midö emijetö Hettjö tupadanö jojodö tjitjebotjöma nijibi, i̧lȩdijubi iteda ömöledö tjowobiyakiju lödawemi baibanö.

Génesis 23:9

Macpela niji i̧lȩdo̧ iyotjö. Jo̧ba ö̧jemi ö'öbö i̧lȩdijuma jo̧be. Belöda ökwödö kweda̧laduwonö okobe jwiinö mikwawi̧ma chimidonöcha—jö̧ba̧lijetö Abrahamma.

Génesis 25:9

Jo̧ba i̧tji̧muma Isaac, Ismael, tjabe'donö lödijadötö Macpela i̧lȩdo̧nö, Mamre nijitjöma ja̧wo̧ ichobekwö. Ja̧ nijima ajayinöna Efrón u̧kwa nijiinemi, hitita jojo, Sohar mikwo̧ itji̧.

Génesis 35:27

Ja̧danö, Jacobma ömöledökwö bajalianö ichibijadötö abe'do Isaac ö̧jobe, Mamre comunidadma. Jobema ju'wi imi Kiriat Arabat, jö̧ba̧lö mikwijetö. Ja̧danö babe molema ja̧ comunidadma Hebron mikwobe. Jobema Abraham, Isaac ajayinö tjuju̧kwinemi, jelobetjö ichajadö, ju'wedö tjitebonö ja̧nö.

Génesis 46:4

Jacob, ökwökwö chi̧'yakwo̧sa Egiptobe. Ja̧danö, ju'wi möle ökwötjö tupadanö jojodönö kwitjebobe tjetatajakwo̧sa. Ökwöma Egiptonö woköbenama kwitji̧ Joséda ökwökwö ja̧nö kwöbajalebiyama umu'dudakobe— yöbawijetö Diosma Jacobnöma.

Génesis 47:30

Cha'dödöminenö tjödinobekwöda ötjönö kwödobö chösöda. Jo̧kwaobetjö̧ wotenama belö Egiptotjö labebö kwe'ewotjö jobadö tjödinobekwöda, Canaán nijibe— webijetö Jacobma itji̧ Josénöma. Jejenö weökwe: —Jau chabe'do, weköbi̧danö ökwönö jobekwö chödobö e'ewö chi̧'yocha— jö̧alökwe:

Génesis 50:12

Jejenö, Jacob i̧tji̧muma okobe jwiinö tjabe'do weina a̧ja̧kwijadötö.

Génesis 50:14

Ikenama Joséma Egiptobe ȩwa̧ji̧jetö öpöedökwö, ö̧ja̧wo̧kwö, ja̧danö, okobe deinö jo̧bakwö 'yi̧nadökwö

2 Reyes 21:18

Ja̧danö, Manasesma ö'wö baibinobe, ja̧danö ö'wö babibajo̧nö tjo̧tjinobe iteda eju ö'öbösayunö, Uza öbatjo ötjabena. Ja̧danö, Manases webö ö̧jinemi, itji̧ Amon mikwo̧ma Juda la'aka luwo̧ baibinobe.

Hechos 7:16

Jobetjö wobajadönöma e'ewijadötö tjitebobe, Siquembe tjödobö. Jobe jobadönö lödijadötö i̧lȩdo̧ okwa, Abraham midö eminena Hamor i̧tji̧munötjö.