Génesis 50:11 - Dios Iwene

¹¹ Jobe ju̧kwadö, Canaánnö ju̧kwadöma jobadö tjubudekwabobe edö yöba̧lakwawijadötö, edi bidö Egipto jojodö jwiinö tjo̧'wo tjö̧bekwö tjubudekwabi, jö̧ba̧lö. Jo̧kwaobetjö̧ jobe mikwijetö, Abel-mizraim, jö̧ba̧lö.

Génesis 50:11 Iomraidhean Croise

Génesis 13:7

Ja̧danö, Abram a̧jwi̧munö te'ada̧ladökwö Lot a̧jwi̧munö te'ada̧ladökwö wene juna̧lakwawijadötö. Ja̧ mölema ju'wedöbi jobema ju̧kwijadötö, cananeo jojodöbi ferezeo jojodöbi.

Génesis 24:6

—¡Öbibö kwi̧'yoko! La'akatjöda chömöledö tjuju̧kwobekwöma öbibö kwi̧'yoko chitji̧nöma.

Génesis 34:30

Ja̧danö, Jacobma i̧tji̧mu balekwa mikwa ja̧tja̧ja yötjawi̧ a̧ja̧kwö labijetö. Itji̧mu̧nö jö̧ba̧lijetö Simeonnö, Levinö : —Sulabenö ja̧köbaduwajabe. Babema jelobe jukwadöma , Canaánitasbi, Perrizitasbi biya̧ baledi̧ tja̧ja̧kwena ökwödönö jwi̧inö tjo̧'wo̧ sulinö tjedakobe. Ökwödönö tjo̧'wo̧ sulinö edö, sulabedö, jö̧ba̧lö, yötja̧lakobe ökwödönöma. Ja̧danö ¿dakwö ja̧dakwa̧da ökwödönö ölakwabikwawö tjichitjöma? Jobadöma bajȩkwadö. Ökwödötjö kwakwaakwawa jojodö waisadöma ba̧jekwöködösa. Biya̧ baledaja̧ a̧ja̧kwö bakobe ko̧ko̧kwachibö kwakwabakwawö tjichakobe ökwödönö söbebö lotjobö,—jö̧ba̧lijetö Jacobma i̧tji̧munö.

Génesis 50:10

'Ya̧jadöma, Jordán ojwe ö'öbö, Atad mikwena, trigo ochiju tjebö lödö kwakwawena ichibijadötö. Jena ja̧nö labinö budekwabinö ji̧jadötö, Jacobnö omukwatö. Siete möle baledibanö budekwabijadötö.

Génesis 50:12

Jejenö, Jacob i̧tji̧muma okobe jwiinö tjabe'do weina a̧ja̧kwijadötö.

Deuteronomio 11:30

Ja̧ mösa'iju kwöwaisaduwa chömöledö, Jordan ojwe tupakwö, jawo̧ meajobekwö ja'yubenö ödöobe, Araba nijinö ju̧kwadö cananeos jojodö tjitebonö. Ju'wibi jobema Guilgal badeibö, encina towi More ötjabowi yö̧neawobe.

Deuteronomio 3:25

Ja̧danö, atebakwö, ojwe pebibö, inesö otiwemi niji, Jordan ojwe bakwachödö mösa'iju jȩmi nijibi, Libano ötjabobe nijibi chedobö, pebibö chedobö atebakwö, weköbakwa̧ji̧? –jö̧ba̧lö atebijatö.

Deuteronomio 3:27

Pekibobö wetököjayonö, Pisga mösa'o kwönöchobö wetakwö, ja̧danö nöchajo̧, otiwanö jawo̧ meajobekwöbi, jakwölakwöbi, jakwölakwöbi jawo̧ ichobekwöbi otiwanö kwedo, kwömöledönö chiyakwemi niji kwedobö. Jobetjöda otiwanö kwedo, la'akatjöda ojwe pebibö, kwichibökakobetjö̧.

1 Samuel 6:18

Ja̧danö, tutiyu o̧'wo jawa tjiyi̧danö, tjitebokwena jojodöma orotjö otikwa ö'i duwo o̧'wo jawa bakwo̧kwena tjiyinobe. Filisteo jojodötjö la'aka luwedö tjö̧ba̧jȩkwidanö tjiyinobe, tjitebokwena ju̧kwadö 'diinö tjöekwi̧nö comunidad jojodöbi, tjöekwi̧ jwii̧ comunidad jojodöbi, tjitebokwena ö'i duwo o̧'wo jawa bakwo̧kwena tjiyinobe. Ja̧danö inawa, Betsemes jojo Josue öbatjonö ba̧wama, Dios iteapjo meatö tjujuninawama ina jobeda bo̧be, jojodö ja̧wa edö bi̧ya baledina tjomukwatobö.