Génesis 50:10 - Dios Iwene

¹⁰ 'Ya̧jadöma, Jordán ojwe ö'öbö, Atad mikwena, trigo ochiju tjebö lödö kwakwawena ichibijadötö. Jena ja̧nö labinö budekwabinö ji̧jadötö, Jacobnö omukwatö. Siete möle baledibanö budekwabijadötö.

Génesis 50:10 Iomraidhean Croise

Génesis 27:41

Jejenö balediökwe Esaúma o̧'wo sulinö edö jwiinö öpöjödijetö öjawo̧nö Jacobnöma, chabe'doma ötjönö Dios dösölö̧jinö edö pjaatakwa̧ ujuni̧ma chöjawo̧nöda ujuninobe, jö̧ba̧lö. Ja̧danö Esaúma, itedada jö̧ba̧lijetö, chabe'do woaja̧ okobetjö, jo̧banö do̧'wo̧ tjo̧achi̧ möle kaatibaja̧ ikenama kwabö lotonöcha chöjawo̧nö, jö̧ba̧lö. Jejenö omukwatö junijetö Esaúma.

Génesis 50:11

Jobe ju̧kwadö, Canaánnö ju̧kwadöma jobadö tjubudekwabobe edö yöba̧lakwawijadötö, edi bidö Egipto jojodö jwiinö tjo̧'wo tjö̧bekwö tjubudekwabi, jö̧ba̧lö. Jo̧kwaobetjö̧ jobe mikwijetö, Abel-mizraim, jö̧ba̧lö.

Génesis 50:3

Ja̧danö cuarenta möle baibanö jejenö otidijadötö, ö'wö babibajo̧nö. Ja̧danö egipto niji jojodöma setenta möle baibanö Jacobnö omukwata̧lö, budekwabinö ji̧jadötö.

Génesis 50:4

Ja̧ tjubudekwabi̧ möle, setenta möle baibajena, Joséma abebijetö faraón öpjea ömöayedönö: —Ötjönö otiwanö kwedaduwitjö̧ma, biya̧ atebi̧ma yökawaduwo faraónnö.

Génesis 50:9

Ja̧danö, ju'wedöma ka̧ba̧yu̧dö tötji̧ kolukiyanö 'yi̧jadötö. Ja̧danö, ju'wedöma kabayunö wanö 'yi̧jadötö. Ba̧jekwadö 'yi̧jadötö Josékwö abe'donö lödö i̧'yobe.

2 Samuel 1:17

Ja̧danö, Davidma lo̧awa wȩyudö lo̧inobe, Saulnöbi, itji̧ Jonatannöbi o̧'wo tjo̧achö lo̧awama.

2 Samuel 11:26

Urias ilekwo Betsabe mikwuju jilekwe ö'wö baibina wene ja̧ja̧kwenama, jilekwenö jubudekwinobe.

1 Crónicas 10:12

Ja̧danö, öpöjödö, jobe ömadötjö juluwadö yebaböködöma, a̧la̧ibö Saul iteba'obi, i̧tji̧mu tjteba'ijubi isakwö tji̧'yinobe. Ikenama, emajadö, e'ewö tjȩwa̧jinobe Jabesbe. Ja̧danö Jabes comunidadbe ichibajadö Jabes comunidadnö jo̧wi tamarisco towi teebe tjo̧tji̧nobe tjiwe'ijuma. Ja̧danö o̧tjajadö, tjuluwo̧ woina budekwö, jelemutjö̧ dötölataja möle tju̧kwa̧ ö̧töchö tjö̧jinobe.

Diosnö ösödo̧ Job mikwo̧ usula emawina jawa 2:13

Ja̧danö, jobe tjömöledöso̧ Jobkwö nijinö tjö̧binobe, jelemutjö dötölataja mölebi, yö̧tebi. Ja̧danö jwiinö usula emawö ö̧jiawö̧, yöba̧lökönö, 'wiinö ba̧nöda jo̧bakwö nijinö tjö̧binobe.

Deuteronomio 1:1

Baikwö laebobe Moises israel jojodönö yöawina jawa, ina Jordan ojwetjö jawo̧ ichobekwö tjö̧jayi. Ja̧ möle ina jojodö deobe tjö̧jinobe, Suf ötjabobe badeibö mejenö, Paran comunidadbi, Tofel comunidadbi, Laban comunidadbi, Jazerot comunidadbi, Dizahab comunidadbi ö'wejenö.

Deuteronomio 34:8

Ja̧danö, Moises ö'wö baibiawö̧, israel jojodöma jo̧banö tjubudekwabinobe, treinta möle baledibanö. Jobe Moab niji ba̧ba̧lawobe ja̧nö, Moisesnö tjubudekwabinobe israel jojodöma, Moisesnö tjubudekwobö omudawö tjujunina mölebiya 'dö̧jibajenanö kabatö.

1 Samuel 31:13

Ikenama juwajadö, tjiwe'iju emö, Jabes comunidadnö jo̧wi tamarisco towi teebe tjo̧tji̧nobe. Ja̧danö o̧tjajadö, tjuluwo̧ woina budekwö, jelemutjö̧ dötölataja möle tju̧kwa̧ ö̧töchö tjö̧jinobe.