Génesis 5:3 - Dios Iwene

³ Ja̧danö, Adánma, ciento treinta a̧yos bo̧ itji̧nö, itedadajayo̧nö 'yabebijetö, iteda ichejekwo̧nö. Jo̧ba itji̧nö Set, jö̧ba̧lö midijetö.

Génesis 5:3 Iomraidhean Croise

Génesis 4:25

Adánma yemidanö ilekwo Evakwö bakobe babibijetö. Ja̧danö, jobujuma metu'wo ja̧ju jitji̧nö emijotö. Emajökwenö midijotö Set, jö̧ba̧lö. Jo̧banö midö jö̧ba̧lijotö: —Diosda iyajokosa jelo̧ chitji̧nö. Chitji̧ abönö pöe Caínma kwabö loinobe ö̧ja̧wo̧nö, Abelnöma. Jo̧kwaijayonö Dios balekwo̧nö iyajokosa— jö̧ba̧lijotö Evama.

Génesis 5:2

Iso̧nöbi isujunöbi otidijetö Diosma. Ja̧danö, ja̧ mölema otidajawö̧nö dösölö̧jinö edö pjatatakwo̧sa, jö̧ba̧lö webijetö: Yebawö kwuju̧kwaduwo böjȩ ba̧kwemeachibanö kwöba̧jekwachaduwo, jö̧ba̧lö. Ja̧danö, otidajawö̧nö öbabijetö, Jojodö, jö̧ba̧lö.

Génesis 5:4

Ja̧danö, Setnö 'yaebinemi tupakwöma Adánma ochocientos a̧yo ji̧jetö. Ja̧danö, i̧tji̧munö ju'wedönöbi 'yabebijetö, ömadönöbi ya̧dönöbi.

Diosnö ösödo̧ Job mikwo̧ usula emawina jawa 14:4

Kwöwaisa Dios, ökwödö bö̧jȩ jojodöma okobe deinö dusula juna̧ladösa, bakwo̧bi bakwainö usula jwiinö ö̧joböma jwibo̧, jö̧tö?

Diosnö ösödo̧ Job mikwo̧ usula emawina jawa 25:4

—Isabenö yöta̧laja̧danö jo̧be Job, jo̧kwajabetjö̧ baikwö abebö cha̧ja̧kwakwö: Bö̧jȩ jojodötjö, bakwo̧bi Dios öba a'otjö wene jwibo̧ ö̧jenaji̧? Bö̧jȩ ya̧dö tjeminawö̧tjö, bakwo̧bi bakwainö otiwo̧ ö̧jenaji̧?

Lucas 1:35

Ajebiökwe ángelma atadinobe: —Dios O̧'wo̧ Luwo̧ma ökwönö ichakobe, ja̧danö okobe jwiinö juluwo̧ Dios ujuluma ökwönö ja̧kobe. Jo̧kwajabetjö̧ kwitji̧ma isabenö suli̧ jwibö ö̧jakobe, ja̧danö jo̧banö Dios Itji̧ jö̧ba̧lö ötjabikobe.

Lucas 3:36

ja̧danö Salahma Cainán itji̧inobe, ja̧danö Cainánma Arfaxad itji̧inobe, ja̧danö Arfaxadma Sem itji̧inobe, ja̧danö Semma Noé itji̧inobe, ja̧danö Noéma Lamec itji̧inobe,

Juan 3:6

Böjȩ jojodö tjemawö̧ma böjȩ jojodöda ¿jö̧tö? Jejenömaökö Dios O̧'wo̧ Luwo̧tjö emawö̧ma. Dios O̧'wo̧ Luwo̧tjö emawö̧ma Dios O̧'wo̧ Luwo̧ jojodö.

Romanos 5:12

Chömöledö, ju'wibi yötawa. Ajayinöma suli̧ jwiinobe böjȩnöma, ikenama bakwo̧da Dios weökö jawa ja̧inobe. Ja̧danö, jo̧ba Dios weökö jawa ja̧inobema, okobe deinö jo̧ba i̧tji̧mu tupadanö jojodöbi Dios weökö jawa ja̧tjinobe, woba jojodö batjibanö.

1 Corintios 15:39

Ja̧danö, böjȩnö ju̧kwadö diteba'oma, okobe deinö wainökwena juna̧ladösa chömöledö. Jojodöma wainö ichejekwa'o juna̧ladö, ja̧danö tebonö ju̧kwadöma wainö ichejekwa'o juna̧ladö, ja̧danö mö köba̧ladöma wainö ichejekwa'o juna̧ladö, ja̧danö ba̧i̧ma wainö ichejekwa'o juna̧ladö.

1 Corintios 15:49

Jau chömöledö, babema letiatjö otidinökwedanö dichejekwobe, ¿jö̧tö? Ja̧danö, babe jo̧banö dichejekwi̧danö, tupakwöma mölejȩbetjö ichinadanö dichejekwakwedösa chömöledö.

Efesios 2:3

Jau chömöledö, ajayinöma Diosnö öpöjödadö ja̧tji̧danö ökwödöbi okobe deinö sulabenö ja̧bö ju̧kwiadinobe, Diosnö öpöjödö, domajade okwanö sulabe wei̧da ja̧bö. Ökwödö sulabe dösödi̧da, sulabe domukwati̧da ja̧bö ju̧kwiadinobe. Jo̧kwaobetjö̧ ökwödöma Diostjö 'da̧bachibö ja̧döma Dios lȩebi̧tjö lȩebakwawö̧da ji̧nadösa, chömöledö, okobe deinö Diostjö 'da̧bachibö böjȩnö ju̧kwadödanö.