Génesis 49:31 - Dios Iwene

³¹ Jobema cha'dö Abrahamnöbi, cha'do̧ Saranöbi, chabe'do Isaacnöbi, chojo'do Rebecanöbi tjödinemi. Ja̧danö chilekwo Leanöbi chödijatö jobeda.

Génesis 49:31 Iomraidhean Croise

Génesis 23:3

Ikenama ilekwonö budekwabinö ba̧jo̧ma a̧laibö ö'wö babibajajunö tjödajejutjö labebijetö. Labebö yemida jojodö, Hettjö tupadanö jojodö tjö̧jobekwö yöalakwawobö 'yi̧jetö. Ichibö jö̧ba̧lijetö jobadönöma:

Génesis 25:10

Ja̧danö, ja̧ nijima Abrahamma emijetö Hettjö tupadanö jojodönötjö. Jenada lödijadötö Abrahamnöma, Saranö tjödinena.

Génesis 25:9

Jo̧ba i̧tji̧muma Isaac, Ismael, tjabe'donö lödijadötö Macpela i̧lȩdo̧nö, Mamre nijitjöma ja̧wo̧ ichobekwö. Ja̧ nijima ajayinöna Efrón u̧kwa nijiinemi, hitita jojo, Sohar mikwo̧ itji̧.

Génesis 29:16

Ja̧danö, Labánma du̧ju̧taja i̧tji̧mu ya̧dönö juna̧lijetö. Abönö pöoma Lea mikwijotö. Lea jö̧ja̧wujuma Raquel mikwijotö.

Génesis 47:30

Cha'dödöminenö tjödinobekwöda ötjönö kwödobö chösöda. Jo̧kwaobetjö̧ wotenama belö Egiptotjö labebö kwe'ewotjö jobadö tjödinobekwöda, Canaán nijibe— webijetö Jacobma itji̧ Josénöma. Jejenö weökwe: —Jau chabe'do, weköbi̧danö ökwönö jobekwö chödobö e'ewö chi̧'yocha— jö̧alökwe:

Génesis 49:32

Jobe nijibi, i̧lȩdo̧bi midö emijetö cha'dö Abrahamma hiteo jojotjö. Jobeda kwödajaduwotjö— webijetö Jacobma i̧tji̧munöma.

Génesis 50:13

Jo̧banö e'ewijadötö Canaán nijibe, jobeda tjödobö, Macpela i̧lȩdo̧ okwa. Ja̧ i̧lȩdo̧ma Mamré comunidad ö'öbö ji̧jetö. Ajayinöma Abrahamma emijetö ja̧ i̧lȩdo̧ma hiteo jojo Efronnötjö̧, ömöledönö ba̧kwȩlöjatebö lödawemi baibanö.

Hechos 7:16

Jobetjö wobajadönöma e'ewijadötö tjitebobe, Siquembe tjödobö. Jobe jobadönö lödijadötö i̧lȩdo̧ okwa, Abraham midö eminena Hamor i̧tji̧munötjö.