Génesis 49:29 - Dios Iwene

²⁹ Ikenama yöbawijetö Jacobma i̧tji̧munöma: —Chi̧tji̧mu, tjo̧wi̧ debö chi̧'ya, cha'dödömine tji̧'yinadanö. Ökwödönö baikwö weta: Ö'wö batibaja̧ ikena ötjönö e'ewö kwödajaduwo Canaán nijibe. Jobema, hiteo jojo Efrón niji i̧lȩdo̧nö, chömöledö wobadönö tjödinena kwödajaduwotjö.

Génesis 49:29 Iomraidhean Croise

Génesis 15:15

Ina yöbawijetö Abramnö, bötisinö abemi okwanö: —Ja̧danö, ökwöma ina lekwe o̧biya, kwo̧'wo ösöwanö kwö̧jakwo̧ja. Ja̧danö, jwiinö pöe kwö̧jena woköbakobe. Ja̧danö, woköbenama kwömöledöma ökwönöma tjödakobe.

Génesis 23:16

Jejenö jö̧a̧lökwe: —Jao kwatjö̧ma otiwa— jö̧ba̧lijetö Abrahamma. Ikenama plata jawa ö̧pi̧bi̧yama nönö ba̧jadijetö, tea iyadö nönö tjöba̧jadi̧danö. Efrón okobe deinö tjeda̧lonö mikwawi̧ yöa̧laja̧danö nönö ba̧ja̧dijetö Abrahamma.

Génesis 23:17

Jejenö nönö iyö Abrahamma midö emijetö Efrón ö̧jemi Macpela niji. Ja̧ nijima Mamretjöma ja̧wo̧ laebobekwö ji̧jetö. Nijibi, i̧lȩdijubi okobe jwiinö towibiyabi, ö'öbö ichibenanö kabatö emijetö.

Génesis 23:20

Jejenö Abrahamma midö emijetö Hettjö tupadanö jojodö tjitjebotjöma nijibi, i̧lȩdijubi iteda ömöledö tjowobiyakiju lödawemi baibanö.

Génesis 23:9

Macpela niji i̧lȩdo̧ iyotjö. Jo̧ba ö̧jemi ö'öbö i̧lȩdijuma jo̧be. Belöda ökwödö kweda̧laduwonö okobe jwiinö mikwawi̧ma chimidonöcha—jö̧ba̧lijetö Abrahamma.

Génesis 35:27

Ja̧danö, Jacobma ömöledökwö bajalianö ichibijadötö abe'do Isaac ö̧jobe, Mamre comunidadma. Jobema ju'wi imi Kiriat Arabat, jö̧ba̧lö mikwijetö. Ja̧danö babe molema ja̧ comunidadma Hebron mikwobe. Jobema Abraham, Isaac ajayinö tjuju̧kwinemi, jelobetjö ichajadö, ju'wedö tjitebonö ja̧nö.

Génesis 47:30

Cha'dödöminenö tjödinobekwöda ötjönö kwödobö chösöda. Jo̧kwaobetjö̧ wotenama belö Egiptotjö labebö kwe'ewotjö jobadö tjödinobekwöda, Canaán nijibe— webijetö Jacobma itji̧ Josénöma. Jejenö weökwe: —Jau chabe'do, weköbi̧danö ökwönö jobekwö chödobö e'ewö chi̧'yocha— jö̧alökwe:

Génesis 49:28

Jobadö Jacob i̧tji̧muma Israel jojodö abönö ji̧nadö. Jacobma jobadönö yöbawijetö bakwo̧nökwena Dios pjaatakwa̧bi Dios lȩebakwa̧bi, bakwo̧nökwena tjemo jö̧tja̧li̧danö. Jejenö Jacobma woakwa̧ abönö yöbawijetö i̧tji̧munö, bakwo̧nökwena.

Génesis 49:33

Ikenama jobadönö yöbawö kabatö kamapjonö kwabibö ö'wö babibijetö Jacobma.

Génesis 50:12

Jejenö, Jacob i̧tji̧muma okobe jwiinö tjabe'do weina a̧ja̧kwijadötö.

Génesis 50:13

Jo̧banö e'ewijadötö Canaán nijibe, jobeda tjödobö, Macpela i̧lȩdo̧ okwa. Ja̧ i̧lȩdo̧ma Mamré comunidad ö'öbö ji̧jetö. Ajayinöma Abrahamma emijetö ja̧ i̧lȩdo̧ma hiteo jojo Efronnötjö̧, ömöledönö ba̧kwȩlöjatebö lödawemi baibanö.

2 Samuel 19:37

Chitebobe chȩwa̧jobö atebakwö, jobe chabe'donöbi, chojo'donöbi tjo̧tjinemi yöne ö'wö batibobö. Jo̧kwaijayonö, ökwökwö Jerusalenbe chi̧'yököjayonö, bite chitji̧ Quimanma kwömöayo̧ ja̧nö i̧'yena. Ja̧danö, jo̧banö kwiyo jö̧ka̧li̧danö kwiyena, otiwa jö̧ba̧lö ökwöda omukwatö kwujuni̧danö, —jö̧ba̧lö yöa̧linobe Barzilayma.

Hebreos 12:23

Ja̧danö, kwo̧'wo̧ luwo̧duwinö jobe ichibö ökwödöma ju'wedökwö bakobe ko̧ko̧kwa̧lö kwuju̧kwaduwi̧danö ju̧kwadöja, okobe deinö Jesúsnö ösödadö, ba̧kwȩlö̧jatebö ja̧kwawa wȩyukwa'yenö tjimibiya ba̧jadökwö. Ja̧danö jobekwö ichibö, Dioskwöbi ju̧kwadöja, okobe deinö jojodönö lȩekwa yöawakwo̧kwö. Ja̧danö jobe Dios ö̧jobekwö ichibö, ju'wedökwöbi ko̧ko̧kwa̧lö ja̧nö ju̧kwadöja, Diosnö tjo̧'wo̧ wana̧ladö wobinadökwö, tjo̧'wo̧ luwo̧nöda. Jobadönöma Dios jö̧a̧lawö̧, Suli̧ jwiinö babibinadö, jö̧ba̧lö.