Génesis 49:28 - Dios Iwene

²⁸ Jobadö Jacob i̧tji̧muma Israel jojodö abönö ji̧nadö. Jacobma jobadönö yöbawijetö bakwo̧nökwena Dios pjaatakwa̧bi Dios lȩebakwa̧bi, bakwo̧nökwena tjemo jö̧tja̧li̧danö. Jejenö Jacobma woakwa̧ abönö yöbawijetö i̧tji̧munö, bakwo̧nökwena.

Génesis 49:28 Iomraidhean Croise

Génesis 35:22

Jobe ja̧nö, Israel itji̧ Rubénma abe'do ömöayuju, ilekwonö eminoko Bilha mikwujukwö ji̧jetö., Ja̧danö, Israelma ju'wedö yötjawi̧ a̧ja̧kwijetö, kwitji̧ sulabenö ja̧ajabe kwilekwokwö, jö̧ba̧lö yötjawi̧ma. Baikwö laebobe Jacob i̧tji̧mu̧ ömadö a̧li̧nösamutjö̧ dujutajanö tjimibiya:

Génesis 49:27

Ikenama Jacobma yöbawijetö bajaliya luwo̧ Benjamínnö: —Benjamín, ökwötjö tupadanö jojodöna tebo a̧wi̧li̧dö jwiinö labidö tjukwobö isakwedödanö tjölabikwedö. Yȩayi̧ma tjöpöjojodönö kwabö lotjakwedö. Ja̧danö yi̧benama kwabö lotjajawö̧ tjiteatjö emibö tjömöledönö tjiyabikwedö— yöbawijetö Jacobma.

Génesis 49:29

Ikenama yöbawijetö Jacobma i̧tji̧munöma: —Chi̧tji̧mu, tjo̧wi̧ debö chi̧'ya, cha'dödömine tji̧'yinadanö. Ökwödönö baikwö weta: Ö'wö batibaja̧ ikena ötjönö e'ewö kwödajaduwo Canaán nijibe. Jobema, hiteo jojo Efrón niji i̧lȩdo̧nö, chömöledö wobadönö tjödinena kwödajaduwotjö.

1 Reyes 18:31

Iyawemi otidö, Eliasma a̧linösamutjö döbalataja inawiya eminobe, israel jojodötjö ajayinö ji̧na Jacob itji̧mu ömadö tjö̧ba̧jȩkwidanö. Damötjö̧ Isabenö Jo̧ Jacobnö iteda yöawi̧ yöawinobe, —Bemi tupakwö kwimima, Israel jö̧ba̧lö kwimikwakwo̧ja, —jö̧ba̧lö, jadanö joba israel ötjabökwe itji̧mu ömadö tjö̧ba̧jȩkwi̧danö, a̧li̧nösamutjö döbalataja inawiya eminobe Eliasma, Diosnö iyawemi otidobö.

Hechos 26:7

Ökwödö judío jojodöma, a̧li̧nösamutjö dosolataja jojodötjö tupadanö jojodöma, ja̧ wene, Dios yöbawö ujunina wene badekwachobö te'ada̧lö ju̧kwadösa. Kabatökönö, yö̧tebi, mölebi, Diosnö ösödö, jo̧banö abebö ju̧kwadösa. Jo̧ba yöbawö ujunina wene badekwachobö te'ada̧ladösa, wobinadö yemidanö tjeachajinö ja̧akwa̧ma. Jejenö ötjöbi te'ada̧lö omukwato̧sa. Jo̧kwaijayonö ötjöma judío jojodö tjomukwati̧danö omukwatö yöta̧lena jobadöma öpöjödö jwötjeba̧lobe, chuluwo̧.

Deuteronomio 33:1

Ja̧danö, Dios ömöayo̧ Moises ö'wö baibakwa̧ abönö, israel jojodönö yöawinobe, Dios jobadönö pjaatakwa̧ jawama,

Santiago 1:1

Chömöledö, Cristotjö chö̧ja̧wo̧dö dokwa. Ötjö Santiago böja kwialusöjanö wȩyudö yötawa ökwödö judío jojodönö, Israelbetjö labebinadö jelobebi, jelobebi ju̧kwadönöma. Ötjöma Dios ömöayo̧sa. Ja̧danö, Duluwo̧ Jesucristo ömöayo̧sa ötjöma. Böja kwialusöja weta ökwödönö Jesúsnö ösödadönöma.

Apocalipsis 7:4

Ikenama baikwö cha̧ja̧kwijatö, seyu dobö wȩyudakwawedö ba̧ja̧dakwawama: —Seyu dobö wȩyudakwawedöma ba̧jekwadö, ciento cuarenta y cuatro mil. Jobadöma, damötjö ji̧na Israelmine i̧tji̧mutjö tupadanö jojodö, a̧li̧nösamutjö du̧ju̧tajanö i̧tji̧mutjö, bakwo̧nökwenatjö i̧tji̧mu tupadanö jojodöma.